ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.

خبيهم وطلعي منهم 50 بس واشتريلك خضره واكبسيها ( مخللات)
او ماكنه خياطه واشتغلي عليها

الله يفرجها عليك أختي
تعرفي خبي المصاري مع حدى من أخوانك أو روحي للسوق من غير زوجك ما يعرف وجيبي الاغراض وحطيه تحت الامر الواقع كثير يضربك من شان المصاري خبري حدى من اهل زوجك يتفاهم معاه باسلوب منيح .....

الصبر جميل بالله نستعين الله يكون بعونك

انا بنصحك توفيريهم وما تخليه يعرف اذا معك مصاري

والله يهديه

ما ألك الا تشتكي عليه عند حمايه الأسره وبلتزم بعدين وبالنسبه للمصاري أودعيهم بالبنك حساب توفير أوفرلك

بلاش اهلك يعطوكي فلوس كاش .... وصيهم على الاغراض اللي محتاجيتها و همه يشترولك اياها بدون ما يعرف زوجك انه انتي اللي وصيتيهم..... و ازا كانت الحياة معه مستحيلة اطلبي الطلاق و حاولي تشتغلي و ان شالله ربنا ببعتلك انسان احسن منه

اختي العزيزة شو بدك في هيك انسان هاد اصبح عبئ عليكي بدل ما يكون سترة الك ويحميكي من غدر الزمان وهاد مش رجل وهو انسان اناني وكونك انتي انسانة جامعية بتقدري تشتغلي وتعتمدي على نفسك ومش بحاجة اي حدا حتى ما يتمنن عليكي اي انسان

عيشي لحالك احسن الك وما بتعرفي يمكن يجي انسان يقدر قيمتك بدل هالعيشة الي انتي عايشاها

أنا أول ما تزوجت سكرت بوجهي وقعدت 3 سنين و زوجتي تصرف علي وعآلبيت وبعدين ربنا يسرها وآلحمدلله وبقدملها يلي بدهياه والي عشر سنين متزوج وما عندي اولاد وتضحيه لموقفها معي ببداية ال 3 سنين ما بتركها عشان اولاد فأعتقد الزوجين مو مهم مين بيصرف عالثاني لانه مرحله وربنا بفرجعا فالمهم التفاهم لكن اذا زوجك بهالشكل هذا مع احترامي الك تصرف سيء من طرفه وفي الك قانون يحميكي يا اختي

مسخره قعديه عالحديده زيك حطي الالف بالبنك وضلك زيديهم كل شهر من اخوانك 30 و 30 وهكذا

اذا ما بدو ياكي تشتغلي برة البيت ممكن وانتي في البيت تشتغلي انتي جامعية صح يعني ممكن تدرسي طلاب صغار لانو في هدا الوقت الي احنا فيه كل الطلاب بحبو الدروس الخصوصية ممكن توخدي من الطالب 3 دنانير على الحصة انتي بلشي في طلاب من صف 1-3 او اشتري كمبيوتر والة طابعة اكيد في بمنطقتكم طلاب وهم بحاجة لطباعة او تصوير ورق فكري بالموضوع اكيد الك جارات كتير وكل وحدة بتفضل لاولادها اشي قريب وسريع بالنسبة للتصوير او التدريس بالذات

عزيزتي صاحبة المشكلة . انا رأي نفس الي كتبلك ( رجل حر ) كنت عم افكر اكتبلك نفس الشيئ . تنت انسانة متعلمة وتقدري تشتغلي وتعتمدي على نفسك خاصة اذا ما في اولاد عندك فرصتك انك تتخلصي من هيك انسان متخلف وعديم المسؤلية . خدي بيت قريب من اخوانك واشتغلي وعيشي وربنا يعطيكي ويوفقك

بالعكس انا ضد انه اهلك يعطوكي مصاري لانه هيك بتمرد عليكم اكتر وبحس انهم بشترو سكاتو او ما بعرف كيف رح يفهمها مشان هيك خلي اهلك يعطوكي اشي تاني

