انا لست حملاً لهذه المسؤولية وأريد الهروب من حياتي

02-08-2014 08:47 AM

تعديل حجم الخط:

سرايا - سرايا - ارجوكم قبل قراءة قصتي لا تحكموا بالمظاهر
انا شاب عمري 23 من عائلة محافظة تقليديه جدااااا لدرجة انه كقانون عائلي ان يتزوج الشاب عند العشرين
وفعلا وجدت نفسي مرتبط بزوجة ولي طفل والثاني بالطريق .. انا مصدوم جدا ..
انا لست حملا لهذه المسؤولية كل شي كان من تدبير الاهل والكبار ولا رأي لي او حتى لزوجتي ..
رغم أن اصدقائي لا زالوا بالجامعه ويعيشون شبابهم كيفما ارادوا
انا لا اريد الطفلين ولا زوجتي ..لأنني لست اهلا لهم ولا لهذه المسؤولية الكبيرة ..
لا اعرف كيف اكون ابا ولا اريد ان اكون زوجا .. على الاقل الان ..
ارجوكم ماذا افعل كيف اتخلص من هذا العبء الكبير؟؟
فكرت بالانتحار لافهم اهلي خطأهم الفادح وتراجعت خوفا من ربي.. وفكرت بالهجرة و لا اعرف ماذا يمكن ان افعل ..
ارجوكم ماذا افعل ؟؟

