خطيبي جاف ولا يهتم بي .. ماذا أفعل؟

22-09-2013 03:25 PM

تعديل حجم الخط:

سرايا - سرايا - انا فتاة مخطوبة من شرطي، هو إنسان محترم، أهله كويسين، هو بيحترم أهله جدا، وأسرتي وأسرته متفاهمين، اختارني لأنه حس أني طيبة ومطيعة وأهلي ناس كويسين والحمد لله مش بعيده عن ربنا.

المشكلة أنه جااف جدا، ما بيهتم بمشاعري، حتى ما بيعبر لي عن حبه، بيحكيلي أنه بيحبني بس مش لازم كل شويه يحكيها, بالرغم أني محتاج أن يحكيلي ياها، ويعبر لي على طول لأني ساعات بشك أنه ما بيحبني لأن تصرفاته جامدة كتير، ما بيهتم بأي شي فيه مشاعر.

ما بيعرف يعبر عن حبه ولا بيجيبلي هدايا، بس بيعطيني فلوس (مصروف) - وطبعا إحساس مش حلو- وإذا جاب هديه ما بيقدملي ياها بايدي, بيتركها على الطاولة وبيحكيلي عادي، ولما جبت له هديه نسيها عندي بالبيت وطبعا أنا زعلت كتير، بس هو عادي اعتذر وبس.

هو معتمد على امه في كل شي، هي اللي بتختار له لبسه وهي اللي بتجيب لي الهدايا – ازا جاب يعني - يعني بتكون امه هي اللي مختارها, هو معتمد عليها كتير وهي شخصيتها قوية.

هو بيدخن وقال حيترك الدخان بس لهلا ما تركه, وبيحكيلي ادعيلي وهو ما بيحاول أصلا، أنا حاسة أنه مش حابب يعمل حاجه علشاني، وما بحب احكيه لانه هو عنده ضغط شغل على طول، وحتى لما بحكيه بيحسسنى أن هو طبيعي وأنا اللي غلط وأنا اللي رومانسية زيادة عن اللزوم.

وهو بيحكيلي انه بينبسط لما بيشوفني وبس ، وأنا بحس أنه ما بتفرق معاه أنا فرحانة ولا محتاجه إشي ولا بدي اشي ؟ أنا مش عارفه شو اعمل؟، رغم أنه طيب جدا وتفكيره حلو.

طباعة

المشاهدات: 96932


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	22-09-2013 03:25 PM سرايا
2 -	you have to pray to allh	22-09-2013 05:28 PM sos التبليغ عن إساءة
3 -	عادي كل الي بشتغلو بمجال الامن جامدين بس المطلوب منك انك انت تخلي المشاعر الي داخله تتحرك وبجنون	22-09-2013 05:47 PM ?????????????? التبليغ عن إساءة
4 -	اسأل الله ان يكتب لك الخير حيثما كان ويرضك به...نهاية رسالتك تقولي رغم انه طيب جدا وتفكيره حلو وبداية رسالتك ايضا ذكرت صفاته الطيبة ...فيبدوا اخية من كلامك انك ترتاحي لهذا الخطيب بقي ان فيه بعض الصفات التي لا بد لك ان تقومي على تغيرها::1.التدخين2.اعتماده على امه في كل شيء3.عدم شعورك بأنه يحبك ...انصحك بمناقشة هذه الأمور معه اولا بأول وبخصوص المشاعر والكلام الجميل اعلمي ان طبيعة الرجل الشرقي على الأغلب قليل البوح بالمشاعر...فهو قد يكون يحبك ولكن لا يظهر لك ذلك اما خجلا او انه يشعر انه لا داعي لإظهار المحبة....تستطيعي اخية ان تحفزيه على قول كلام الحب عن طريق:1. ارسال مسجات الحب له واجعليه تنزل عليه بغزارة....حتى لو لم يرسل لك اي رسالة اعلمي انه مع المدة سوف يسعى لإرسال رسائل الحب والغرام..2.وانت تجلسي معه كلميه بالحب وحفزيه على ذلك وامدحيه ان تفوه بأي كلمة حب ...وهناك امور كثيرة تستطيعي ان تستفيدي من الإنترنت...3.الحي على الله بالدعاء حتى يحبب خطيبك فيك ويجعله يكلمك كلام الحب والغرام 4. اياك وخطوات الشيطان واعلمي ان هدفه الرئيسي هو عدم اتمام الزواج فإياك والشيطان..5.تابعي ردودي على بعض المشاكل السابقة لعلك تجدي فيها ما يعينك على حل مشكلتك واخيرا اسأل الله لك الخير حيثما كان ويرضك به وينزل عليك رحمة تسعدي فيها ولا تشقي بعدها ابدا....اللهم ان كان هذا الخاطب يصلح ان يكون زوجا صالحا لها فيسر زواجها منه واجعله لها كما تحب وترضة واجعلها له كما يحب ويرضى واجعلهم لك كما تحب وترضى اللهم استر عيبه عنها واستر عيوبها عنه ..محب فلا تلوموني	22-09-2013 05:50 PM محب فلا تلوموني التبليغ عن إساءة
5 -	بصراحة الله يعينك ... انا خطيبي هيك كان بس كنت صابرة عليه وضليت وراه وراه لحد ما تغير شوي (طبعا مش 100% بس صار اخف شوي) النا 3 سنين متجوزين وكله بالصبر وبالكلمة الحلوة بصير بس شوي شوي عليه بس تتجوزوا فيه كتير شغلات بتتغير	23-09-2013 08:56 AM الله يهونها عليكي يا رب التبليغ عن إساءة
6 -	حبيبتي نصيحه بما انوا كل شي بتختاروا الوا امه يعني هادا ابن امه ومحكوم لها وكل تصرفاته معك بامر منها نصيحتي مابدك اياها لانوا بعد الزواج رح يصير اسوا	23-09-2013 09:17 AM ريمي التبليغ عن إساءة
7 -	مش راح يتغير , هل بدك زواج لغاية الزواج . ام علاقة مميزة و يكون الزواج النتيجة و ليس السبب . اذا عرفت الجواب بتحلي مشكلتكز	23-09-2013 10:48 AM تامر التبليغ عن إساءة
8 -	اخلعية ياروحي لانة مايستهلك	23-09-2013 01:44 PM راعي المواجيب التبليغ عن إساءة
9 -	ابعدي عنة	23-09-2013 01:45 PM سعد التبليغ عن إساءة
10 -	اتمسكي فية لانة اللي مافية خير لمة مافية خير لناس	23-09-2013 01:48 PM العمرو التبليغ عن إساءة
11 -	هذا من اسباب الزواج التقليدي	23-09-2013 03:23 PM هاني حرب التبليغ عن إساءة