ان كانت كتابتك حقيقية فانا لا الومه بل الومك انت لانك ارتضيت حياة الذل والعبودية في زماننا هذا وتسالين يا جامعية عن استثمار 1000 دينار ولم تستثمري مخك في الخلاص منه وقسما بالله العظيم انني اصبحت اخاف على الاردن من هذا العسكري حامي حماه وهو لا يستطيع حماية زوجته من نفسه رحم الله ابا الطيب المتنبي والقائل قبل الف سنة = من يهن يسهل اهوان عليه - ما لجرح بميت ايلام

اطلبي الطلاق ليس لانه لا يملك نقودا بل لانه لا يملك رجولة

1000 دينار خلياهللك يشترو اثاث كون ما عند اثاث في البيت وبعد جوزك اتعود على اهلك بعدين شوبدك في هيك ناس

نصيحه يا اختي طلقيه وريحي راسك . لأنه عيشتك مو عيشه
استأجري بيت واشتغلي.

بداية لا بد لك اخيتي من التعرف على كيفية التعامل مع مثل هذا الزوج...اي لا بد لك ان تفهمي نفسية زوجك جيدا حتى تحسني التعامل والتصرف معها وبالتالي تقللي المرات التي يضربك فيها....جميل .. أنك عرفتِ من شخصية زوجك أنه ( عصبي ) و ( يزعل لأتفه الأسباب ) !الحل : ليس أن نطلب منه أن لا يكون عصبي وأن لا يزعل وان لا يضربك...الحل : أن نتجنّب ما يثير عصبيّته ، ونعرف ماهي الأسباب ولو كانت تافهة التي تثير زعله ونتجنّبها ..أن نغيّر في سلوكنا وطريقة تعاملنا أسهل وأفضل بكثير من أن ننتظر أن يتغيّر سلوك شريك حياتنا ..فنحن نملك أنفسنا ومسؤولون عن أنفسنا لكننا لا نملك المسؤولية عن الطرف الآخر في إدارة شخصيّته وسلوكياته.لذلك النصيحة لك : اعرفي ماهي الأشياء والمواقف والأسلوب الذي يثير عصبيّة زوجك ..تجنّبي ما يثير عصبيّته ..مارسي معه المرح ،...واستعيني بالإستغفار والصلاة وكثرة الدعاء فوالله الكثير من الزوجات تغير زوجها للأحسن وأصبح كما تحب وترضى فقط بالمحافظة على الإستغفار وقيام الليل...فالله وحده بيده قلوب العباد يقلبها كيفما شاء....فاسأل الذي قلوب العباد بين اصبعين من اصابع رحمته ان يرقق قلب زوجك عليك....ويصلح حالك.....وبخصوص النقود....انصحك اخيتي في حال ملكت نقود من اهلك ان تشتري فيها ما يهمك وتستفيدي منه في بيتك وعلى نفسك...ولا بأس لو اشتريت بعض الأمور التي تهم زوجك...وتشعريه بمدى حبك له....اما بخصوص المبلغ 1000دينار...فنصيحتي إليك ان توكلي احد اخوتك بالمبلغ ودعيه يبحث لك عن بعض الامور التي تستطيعي ان تشغليه فيها...ولا تشعري زوجك بأن المبلغ معك لأنك ستعرضي نفسك للضرب....لذلك احرصي دائما ان لا يكتشف زوجك ان معك نقود....ولا بأس لو اخبرتي احد اخوتك الحكماء بما يحدث معك...لعل لديه بعض الوسائل التي تساعدك على تخطي هذه المشكلة....كما وانصحك اخيتي بمتابعة ردودي على بعض المشاكل التي تتحدث عن عصبية الزوج وكيفية التصرف معه.....وانصحك ان تسمعي محاضرة بعنوان فهم النفسيات بين الزوجين......الله اسال ان يفرج همك ويزيد في رزقك ويكتب لك الخير حيثما كان ويرضك به...محب فلا تلوموني

الله يفرجها عليكي يا اختي انا مع الاخ رجل حر بتخيل انه رجل لا يعتمد عليه ازا هو هلاء وانتو باعتبار بعدكم عرسان عم يضربك وياخد فلوسك بعد كم سنه شو بتتوقعي يعمل؟ انتي جامعية وبتئدري تلائي شغل بسهولة وتعيلي حالك ليه بدك حد يعيلك ارتاحي منو وربنا رح يعوضك احسن.. ربي يفرجها عليكي يا اختي

