ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.

اسمحيلي اختي هاد زوجك قليل الادب وقليل افهم (هل جزاء الاحسان الا الاحسان) هو لو انسام بيفهم ما بيحكي هيك ولا حتى بيسمح لاهلو يحكوا هيك بالعكس تماما هاي نقطة قوة تجاهك انو احنا شرينا زلمة مش زي ما بعض العائلات بتطلب وبتطلب , انتي لازم تفتخري بحالك وبأهلك لانهم من معدن اصيل بس هاي الدنيا ما بتعرف الشخص الي قدامك الا لحتى تجربوا

لا حول ولا قوة الا بالله حسب كلامك بحكي انا والله الخسيس عمره ما بيعرف معارف الرجال والر جل صاحب التربايه الصح ما بعمل هيك المهم ما الك الا تصبري او تتخلصي من هيك شكال والثانيه احسن

قال صلى الله عليه وسلم (اقلكن مهرا اكثركن بركه
)

اسمحيلي يا انسه ....يا ريت جوزك يطلع حواليه بالاول ويشوف الناس اللي بيطلبو مهور غاليه وبخلو العريس يشحد مشان بنتهم ..وبحسسو انهم مجوزينو الاميره ديانا ..... انا ناسبت قبل هالمره ناس والله ما ضلو الا يمصو دمي وبالاخير سرقوني كمان .... وييحمد ربو انو وقع بناس متلكو .... ان شالله ربنا يرزقني نسايب متلكو ناس بتفهم وبحسو وبيشعرو مع الشب.... وانتي مع احترامي الك ليش ماتجاوبيهم واحكيلهم اهلي لما طلبو منكو هيك مهر ..كل هاد مشان حسو وشعرو معك لانك طفران ووضعك ما كان يسمح .... والمفروض انو الاقي احترام منكو

صيح انه ص قال هيك لكن هل ياترى هذا الزوج الحقير بيستاهل يالي عملولياه حمويه انهم ماطلبوا نهر غالي؟ هيك أشكال لازم ينطلب منها مهر عالي جدا بالخيال خاصة بالمؤخر منشان بس تنفصل عنه توقع واقفة يعني تقدر لصعوبات الحياة . والله هالايام الواحد لازم يخاف عمصلحة بناته بالاول مش مصلحة الصهر ، لانه خياركم خياركم لاهله هيك ص حكى.

كلمه وحده يا لينا بتحكيلو مهري قليل لأنك انت وأهلك قدمتو قيمتكو هاد الي قدرتوووو عليه ولا تسمحي لحدى يدلك ومو عاجبه يفتح كيسه. ويروح يتجوز وحده ويحط وزنها ذهب ويا رب تطلع دبه خليها تكسره ههههههه

الذي حث الشرع الحنيف على اعتباره في النكاح إنما هو الدين والخلق وليس المال، قال صلى الله عليه وسلم: إذا خطب إليكم من ترضون دينه وخلقه فزوجوه، إلا تفعلوه تكن فتنة في الأرض وفساد عريض. رواه الترمذي

المغالاة في المهور والتباهي بكثرتها غير ممدوح في الإسلام، بل إن قلة المهر هي الأفضل وتعتبر دليلا على بركة الزوجة، فقد قال صلى الله عليه وسلم في الحديث الصحيح: أعظم النساء بركة أيسرهن مهرا

قال الشوكاني في نيل الأوطار : قوله : ( أيسره مؤنة ) فيه دليل على أفضلية النكاح مع قلة المهر، وأن الزواج بمهر قليل مندوب إليه، لأن المهر إذا كان قليلا لم يستصعب النكاح من يريده، فيكثر الزواج المرغب فيه ويقدر عليه الفقراء ويكثر النسل الذي هو أهم مطالب النكاح، بخلاف ما إذا كان المهر كثيرا، فإنه لا يتمكن منه إلا أرباب الأموال، فيكون الفقراء الذين هم الأكثر في الغالب غير مزوجين فلا تحصل المكاثرة التي أرشد إليها النبي صلى الله عليه وسلم كما سلف في أول النكاح .

