سرايا - سرايا - مشكلتي ان زوجي لا يحسن التصرف ودائم الصراخ حتى انه امه وابوه واهله ما بطيقوه ودايما بهينوه قدامي
هو بصراحة عليه تصرفات غريبة وما الها تبرير دايما منكد وبنكد على اللي حواليه
كتير بحاول يدايقني
مثلا بكون البيت نظيف ومخلصة شغل ببلش يوسخ بالبيت بعدبن بعملي مشكلة عشان انظف
بكون كاويه الاواعي بطول المجعلك وبلبسه
بيضرب بنتنا الصغيرة لما تلعب بدون سبب
بحكي لي بحب اشرب قهوة لما اصحى من النوم واذا  عملت له بقول لي عندي قولون بدك تموتيني
بفتش شنطتي واغراضي كتير
بشكك في وبتهمني اني بدخن
ان صارت مشكلة معي بالبيت وهو بالشغل وحليتها ببهدلني .
وسخ برادي البيت وحط عليهم شكولاتة
اجى على باله كعك واعملت له وانا بشتغل بالمطبخ اخد من العجوة ومسحها على الارض بعدين صار يصرخ علي كيف العجوة طلعت من المطبخ
بعد ما خلصت تنظيف خزانات المطبخ رش فيها سكر
حط حجر بمصرف البرندة عشان بس اشطف ما تنزل المي
بصراحة انجنيت وبطل في مخ ..

المشكلة عندي بنت ومش عارفة شو اتصرف معه.. ان شكيت لاهه بصيروا يحكوا :
" الله يرضى عليه هو هيك طول عمره " !!
والله انجنيت ... بس انا لحالي هيك بيعمل فيّ,,  اما قدام الناس بني ادم تانيّّ
هلا ليش هيك بعمل معي ؟؟  ما بعرف
انا ما باجي فيه بالمرة وبساير كتير.. واكتر مما تتصوروا .. بس اعصابي تلفت من تصرفاته وصايرة عصبية
بحكولي تجاهليه..  بس كيف ؟؟ مش عارفة
خايفة اطلب الطلاق واشرد بنتي او انحرم منها
هو عنده غيرة مني لاني انا متفوقة وهو ما عمل شي بحياته.. بس انا ما بحسسه بهاد الفرق ..وعلى العكس بمدح فيه وبحاول اغير من قناعته جهة نفسه .. وبعمل حالي ما بعرف كتير شغلات عشان ما احسسه بالفرق
بعرفش هل الغيرة هي الدافع زي ما انا بتصور وإلا ممكن يكون اشي تاني انا محتارة ونفسي الاقي حل

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا