زوجي خائن ويشكك بي

02-08-2014 08:47 AM

تعديل حجم الخط:

سرايا - سرايا - انا متزوجة من خمس سنوات زوجي ابعد ما يكون عن الله
تحملت الكثير من شربه ومكالمة البنات علنا والخروج معهم واكتر وكنت احتسب صبري عند الله ..
المشكلة لانه خائن دائما يشك بكل شي..
اذا قدمت له الطعام او الشراب يجعلني اتناول منه قبله خوفا من ان اسممه
ولو تناولته يضربني صربا مبرحا مع إني اخاف الله ولا افكر حتى بالامر
وفي احد المرات كسر ذراعي وسني ومع ذلك صبرت
انا وحدانية وليس لدي الا امي وهي طريحة الفراش وتقوم خالتي برعايتها ..
المشكلة انه الان يتهمني بعرضي ويدعي ان ابننا الوحبد ليس منه ويقول بان لديه الدليل الطبي القاطع انه لا ينجب
ارجوكم انا سبدة متدينة اخاف ربي واقسم بالله انه ابنه ولم اعد احتمل هذا الرجل ..طاقتي انتهت ..
ملاحظة : أنا لست متعلمة ولا اجيد برامج الحاسوب حتى اعمل ولا اعرف ان كان بامكاني ان اعمل
غير خادمة .. ولكني افضل هذا الامر على البقاء معه ..
اسفه على الاطالة .وارجوكم اسعفوني بحل