هل المهر القليل يقلل من مكانة الزوجة ؟
--------------------------------


لايخفى على الجميع بأن المهر هو المال الذي تتسلمه الزوجة من الزوج قبل الزواج .. وهذا شي طبيعي يحدث دائماً قبل كل كتب كتاب بين العريس والعروس....

والآن ما هي نظرة الزوج والناس لهذا المهر؟ ..
-هل المهر القليل يقلل من مكانة الزوجة وكرامتها بين الناس ؟
-هل المهر القليل سوف يجعل الزوج لا يحترم الزوجة وينظر لها نظرة قليلة المستوى ، وبأنها يوم قبلت بالمهرالقليل فهذا يعنى ان بها عيب ؟
-هل المهر القليل يساهم فى بناء وانجاح الزواج والحصول على التقدير والاحترام من الزوج ، ام يُصور على انه عيب وعار ومستحيل ؟
الآن سؤال إلى المهر الكبير ..
هل المهر الكثير يساهم ويجعل البنت محترمة وكبيرة وغالية بين الناس ؟
هل المهر الكثير يجعل الزوج يحترم ويقدس الزوجة بحكم انه دفع فيها مهر كبير ؟؟
هل المهر الكبير يساهم فى إنجاح الزواج وضمان ان ( الرجال ما يلعب بذيله ) كما نقول ؟ هل المهر الكبير ضروري ؟.. وخصوصا ان بعض الفتيات شفاهن الله يتباهين بكثرة المهر ونسين قول الرسول صلى الله عليه وسلم ( اعظم النساء بركة ايسرهن مؤونة ) وكفى بنا في رسول الله صلى الله عليه وسلم .


بعد هذة التساؤلات اقول لكم واحب ان ابين معلومة بسطية ولكم الاختيار
المــهر

قال تعالى:{وآتوا النساء صدقاتهن نحلة فإن طبن لكم عن شيء منه نفساً فكلوه هنيئاً مريئاً} [النساء:4].

لقد كرم الإسلام المرأة وفرض المهر على من أراد الزواج بها، و لم يضع الإسلام حداً لهذا المهر بل ترك الأمر للطرفين يتفقان عليه حسب المقدرة. ورغب في يسره، وعدم المغالاة في طلبه، لحديث عائشة رضي الله عنها قالت: قال رسول الله صلى الله عليه وسلم: " من يمن المرأة تيسير خطبتها وتيسير صداقها وتيسير رحمها)) [رواه أحمد والطبراني].

وعنها رضي الله عنها قالت: قال رسول الله صلى الله عليه وسلم: (( أعظم النساء بركة أيسرهن مؤونة " [رواه أحمد والحاكم].

وكان رسول الله صلى الله عليه وسلم يكره المغالاة في المهور، ولقد استنكر النبي صلى الله عليه وسلم موقف أحد الصحابة حينما فرض على نفسه مهراً لا يطيقه ثم جاءه يطلب المساعدة ففي رواية للإمام مسلم: جاء رجل إلى النبي صلى الله عليه وسلم فقال له: إني تزوجت امرأة من الأنصار فقال له صلى الله عليه وسلم: (هل نظرت إليها فإن في أعين الأنصار شيئاً) قال: قد نظرت إليها، فقال صلى الله عليه وسلم: " على كم تزوجتها؟ " قال: على أربع أواق، فقال صلى الله عليه وسلم: " على أربع أواق؟ كأنكم تنحتون الفضة من عرض هذا الجبل، ما عندنا ما نعطيك، ولكن عسى أن نبعثك في بعث تصيب منه )).