يابنت الحلال والله قطعتلي قلبي ليش هيك وين الرفق بالقوارير حرام والله حرام ديري،بالك علا حالك بتخافي يضربك يودكي،بداهيه اتلاشيه ولا تناقشيه هدا واحد لا يستحق حتى انه الواحد يتكلم معه الله يعنيك علا بلواكي واحرصي علا نفسك وبالنسبه للمبلغ الي معك حطيهم بالبنك وخليهم دخر الك وكل ما بتقدري وبصحلك بتزيدهم لا تخلي معك مصاري بالبيت يعني ومرات بدل ما يعطوكي اخوانك مصاري اطلبي منهم اجبولك اغراض ويعني ان شالله بتحسن وضع جوزك وبخفف ديري بالك علا حالك كتير منه الله يهديه

ضروري تشتكيه لحماية الاسرة وطلقي احسنلك يعني مش بس ما بيصرف عليكي وبيضرب كمان والانسان اللي بيضرب بصراحة ما اله حل

معك الف دينار واهلك بيعطوكي ٣٠ شوفي شغلي مخك معي ي بتقدري تسوي مشروع بيتك من المطبخ أكيد في عندك جارات موظفات وبتعرفي الموظفه وقتها ديق الطبيخ والنفيخ اتفقي معها انك اطبخي وانتي تشتري الخضار وكل شي وتحسبي بالتعريفه وعكل طبخه تأخذي مبلغ معين ويكون الأكل زاكي ونظيف ومن وحده لوحده بتنعرفي وتاخدي نسبه منيحه طبعا لا تغلي الطبخه مش أكلة ورق الدوالي تطلع ب٥٠دينار لا شعارك نظافه صحه وربح قليل شوي شوي بتكبر المشروع ولما يصير معك مبلغ محترم ودخل شهري بتحلقي لجوزك بتشوفي بيت تعيشي فيه وفيه مطبخ مرتب وفرن بيتزا يعني أشي فخم والله اسمعي مني النسوان بطلت تحب تحط شي على نار لا يكون برجر كنج أحسن ولا أنظف وانتي في أفكار كتيره يا رب الله يريحك ويرزقك من وسع وما بدك جميلة حدى لا جوز ولا أهل

بسيطه اتركيه

بوخذ 170 دينار كم عمره وشو رتبته معقول يعني عمره 16 سنه يعني مجند !! بعدين لما اجوزتيه كان البيت فاضي!!! واخوانك وينهم يعني من سنتين ما فاتولك بيت!!!بعدين اخوانك بعطوكي 10000 دينار وتمقطعوا فيكي ب30 دينار! لتكون ورثثك يعني اذا فيه ورثه !! والاخوة اللي عندك شايفينك مذلولة يا جامعية وساكتين !!! فعلا اشي خياااااال يا عموه

شكرآ على نصائح الجميع
ملاحظة: جوزي راتبه بس 170 لأنه بعد ما تزوجنا بشهرين اخد قرض لأخوه عشان يجوزه
وال 1000 دينار ورثه

بصراحة في حلقة مفقوده بالقصة ولا بد انه هناك سبب لقبولك هدا العريس من الاساس وهو مستغل هدا الموضوع عليكي مثل انه عارف انك ما رح ترجعي لاخوانك فأنا برأي الموضوع بده حل جذري والمشكله مش بالمصاري المشكله بنفسية الزوج لازم تفهمي منه اش الي بده اياه و تفهميه انك خلص صبرك نفذ و انه لا بصير انسان لا خلص الطلاق هو الحل و انتي ما وضحتي ليش ما عندكم اولاد.