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 47253


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	02-08-2014 08:47 AM سرايا
2 -	لايوجد حل الحل بيدك	02-08-2014 09:25 AM السعيديين التبليغ عن إساءة
3 -	الله المستعان .. عليك بالصبر يا اختي .. والله على الظالم	02-08-2014 10:01 AM واحد التبليغ عن إساءة
4 -	يا اختي من كلامك مافي حل معو والله يجازيكي على صبرك خايفة تموتي من الجوع لو طلقتي ؟؟؟؟؟؟؟؟؟؟؟ مش انتي متدينة ؟ يعني مؤمنة انو ربنا هو الرزاق لا الحاسوب ولا غيرو لا تخافي على رزقك هاد بامر ربنا واستخيري والي بختارلك ياه ربنا اعمليه واتوكلي والله يكون معك	02-08-2014 10:03 AM mmmmmmmmmmmmm التبليغ عن إساءة
5 -	يا اختي روحي اشتكية للمحكمة واطلبي الخلع وربك بيرزقك, او روحي للجمعيات النسائية وهمة بيساعدوكي	02-08-2014 10:43 AM tareq التبليغ عن إساءة
6 -	الحل هو الطﻻق من هذا الرجل اختي ...ومستحيل يكون عنده دليل صحيح بما انك متأأكدة نن ان الطفل ابنه ..الله يكون معك	02-08-2014 10:48 AM بسمة التبليغ عن إساءة
7 -	خلي يحكي انو ابنك مش منه قدام شهود وانتي ارفعي عليه قضية قذف واتهام لعرضك و فحص اطلبي فحص DNA	02-08-2014 10:54 AM ناصحة التبليغ عن إساءة
8 -	اختي العزيزة . برأيي النتواضع انك تروحي ع احد مراكز حماية الاسرة. خليهم يطلقوكي منه . و اشتغلي مربية اطفال في احد المراكز الاجتماعية . و اهل الخير ان شا لله كثار. ربنا كريم توكلي عليه	02-08-2014 11:13 AM ربنا عالظالم التبليغ عن إساءة
9 -	حماية الاسرة هو الحل لوضع حد لتصرفاته وتشكيكه بعرضك تو كيل محامي الي ما بستحي بخاف هذه قاعدة .	02-08-2014 11:52 AM متابع التبليغ عن إساءة
10 -	بعد الاتكال على الله الواحد القهار المنتقم والتذرع اليه في جوف الليل ليخلصكي من هذا الزوج السيىء الاخلاق توجهي الى حماية الاسره واطلبي المساعده وستجدين ما يسركي	02-08-2014 12:04 PM الناصح الامين التبليغ عن إساءة
11 -	اطلبي الطلاق	02-08-2014 12:43 PM ناصح جيد التبليغ عن إساءة
12 -	اطلب منه اجراء فحص دي ان ايه لاثبات انه طفله ...وبهذا تقطعي الشك باليقين... وبيعرف انه كلامه حكي فاضي ومش بيجوز كان يجيب ولاد وبعدين بطل..	02-08-2014 01:05 PM ناصح التبليغ عن إساءة
13 -	الله يكون بعونك اختي ،اذا في من عيلتك عم خال قريب تقدري تلجأيله وتحكيله واذا ما في شوفي حماكي او حدا من العيلة بقدر يحكي معة واهم اشي الجألي لله تعالى فهو الوحيد القادر على تغيره اكثري من الاستغفار والدعاء خصوصا في قيام الليل لان سهام الليل لا تخيب وربنا ما بخيب حدا بدق بابه ... وانتي كمان اختي تعي مع زوحك بالدين وتعمدي في وجوده على فتح برامج دينية لعل كلمة خير تلامس قلبه وتصحيه .... الله يهديلك زوجك ويرده اليك ردا جميلا	02-08-2014 01:56 PM اربداوية التبليغ عن إساءة
14 -	اولا .. هاد الرجل اّذا بيشرب وبيزني واي ما بصلي ... حرام بالدين العيشة معه ... انا بنصحك تتركية وترجغي تخدمي امك ..... لانو جوززك ما عنو دين اليوم بيشك فيك وفي ابنك الله يعلم بكره شو يعمل ...ممكن ايصر يلعب قمار وممكن اكتر من هيك ................	02-08-2014 02:45 PM ناصح التبليغ عن إساءة
15 -	اختي انتي وين ساكنة لاني بعرف مدرسة بحاجة الى من تقوم بتنظيف مرافق المدرسة كان الله في عونك ابتلاءك كبيرة	02-08-2014 03:05 PM لا حول ولا قوة الا بالله التبليغ عن إساءة
16 -	بقول‏ ‏المثل‏ ‏اللي‏ ‏ببيعك‏ ‏بشلن‏ ‏بيعه‏ ‏ببلاش‏ ‏وهاذا‏ ‏شكله‏ ‏بايعك‏ ‏....... ‏انتي‏ ‏بيعيه‏ ..........‏ ‏قاعد‏ ‏بيطعن‏ ‏باغلى‏ ‏شي‏ء‏ ‏عندك‏ ‏وانتي‏ ‏قاعده‏ عنده‏ ‏‏والله‏ ‏لو‏ ‏انه‏ ‏ملاك‏ ‏ما‏ ‏بضل‏ ‏عنده‏ دقيقه‏ ‏وحده‏‏ ‏ والباقي‏ ‏عندك	02-08-2014 04:15 PM امير‏ ‏الظلام التبليغ عن إساءة