وكان النبي صلى الله عليه وسلم يحرص على تيسير أمر الزواج بأقل المهور؟ فقد زوج أحد الصحابة بما تيسر معه من القرآن. روى البخاري وغيره أن امرأة جاءت إلى رسول الله صلى الله عليه وسلم فقالت لرسول الله صلى الله عليه وسلم: جئت أهب لك نفسي فنظر إليها رسول الله صلى الله عليه وسلم فصعد النظر وصوبه، ثم طأطأ رسول الله صلى الله عليه وسلم رأسه، فلما رأت المرأة أنه لم يقض فيها شيئاً جلست، فقام رجل من أصحابه فقال: يا رسول الله إن لم يكن لك بها حاجة فزوجينها فقال صلى الله عليه وسلم: " هل عندك شيء تصدقها إياه؟ " قال: لا والله يا رسول الله. فقال صلى الله عليه وسلم: " اذهب إلى أهلك فانظر هل تجد شيئاً؟ " فذهب الرجل ثم رجع فقال: لا والله يا رسول الله، ما وجدت شيئاً، فقال صلى الله عليه وسلم: " انظر ولو خاتماً من حديد " فذهب ثم رجع فقال: لا والله يا رسول الله، ولا خاتماً من حديد، ولكن هذا إزاري فلها نصفه، فقال رسول الله صلى الله عليه وسلم: " ما تصنع بإزارك؟ إن لبتته لم يكن عليها منه شيء، وإن لبسته لم يكن عليك منه شيء)) فجلس الرجل حتى إذا طال مجلسه قام، فرآه رسول الله مولياً فأمر به فدعي فلما جاء قال له: " ماذا معك من القرآن؟ " قال معي سورة كذا وسورة كذا، قال: " وتقرأهن عن ظهر قلب؟ " قال: نعم قال: " اذهب فقد ملكتكها بما معك من القرآن " [رواه الخمسة واللفظ للبخاري].

وعن عامر بن ربيعة أن امرأة من بني فزارة تزوجت على نعلين، فقال رسول الله صلى الله عليه وسلم: " أرضيت عن نفسك ومالك بنعلين؟ " فقالت: نعم فأجازه [رواه أحمد وابن ماجه والترمذي وصححه].

وكان رسول الله صلى الله عليه وسلم خير وأعظم قدوة لنا في هذا الأمر، فلم يزد صداق نسائه وبناته على خمسمائة درهم عدا أم حبيبة رضي الله عنها فقد كان صداقها أربعمائة دينار، دفعها النجاشي عن النبي صلى الله عليه وسلم إكراماً له.

وكان الصحابة رضوان الله عليهم يلتزمون اليسر والبساطة في تزويج بناتهن فكانت زيجاتهن أعظم بركة.

وكان الفاروق عمر رضي الله عنه ينادي بعدم المغالاة في صداق النساء، فقد خطب في الناس يوماً فقال: (يا أيها الناس لا تغالوا في صدق النساء فإنها لو كانت مكرمة في الدنيا أو تقوى عند الله لكان أولاكم بها رسول الله صلى الله عليه وسلم... ما أصدق رسول الله صلى الله عليه وسلم امرأة من نسائه، ولا أصدقت امرأة من بناته أكثر من اثنتي عشرة أوقية. وإن كان الرجل ليبتلى بصدقة امرأته حتى يكون لها عداوة في نفسه، وحتى يقول: كلفت إليك علق القربة) علق القربة: الجبل الذي تعلق

ولقد لجأ كثير من الناس في هذا العصر إلى المغالاة في المهور، معتقدين أن غلاء المهور يزيد من تمسك الزوج بزوجته، حريصين على حب الظهور والتفاخر أمام الناس بالمهور الكبيرة، مما أدى ذلك إلى عرقلة سنة الزواج التي هي من أسمى سنن الحياة، مما أدى إلى انتشار الفساد بين الشباب، وقلة البركة بين المتزوجين، وكثرة المشاكل الزوجية، وتضاعفت حالات الطلاق عما كانت عليه في العصور الإسلامية السابقة. فلو أنهم اتبعوا سنة رسول الله صلى الله عليه وسلم وصحابته في فرض المهور لما وصلت العلاقات الزوجية إلى ما وصلت إليه الآن.