يا بنتي لما بدك حل لمشكلة احكي للناس الظروف كاملة خليهم يفهموا الله يكون بعونك وعونه يا عموووه اصبري وحاولي وبظل هيك اخوة لا تزعلي مني يا عموووه الزلمة رحمه ولو كان فحمة ان شالله بتتعدل

عموه.. اسالي عن صندوق التكافل بالبنك الاسلامي وشوفي بلكي بقدروا يشيروا عليكي بفكرة تضمني فلوسك ما تضيع وما يتمصرف فيهم جوزك الله يهديه ويعطيكو الذريه الصالحة

زي ما حكولك الاخوان المعلقين طلقيه لانو مشوارك مطول معه ما رح ينصلح حاله وزي ما حكالك المعلق رقم 24 في حلقة مفقودة بالنص انتي ما حكيتي كل اشي وما حكيتي اذا عندك اولاد منه او لاء ، بجوز عصبيته هاي انه ما عنده اولاد وما بخلف وشاعر بنقص عشان هيك بتفشش فيكي وبضربك وانا بنصحك تطلقي وتخلصي منه وتستأجري بيت وتعيشي لحالك وشتغلي وتصرفي على حالك اشرفلك من العيشة معه لانو رح يظل يضربك ويهينك بلكي اذا اطلقتي الله فتحها بوجهك وبعتلك ابن حلال يقدرك ويعرف قيمتك، والطلاق بهاي الحالات ارحم من العيشة مع هيك زوج .

هاد واحد *** الله يخلصك

شكرآ لنصائح الجميع
بخصوص الاولاد: انا ما عندي اولاد اتفاق من الطرفين يعني احنا مأجلينها حتى يتحسن الوضع المادي
بخصوص اخواني: انا ما بدي اتطلق لأنه ما في مكان اروحله بعد الطلاق خصوصآ اني بعدني صغيرة وحلوة ورح يصيروا الناس ينهشو فيي
أما اخواني مارح يستقبلوني عندهم عشان نسوانهم مستحيل يتقبلوني ضيفة عندهم على مستوى لما اروح عندهم زيارة عادية بيصيرو نسوانهم يتذمرو ويسمعوني حكي عشان اروح بسرعه

عمووه...بعد ما تقراي التعليق رقم 16 بارك الله بيه بقولك واكيد بتعرفي انه الطلاق مش سهل وروحي شوفي المحاكم وقصصها ..و بمجتمعنا البنت لما تتطلق ما تقدر تسكن لحالها وخصوصا انه ابوكي بتصور متوفي وما بعرف عن امك ... خليكي مواجهة مشكلة وحدة مع جوزك +التعليق 16 احسن من مشاكل بكرة مع اخوانك ونسوانهم ...الله يحمل معك يا عمموه....جمعتك مباركة

بصراحة القصة فيها حلقة ضايعة ، ما اتوقع حدا بالعالم بيرضى الذل لاختو ،واكيد شايفين وعافين كل شي ومع هذا مو عاملين معو اي شي بجميع الحالات الحل الوحيد هو الطلاق خاصة ازا ما كان بينكم ولاد . وانتي جامعية واكيد انك بتشوفي شغل الك وبتعيشي حياتك على الاقل بتصيري تصرفي على حالك مو عليكي وعلى زوجك بعرف الحكي سهل ولكن ما في حل غير هيك عشان تريحي راسك وتعيشي حياتك

شوفي نصائح الناس اللي نصحوك و خدي المناسب منها.. الخلاصة حاولي يكون الحل بالخلاص منه و انتبهي من موضوع انك تحبلي و تخلفي... هاد إنسان العيشة معه صعبه و حرام تتشحشطي انت و اولاد معه

الله يوفقك

انصحك بان تخلعية بالمرة في الفلوس الي معك وترتاحي منة قبل مايصير عندك اولاد والك عندي عريس جاهز

الله يساعدك مععقول الي عم يعملوه كمان نسوان اخوانك شو هاالكلام يعني اذا رحتي تضيفي عندهم وكنت متضايقه كمان رح تحسي بضيقه اكتر وانت موجوده عندهم ديري بالك علا حالك ةالله يفرجها عليكي ويحنن زوجك عليكي

اذا ما عندك ولاد منه اطلقي و ريحي راسك

هاد واحد تافهه وما بيلزمك نصيحه سبيكي منه وشوفيلك واحد ابن حلال احسن من الي عندك عماله بستنى فلوس من اهلك

الله يصبرك
يا اختي اطلقي هاى مش حاله الو انا مكانك من غير شر اكيد بطلق هاى مو عيشه يعني لو ما حدا استقبلك دبريلك وظيفه واطلقي واشتري بيت على قدك او اتاجري شقه
وتوكلي على الله