سرايا - سرايا - انا عندي مشكلة بسيطة بس شاغله تفكيري طول الوقت انا ارتبطت بواحد10 شهور وهو بيحبني كتير وبيخاف علي وبيحترمني وتقدم لي رسمي . وكان بده يقرأ فاتحه بس بابا اجلها سنة لما يكون خلص شقته ، بس يعتبر هلأ مقروءة فاتحتنا وهو بيحبني جدااا جدااااا وانا كمان بحبه جدا جدا.

انا المفروض أتزوج بعد الثانوية العامة بس انا حاسة انه ما رح يخليني اكمل تعليمي . وكل ما أسأله يقول لي ربنا يسهل لما نيجي لوقتها. بس اكيد لو تزوجت وصرت حامل ما رح يرضى أنزل البيبي . وحتي لو جبت بيبي ما رح ينفع اتركه.

وانا نفسي اكمل تعليمي لدرجه انه قال لي : انا حاسس انك بتحبي التعليم اكثر مني وطبعا بحبه وما بقدر استغني عنه وما حد يقول لي اتركيه وعيشي حياتك لانه كل حياتي وشاريني ...

كنت بفكر بحل وسط هو إني اروح الكلية انتساب(اروح أقدم الامتحانات وبس) بس مش عارفة هل رح يكون مستحيل اني ادرس في البيت لوحدي ومن غير مدرسين؟؟ وإلا شغلة عادية بقدر اعملها وأدرس عادي كل يوم في بيتي . ساعدوني برأيكم؟