فالرحمة الرحمة أيها الآباء في طلب المهور تحصيناً لشبابكم وعفة لبناتكم، وكونوا كمن قال الله تعالى فيهم: (محمد رسول الله والذين معه أشداء على الكفار رحماء بينهم )الآية [الفتح:29].

والله ياصاحبة المشكلة متلك متايل في كتير ستات بعانوا معاناتك بس الله يفرجها عليك.

هذا مريض نفسي ولازم تكبري الموضوع و تزعلي عند اهلك

مشكلتك متلي تماما أنا هلأ ندمانة أشد الندم يلي وافقت عشكله لانه كتير شايف حاله علي وفعلا متل ما انك بتحكي انه مسترخصك . فأنا بوجه نداء لكل البنات يلي مقبلت عزواج لاتستعجلوا عالوفاق ولازم تظلك أقل اشي شهر وانت بتفكري بانك موافقة أو مش موافقة وخليه يستنى منكم الرد خليه يتعب وبيني قدامه انك ثقيلة ولاتفرجيه انك دغري وافقت لانه بكرة بصير يعايرك انك انت مباشرة وافقت علي وهذا دلالة عانك كاينة ذليلة عند أهلك ومنت مصدقة تامنك تتزوجي لانها حياتك فيها مرارة مع أهلك.

واحد متل هيك مابدكياه والله هاي الكلمات لحالها بتقززك منه حتى لو حكالكياها مرة وحدة فايش حال لما يكرر هالحكي شكله تمادى بوقاحته. الله يفرجها عليك

الحق عليك انت ليش من البداية ما وقفتيه عند حده ليش تخليه يتمادى وين أهلك عنه وين عشيرتك؟ لازم انك طلبت الطلاق بمجرد ما حكالكياها مرة وحدة .

بسيطة يا بنت .. استنى البك اب الي بمر بشوارع عمان وبنادي لشراء الخردة والاثاث المستعمل وبيعي حصتك من الاثاث .. مش اهلك دفع ربعه و حقو .. بيعيه وخلي هو يشتري على حسابه اثاث جديد ....؟ حق والا مش حق

بصراحة احنا الزلام هيك تفكيرنا لكن مش الكل نذل مثل زوجها ، يعني بصراحة أنا شخصيا وقت ماتقدمت لزوجتي كان مهرها قليل مقارنة بقراباتها وخواتها والجيران ونفس الشي بس أجوا أهلها يباركولنا جابوا معهم تلفزيون ومكوى لكن بدون ماحدا يزعل أنا بيني وبين نفسي استرخصت زوجتي وحسيت كانهم أهلها راميينها عالجيزة خاصة انهم مباشرة وافقوا ، بس طبعا اشي أكيد انه مستحيل أعايرها بهيك اشي مهما تولع بيناتنا المشاكل حفاظا عمشاعرها ما بحب أجرحها وأحكيلها كلشي بقلبي.
ديروا بالكم حدا يحكي هالحكي لزوجتي .

فعلا هيك تفكير زلام مجتمعنا لانه زوج خالتي من هالنوعية بسترخصها هي وأهلها لكن ياصاحبة المشكلة اعملي متل مابتعمل خالتي انه بتاخذ الموضوع ببساطة ومزح وعادي متأقلمة مع الوضع من الخارج رغم انها من الداخل بتتعذب .
الله ينتقملك منه.