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 60036


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	02-08-2014 08:47 AM سرايا
2 -	اخي انت ااان مسؤول عن عائله وهذه مسؤولية ﻻ يمكن الهروب منها بامكانك ان تعيش حياتك كباقي الشباب ومن غير هروب من اسرتك كتير شباب متزوجين واقل من عمرك وحياتهم مستمرة ما بنصحك تدمرحياة اسرتك كرمال انك مو حاببهم	02-08-2014 10:57 AM بسمة التبليغ عن إساءة
3 -	أخي في الله.. كان الله في عونك ..و بصراحة جهل الاباء التقليدي غير مبرر... لكن أخي كن مع الله..قدر الله و اصبحت زوجتك و طفليك أمانة من الله في رقبتك... أخي اتق الله و لا تتهرب منهم... أما كان بامكانك أن تهرب قبل ان يلزموك بالزواج... اما الان والواقع أمامك.. امض قدما و ادرس الجامعة و ربي أبنائك عسى الله ان ينفعك بهما..و اتق الله في زوجتك التي لا ذنب لها... أخي كن مع الله و ان شاء ليعطيك ربك فترضى	02-08-2014 12:07 PM اختك في الله التبليغ عن إساءة
4 -	السلام عليكم مع احترامي الك هالحكي عيب هدول اولادك وما تنسى كم كان عمر الصحابه لما كانو يحاربو وما تنسى ابو عبيده كان عمره 14 وتولى قيادة الجيش. اختصر وصير زلمه.	02-08-2014 12:23 PM عبدالرحمن الملكاوي التبليغ عن إساءة
5 -	اخي الكريم الي صار صار وهلأ اجى الوقت تنك تصير رجال وتتقبل الواقع كمل دراستك بالجامعة وخلي زوجتك كمان تكمل ربوا ولادكم على الخير والدين وربنا بجازيك كل خير استهدي بالله اخي ولا تعمل خطوة تندم عليها ادعي الله هو بيقويك وهو معك وين ما تكون	02-08-2014 12:56 PM kokoko التبليغ عن إساءة
6 -	اخي الكريم الي صار صار وهلأ اجى الوقت تنك تصير رجال وتتقبل الواقع كمل دراستك بالجامعة وخلي زوجتك كمان تكمل ربوا ولادكم على الخير والدين وربنا بجازيك كل خير استهدي بالله اخي ولا تعمل خطوة تندم عليها ادعي الله هو بيقويك وهو معك وين ما تكون	02-08-2014 12:56 PM kokoko التبليغ عن إساءة
7 -	أولا :- انت شاب عندك مخافة الله لانك تراجعت عن الانتحار مخافة رب العالمين ثانيا:- عود نفسك على تحمل المسؤوليه واحبب زوجتك وطفلك لان كثير من الشباب يحسدونك على ما انت فيه من نعمة الزواج لان غيرك يتمنى يرتبط ويكون اسره وما باليد حيله ثالثآ :-شو ذنب زوجتك وطفلك وهم ضحية هذا الزواج رابعآ :ـ الزواج لا يمنعك من ان تعيش حياتك بحريتك وتنبسط بشبابك بتقوى الله ومخافته وتعيش حياتك مع زوجتك واطفالك خامسآ :- انت عمرك 23 سنه كيف لا تتحمل مسؤولية الزواج والصحابه والخلفاء بعمر 16سنه يقودوا الفتوحات الاسلاميه وغيرها من المعارك „„ سادسآ :- لا تجعل اصحابك وزملائك يأثروا عليك بكلامهم ان هم عايشين حياتهم[[ ولو فتحت قلب واحد منهم لكان شفت حقيقته من تمني ما انت به من نعمة الزواج والاطفال]] سابعآ :- لا تقنع نفسك انكـ مو قادر تتحمل المسؤوليه لانه ياثر عليك سلبيآ ولا تجعل لشيطان مدخل عليك ويوسوس لكك بالعكس لازم تحمد الله وتنبسط مع اسرتك وتكون عون وسند لزوجتك واطفالك والله ولي التوفيـــــــق	02-08-2014 01:02 PM بنـ(الباديه)ــت التبليغ عن إساءة
8 -	اخي اولا وقبل كل شيء لا تحكي فكرت بالانتحار لانه هالاشي حرام ورح تطلع خسران الدنيا والاخرة وبتكون حطيت نفسك بعذاب كبير لا يعلم فيه الا ربنا ... ممكن انت هلا حاسس حالك لساتك صغير على هالمسؤولية بس يا اخي الخيرة فيما اختارها الله تعالى والله اعلم بانه هاذا هو الوضع المناسب الك ، وبما انه هاذا الشيء قانون بعيلتكم فاكيد انه في امامك امثلة كتيرة بامكانك تطلع عليهم وتشوف كيف دبروا امورهم ومشوا حياتهم وامشي على نهج اللي ا انت بتشوفو قدوة الك وبعدين يا اخي ليش بتحكي هيك ، بالعكس اللي انت فيه نعمة بتمناها كتير شباب وفي منهم بالتلاتينات ولسا ما تزوجوا وهلا انت اب والمفروض تكون على قد المسؤولية وتضلك تحاول وتحاول .وهي زمان كانوا يتزوجوا على عمر ١٣ و ١٤ سنة فلا تحكي صغير ... وبدك تعرف انه زوجتك واطفالك ما الهم اي ذنب بس انت اتعوذ من الشيطان الرجيم واستعين بالله تعالى واطلب المساعدة منه وحدو ودائما اطلع على النصف المليان من الكاسة وتوكل على ربنا وشوف كيف الحياة بتصير والله يفرج همك	02-08-2014 01:44 PM اربداوية التبليغ عن إساءة
