سرايا - أعلنت الفنانة المصرية مروة عبدالمنعم عن تعرضها لعملية سرقة مالية مفاجئة من حسابها البنكي، حيث تم سحب مبلغ كبير من بطاقة المشتريات الخاصة بها، رغم أنها كانت بحوزتها طوال الوقت.


وقالت مروة عبر صفحتها على فيسبوك: "أنا في مشكلة ومحتاجة أهل الخبرة يفيدوني. اكتشفت إن فيه حد سحب مبلغ كبير من فيزا المشتريات بتاعتي، والغريب إن الفيزا معايا طول الوقت. اتفاجئت إن البنك اتصل بيا وسألني إذا كنت عايزة أقسط المبلغ اللي اتسحب، لما قولت له إني ما مسحبتش أي حاجة، أكد لي إن فيه مبلغ اتسحب من الفيزا. فورًا عملت شكوى ووقفت الكارت".

وأضافت الفنانة: "دلوقتي مش عارفة أعمل إيه عشان أعرف عملية السرقة دي حصلت إزاي، وإزاي ممكن حاجة زي دي تحصل والكارت معايا ومافيش حتى OTP وصلني على الموبايل".

وتابعت: "البنك عايز مني أسدد المبلغ، وأنا عايزة أثبت إني ما سحبتش أي مبلغ. حد ممكن يفهمني إيه الإجراءات اللي ممكن أعملها".

الحادثة أثارت تفاعل المتابعين، الذين قدموا نصائح حول الخطوات القانونية والإجرائية التي يمكن لمروة اتخاذها لحماية حقوقها واسترجاع أموالها، وسط دعوات لها بسرعة التواصل مع الجهات المختصة للتحقيق في الواقعة.