حسبنا الله ونعم الوكيل والله ان زوجك رجل لا يفهم معنا الرجوله الكثير من الناس والرجال يدفعون من جيوبهم عند تزويج بناتهم وهذه شهامة الرجال الرجال وبدك النذل يعرف ذلك على والدك ان يعطيه علقه عند اي زعله منك انت ويعلمه الادب لان هذا ما هو وجه احترام لاهو ولا اهله

ما هقيت انك ابن عشاير لو انك ابن عشاير كان اعرفت ان الي قدمو الك اهلها طيب اصل منهم هيك تفكير ابناء العشائر و الاصل

احردي عند اهلك و ما ترجعي الا تا يكت مبلغ و قدره خليه يعرف قيمتك

لو انا مابسويها معك ،،بس شو

تكسره ههههه احكي جد جد

القصص دروس يتعلمها الانسان من غيره فاليكم هذه القصة..

تقدم شاب لخطبة فتاة

فلما وجد الأب فيه الصفات المناسبة طلب منه مهر ريال واحد فقط

قال الأب : حنا نشتري رجال ولا يهمنا المال فرح الشاب و تم الزواج كانت هناك حركة يقوم بها الزوج دوما على سبيل المزاح

كلما اشترى الرجل علبة بيبسي يقول لزوجته : أنتي وعلبة الببسي نفس الشيء كلكم بريال والزوجة مقهورة وتكتم غيظها

ودايما يناديها يا علبة البيبسي طلعوا مرة يتمشون واشترى بيبسي قال لها : تخيلي ؟؟!!

أنتي خسرتيني نفس ما خسرني البيبسي ههههههه طفح الكيل .......

طلبت الزوجة تزور أهلها واشتكت هناك لهم من زوجها وقالت



أرخصتم مهري فأرخص قدري عصّب الأب وقال للزوج الذي أتى لأخذ زوجته :



خلها اليوم عندنا وتعال أنت وأهلك بكرة عندنا عزيمة فرح الرجل ( ما يدري وش بيصير له )













اليوم الثاني جاء هو وعائلتهفوضع لهم الأب علبة بيبسي !!









استغربوا الأهل لكن الزوج بدأ يشعر أن السالفة عن تعليقاته ثم أتى الأب بعلبة ثانية وثالثة ووضعها أمام أهل الشاب وقال لهم :



أخذتوا بنتنا بعلبة بيبسي والآن نعطيكم 3 علب ونبيها ترجع لنا كاد الزوج يغمى عليه من الإحراج أما أهله فلم يفهموا شيئا شرح لهم الأب الموقف فغضب الجميع على الزوج;;„

أهكذا جزاء من أكرمك؟؟

حلف الأب ألا تخرج البنت من بيته إلا ب300 ألف ريال وأيده الجميع ...

أحرج الزوج وعلم أنه يستحق ما حصل له وقام بدفع المبلغ مهما حصل لأنه يحب زوجته ولكن بعد فتره قام يناديها

[[[

يا مصنع البيبسي[]

اختي الكريمة. مع احترامي الك انتي متجوزة واحد من حوثالت المجتمع اول اشي ما لازم يسمعك هيك اشي مهما صار لانو ما في انسان عندو فهم واخلاق بعاير مرتو باشي بالنسبة الو لازم يكون معروف. الله يكون بعونك انتي وقعتي مع عيلة زي قاع الكيلة الى بنطبق عليهم المثل اذا اكرمت اللئيم تمردا. والله اذا بدك تردي عليه بتسسير مسخرة. بنصح كل بنت قبل ما تتجوز تتعرف على اهل العريس كويس كويس لانو اذا اهلو طيبين ومتفاهمين يعني عيلة تكون مترابطة ومتحابة والاولاد راضين والدين و الاب و الام بخافو الله بكون العريس صيدة. و اذا احد الشروط الصابقة ناقص بكون العريس خيبة و قلت قيمة للبنت و اهلها.

؛؛؛اذا اكرمت الكريم ملكته واذا اكرمت اللئيم تمردا؛؛؛

يعينك الله على هيك عيله اخلاقها معدومه ....

الله لا يوفقه ولايوفق يالي بقابل الاحسان بالاساءة ظلي ادعي عليه لانه هذا ظلم.

عليك بالطلاق لأن هذا الموضوع ليس بالهين.