9 -	اخي حرام تقول لا اريد زوجتي وابنك والله حرام كثيرون محرومون من ذلك ان شاءالله مع زمن تتعود بتصير احلى اب وتتحمل مسؤولية	02-08-2014 03:00 PM حبي لربي التبليغ عن إساءة
10 -	اذا‏ ‏صار‏ ‏عمرك‏ ‏٢٣وبعدك‏ ‏ما‏ ‏صرت‏ ‏زلمه‏ ‏متى‏ ‏ناوي‏ ‏تصير‏ ‏رجال‏ ‏على‏ ‏خير‏ ‏لما‏ ‏يصير‏ ‏عمرك‏ ‏١٠٠سنة‏ ‏فعلا‏ ‏شباب‏ ‏اخر‏ ‏زمن	02-08-2014 04:07 PM امير‏ ‏الضلام التبليغ عن إساءة
11 -	بدو ينتحر عشان عندو ولدين وزوجه والله حرام فعلا احيانا الواحد ربنا بعطيه نعمه ما بستحقها شو يعني عمرك عشرين صغير متلا صغير انك تكون مسؤول عنهم بس مو صغير لما قررت تجيب ولاد ولا كمان ما اجبروك تجيب ولاد يا شيخ حرام عليك بدال ما تحمد ربك بتروح تنتحر وتتخلى عن اةلادك وزوجتك ... طيب ليش ما فكرت متلا انك تعيش حياتك انتا وزوجتك واولادك وتكمل دراستك وزوجتك كمان وتشتغلو وتكونو مبسوطين بحياتكم غيرك عمرو تلاتين وبتمنا ابوه يقرر يزوجو .... هاد واقع لازم تعيشو نصيحه استهدي بالله والغي هاد للتفكير من بالك وعيش حياتك بين اولادك وانبسط وبالتوفيئ ان شالله...	02-08-2014 04:40 PM سنسونه التبليغ عن إساءة
12 -	اصلا يا محترم لازم تشكر الله على نعمة الاطفال هاذ اولا وثانيا بكرة انت وولادك بتكونوا شباب مع بعض عمرك ٤٠ وولادك ٢٥ و ٢٠ سنه دير بالك ولا بدك سرسره مع الشباب زي حالتنا نش لاقيين قرش نزوج اشكر ربك بلاش تبطر ع نعمة ربنا ودلع	02-08-2014 08:12 PM محترم التبليغ عن إساءة
13 -	انتا لا زغير ولا شي .... احمد ربك ... بكرة بتسير بالثلاثينات وابنك زلمة اطول منك .. هاي لحالها بتسوى الدنيا ... بعدين اذا صار عندك ولدين خلص كفاها الله ..ما في داعي اتخلف اكثر ...دير بالك عليهم... عشان اذا بدك ( تمزط ) يكون حملك خفيف ).	02-08-2014 08:18 PM مرجان احمد مرجان التبليغ عن إساءة
14 -	يااااااا حسرة قلبي بس ;;; الله لا يحسدك والله لو معي فراطه كان اعطيتك .................	02-08-2014 10:22 PM حبيب الروح التبليغ عن إساءة
15 -	ارضى بما قسمه الله لك وغدا ترى اولادك كبارا وغيرك مازالو يتمنون الزواج	02-08-2014 11:06 PM غاده شعيب التبليغ عن إساءة
16 -	انته بتلعب ....يا حبيبي و لك زلام بالستين مش قد المسووليه لويش خاايف اجمد حبيبي انته دوار صياعه	02-08-2014 11:42 PM ااا التبليغ عن إساءة
17 -	انا متأكد انك كنت مدلل عند ابوك وامك وكل شي يجيك ع البارد المستريح.... ف هيك اشخاص يكون اتكالي جدا لهيك لا حدا يدلل ابنه بعدين ينتج نسخ مشابهه	03-08-2014 12:57 AM مجنوووووووووون التبليغ عن إساءة
18 -	يعني انتا فكرت بحالك وما فكرت بزوجتك وشعورها لما تحس انه زوجها ما بحبها وما بده اياها هي وأولادها عيش حياتك متل ما انتا بدك بس مع وزجتك.. يا أخي حبها و حسس حالك انه هاي البنت الي بدك ياها من زمان وأهم شي تخاف الله بحالك و زوجتك و أولادك	03-08-2014 01:14 AM ريم التبليغ عن إساءة
19 -	فعلاً أنك ولد و بدك مين ... هو بالساهل الزيجه بهالايام و الخلفه سهله في أزواج بيدفعوا الي فوقهم و الي تحتهم ليقدروا يجيبوا ولد بس بدون نتيجه قل تعيش حياتك بلا حكي فاضي شكلك لازم تتربى عالحرمان و تسافر حتى تنطم و تعرف الي الله بعثلك اياه ما صاح لغيرك، بلا مياعه، كون رجال	03-08-2014 01:57 AM من اربد التبليغ عن إساءة
20 -	بسم الله الرحمن الرحيم اولا : كما قال الله عز وجل ((عسى ان تكرهوا شيء وهو خيرا لكم وعسى ان تحبوا شيء وهو شر لكم والله يعلم وانتم لا تعلمون )) ثانيا :: ((واما بنعمة ربك فحدث )) الله انعم عليك بالقدره الماليه والجسديه على الزواج ورزقك من زينه الدنيا وهم الابناء فهذه نعم يجب ان نحمد الله عليها (( ان الله يحب الشاكرين )) ثالثا : ما في اشي ب الحياه الا بينزهق طلعات الشباب والسهرات وما الى ذالك	03-08-2014 06:15 AM موسى التبليغ عن إساءة
21 -	احمد ربك، في شباب كثير بتمنوا اللي عندك، واذا حابب تدرس ادرس وعيش حياتك مع زوجتك وابناءك. وانبسط فيهم واتق الله في نفسك وفيهم كمان	04-08-2014 02:05 PM احمد ربك التبليغ عن إساءة
22 -	احمد ربنا والله لو تتزوج ع كبر ما بتقدر تنظر ل ابنك ما اجمل ان يكون الفرق بينك وبين ابنك صغير حتى انك تستطيع ان تلعب معه و تفهمه و بالتالي بتقدر ان تنصحه عندما يصبع يافعا احمد الله بلاش ربنا يبتليك!!!!!!!!!!!	10-08-2014 02:47 PM ابو ابو محمد التبليغ عن إساءة