17 -	اول شي بنصحك تروحي عمركز حماية الاسره غريبه صابره لهلأ مع انو بشرب وبحكي مع بنات وبضربك كمان ولأ وصلت معو يتهمك هيك اتهام حسبي الله ... شوفي هاد المركز واكيد همو رح يوجهوكي للاحسن وعللاقل بكون في حدا معك وعارف شو بصير معك وشايف وضعك ااكتر وطبعا هاد لازم ترفعي عليه قضيه وتتركيه احسن بس انتي بتحكي ما عندك حدا ووضعك بحكمك بهيم شغله بس الاحسن تروحي عحماية الاسره خديها مني نصيحه ورح نستغيدي ان شالله ... والله يهديه ولو بعرف اتوصللك كان ساعدتك اكتر ....	02-08-2014 04:50 PM سنسونه التبليغ عن إساءة
18 -	إخلعيه واخلعي ابوه وابو ابو و...............احسن منه	02-08-2014 04:54 PM مروح التبليغ عن إساءة
19 -	اعانكي الله من عنده لا مجال للكلام اتركيه واذهبي لامك قبل ان تتركيه ابحثي عن عمل نعم بامكانك ان تجدي اللاف الاعمال مثل العمل في الصالونات النسائيه او عامله نظافه في المستشفيات الشركات فنادق الخ	02-08-2014 06:10 PM بياع الورد التبليغ عن إساءة
20 -	اذا كل هالصفات والاعمال هاي بزوجك !!!! لا والله ما بدك اياه ... شو بدك بهالمصيبة .. لا حول ولا قوة الا بالله !!! ما فيه حسنه واحدة .!!!!.. طب على ايش صابرة .!!! خلص اخلعيه من شروشه ...وحطي الطلاق بين عيونك ... بس مش ترجعي وتقولي انو قلبوا طيب !!!!	02-08-2014 08:27 PM مرجان احمد مرجان التبليغ عن إساءة
21 -	اكثري من الاستغفار بنية الله يفرج عنك .......	02-08-2014 09:41 PM ......... التبليغ عن إساءة
22 -	يعني دخيل الله ما دامه ابعد ما يكون عن الله ليش من البدايه اخذتيه ولو ظليتي بخدمة امك احسن الك واجر وبعدين فوف ما هو انسان غجري وخلفتي منه كمان((((( النسوان الي جوزها سيء بتفضيها طول ما تسألها كيفك انتي وجوزك طول دايما بتقول ما بنحكي مع بعض حرب بعد سنتين وانه معها 3 اولاد ;;; طيب كيف وانتو طول السنه حرب ...... هههههههههه تحياتي	02-08-2014 10:17 PM حبيب الروح التبليغ عن إساءة
23 -	انا بقترح نوظف سنسونه بحل المشاكل لانه حلولها جهنميه اشي ابداع عبقريه فوق التصور يعني قد ما هي ذكيه خايفه عليها يبلش الدماغ يمسح عندها وترجع طفله صغيره امانه قولو ما شاء الله	03-08-2014 12:43 AM حبيب الروح الى سنسونه التبليغ عن إساءة
24 -	ههههههههه والله ضحكتني عن جد.... بس شومالك عليه انا ما حكيت معك هلأ شو اللي بدك اياه عمو حل عني ما ازنخك	04-08-2014 12:45 AM حبيب الروح التبليغ عن إساءة
25 -	ما في حد بمون عليه، والده والدته اخوانه، واذا ما مانوا عليه اتركيه واخدمي امك احسن لك، والله برزقكم اشتغلي في اي مصنع او اذا الك موهبة اشغال يدوية او في صالون اي مهنة شريفة	04-08-2014 02:10 PM مها التبليغ عن إساءة
26 -	هاي الحياه لا تطاق اذهبي لدائره الافتاء العام	04-08-2014 09:18 PM ابو ابو محمد التبليغ عن إساءة
27 -	الى حبيب الروح هههههههه ((ما شا اللة )) سنسونة شو هذا الغباء شو بدك في حبيب الروح ما ازنخك تحياتي الك حبيب الروح ٠٠٠٠٠٠٠٠٠	05-08-2014 11:41 PM Foosh69@iCloud.com التبليغ عن إساءة
28 -	بسم الله الرحمن الرحيم قالى تعالى: (وَمَنْ يَتَّقِ اللَّهَ يَجْعَلْ لَهُ مَخْرَجاً*وَيَرْزُقْهُ مِنْ حَيْثُ لا يَحْتَسِب ).صدق الله العظيم الطلاف 2 نزلت الآية في عوف بن مالك الأشجعي ، وذلك أن المشركين أسروا ابنا له ، فأتى رسول الله - صلى الله عليه وسلم - وشكا إليه الفاقة ، وقال : إن العدو أسر ابني وجزعت الأم ، فما تأمرني ؟ فقال النبي - صلى الله عليه وسلم - : " اتق الله واصبر ، وآمرك وإياها أن تستكثرا من قول : لا حول ولا قوة إلا بالله " ، فعاد إلى بيته وقال لامرأته : إن رسول الله - صلى الله عليه وسلم - أمرني وإياك أن نستكثر من قول لا حول ولا قوة إلا بالله ، فقالت : نعم ما أمرنا به ، فجعلا يقولان ، فغفل العدو عن ابنه ، فساق غنمهم وجاء بها إلى أبيه وهي أربعة آلاف شاة . فنزلت هذه الآية . هذا ابتلاء من الله عزوجل فالصبر هو مفتاح الفرج وانتهاء الابتلاء ... ونسال الله لك العفو والعافية	11-08-2014 10:58 AM :- صــانــع الــكــلــمــات -: التبليغ عن إساءة