طيب سؤال : بصراحة كم كان مهرك ؟ أنا يالي بعرفه انها البنت العادية كل مهرها عبعضه تقريبا 15 ألف فمافوق
انت بصراحة كم كان وكم كان على زمنك؟

طيب وين أهلك عنه وعن أهله ليش هم مابيعرفوا بالموضوع؟

واحد زي هات بتفي عليه، حتى التفة حرام فيه

حلك رهيب وأحسن حل

قولي له ولهم...اقلهن مهورا اكثرهن بركة...واهلي طبقوا وصية رسول الله في تزويجي....وانصحك بالتصرف بحكمة وحاولي ان تعالجي المشاكل الزوجية بينك وبين زوجك بهدوء وحكمة بعيدا عن اهله...وتصرفي مع اهله بإحسان وهل جزاء الإحسان إلا الإحسان...واصفحي عمن اساء إليك واعف عمن ظلمك تكوني اسعد امرأة في العالم....طالعي واستمعي لكثير من المحاضرات والندوات والكتب التي تتحدث عن كيفية التصرف مع اهل الزوج وكيفية تغيير الزوج .....والتعامل معه وكسب قلبه وقلب اهله....اللهم انزل على قلبها رحمة تسعد فيها ولا تشقى بعدها ابدا....محب فلا تلوموني

مرررررريض////نفسي///وعنده نقص

قليل اصل

قليل أصل قليل عقل أقلما يقال عنه تافه لأنه يعتقد أنه اشتراك بالمهر القليل الذي قدّمه مع أنه لا يعلم أن أكثر النساء بركة أقلهن مهرا خلّيه يضب لسانه ويسكت وينضب أحسن له

أنا كثير هيك بسمع بقصص مشابهة لكن في أزواج بيحكوها بمزح وبرضه في زوجات بيقبلنها بمزح لكن لاتصدقوا لو إنه الزوج يالي بيحكي لزوجته هالحكي حتى لو من باب المزح لاتصدقوا انه بيمزح لانه بكون بده يحسس زوجته بإنك رخيصة وأهلك رموك علينا لحتى يخلصوا منك ونفس الشي لاتصدقوا انه في زوجة بترضى ينحكالها هالاشي ولو من باب المزح حتى لو إنها أخذت الموضوع بالمزح لكن مستحيل يكون قلبها صافي اله.

الى تعليق 36 المحترم:

اكيد لو كان على سبيل المزح يجرح مشاعرها مهما كان بـــــس على صاحبـــة المشكلـــه تعمــــل مثل قصـــة صاحب الببسي حتى يتـــــوووب وما بيكررها هيك بده„„„

الوحدة لازم تستخير مرة ومرتين وعشرة قبل ماتوافق ولازم تسأل عن سمعته وسمعة أهله قبل مايوقع الفاس بالراس.

أقلكن مهورا أكثركن بركة ، لكن في ناس مابتستاهل ينحس فيها مثل زوج هالست ، في آباء وأمهات بحسوا بالخاطب لو كان وضعه المادي مش بزيادة وياريت يحفظوا المعروف .

مهرك قليل وآمنا بس شو يالي جابر أهلك يساهموا بأثاث البيت؟ ليش تفتحوا عأنفسكم ابواب مغلقة ؟ طيب الشب وقت مابده يتزوج لازم يكون مجهز أموره من جميعها من أثاث من مهر من كله يعني بلكي ألله مايسر للزلمة ناس طيبين كتير متلكم ؟ شو بده يعمل بهالحالة ؟

هذا الحكي مابينحكى نهائيا لو حتى بطريقة المزح ، هاي الكلمة تعتبر متل الطلاق وين عقله لهالزلمة ؟

والله زوجتي مهرها 2000 دينار وأقسم بالله لو عشيرتها يدفعولي ملايين ما رجعتها عليهم وما ببدلها ولا بجرحها بكلمة.