أحمد السقا : الإعلانات رزق من عند ربنا

05-05-2010 04:00 PM

تعديل حجم الخط:

سرايا -

سرايا- دافع الفنان أحمد السقا عن إطلالاته الإعلانية المكثفة خلال الآونة الأخيرة ، رافضا الانتقادات الموجهة إلى عمله في الإعلانات .

و وصف السقا عبر مدونته الخاصة على شبكة الانترنت الإعلانات بأنها:" أكل عيش ورزق جاي من عند ربنا".

و قد كتب السقا في مدونته :"أنا كلمتكم كتير عن مشاريعي الفنية اللي جاية لكن بالرغم من كده بدأت اسمع بعض الإنتقادات الموجهة لي حول كثافة إطلالاتي الإعلانية خلال الآونة الأخيرة لدرجة دفعت البعض إلى القول بأن "أحمد السقا مركز في الإعلانات أكتر من التمثيل ..وده اتهام مش حقيقي لأني مبشتغلش إعلانات كتير ولا حاجة بجد وبقالي أكتر من سنة مكنتش عملت إعلانات خالص ولسه اول اعلان اعمله من سنة كاملة الشهر اللي فات وده اللي بيتذاع حالياً لكن كل ما في الموضوع ان الاعلان اللي بيتذاع دلوقت بيتذاع باستمرار وده جايز اللي بيدي بعض الأشخاص ايحاء بكده .. وعموماً أنا عاوز اقولكم بصراحة رأيي في الاعلانات من غير لف ولا دوران علشان انا اتعودت من صغري على الصراحة من غير تزويق في الكلام ولا تصنع أو تكلف ..

الإعلانات دي أكل عيش ورزق جاي من عند ربنا .. مقدرش أنكر ده أو أتعالى عليه .. وطالما الموضوع ماشي في سكة الرزق وأكل العيش أرفضه ليه؟! .. أنا باتعامل مع أسماء شركات ومنتجات عالمية .. أنا ممثل صحيح بس شغلتي دي باعملها في إطار الهواية وحتى لما باشتغل اعلانات عندي ضمير واراعي ربنا في أكل عيشي.. الفيصل في ده الضمير .. وبشكل عام اسم الفنان زي السلعة بالضبط بس السؤال هو ياترى هيبيع السلعة دي إزاي؟ .. وكل النجوم العالميين مقياس نجاحهم الإعلانات بالذات لما تبقى دعاية عن شركات عالمية أو متعددة الجنسيات .. الناس تلوم عليا فعلاً لما تشوف إني طالع في الإعلان شكلي وحش أو باعمل الموضوع على سبيل التهريج والإستخفاف".

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 7113


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	05-05-2010 04:00 PM سرايا
لا يوجد تعليقات