هل أطلب من أمي أن تكلم أمها ؟

16-04-2014 09:08 AM

تعديل حجم الخط:

سرايا - سرايا - انا شاب سنه ثانيه بالجامعه حبيت بنت اربع سنين
ومن فترة انمسكت من اهلها وغيروا لها رقمها ووعدتهم تبعد عني ..بس ما قدرنا نبعد
وكمان قبل يومين وانا بحكي معها مسكها اخوها فصار لي يومين ما بعرف عنها شي والبنت مختفيه

انا حابب اخلي الوالده ترن على امها وتحكي معها على انه نيتي خير تجاه البنت وتكون من نصيبي
عشان ما يحكوا اهلها انه انا بلعب فيها او اشي زي هيك....
مع إنه انا لسا مطول لأكوّن حالي واقدر اخطبها بس على الاقل لما ترن الوالده اهلها رح يحكوا انه
الشاب نيته الحلال وما بلعب فيها
بدي رايكم .. احكي للوالده ترن على امها عشان تحكي بموضوعي وإلا لأ ؟؟؟
شو اعمـل....
يا ريت تساعدوني لانه بصراحه ما حدا فادني بهالموضوع كل واحد بحكي شكل

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 47214


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	16-04-2014 09:08 AM سرايا
2 -	طبعا خليها ترن وتحجزلك اياها لو بالكلام انا بعرف شخص حب بنت وهو سنه ثانيه واهلها مسكوها وخلا اهله يحكو مع اهلها وبس تخرج كتبو كتاب وكمان شهر عرسهم	16-04-2014 09:33 AM بيان التبليغ عن إساءة
3 -	نصحته خالي امك تحكي مع امها وتوكل عل اللةورب يسر الامورك	16-04-2014 09:39 AM بنت معان ـ الشامية التبليغ عن إساءة
4 -	مسكها اخوها والبنت اختفت يا رب عفوك هاي اخر تلفونات منتصف الليل مش لو مشيتها واتسب عالصامت لحتى تتخرج خلص روح ابعت امك بسرعه عشان تريح ضميرك	16-04-2014 10:30 AM هبله التبليغ عن إساءة
5 -	اخي الله يهديك خلي الامور تهدا شوي...ولا تحرج والدتك اللي ممكن تتعرض لكلام جارح من اهل البنت ..اذا افترضنا انه إمك رضيت تحكي!!!!وبعدين تصرفكم تكرر مرتين وانمسكتوا اخي الشيء الصح والطيب بسير بالنور مش رح احكيلك انه بترضى هادا الحكي لاخت او بنت اخ الك !! انا بفترض حسن النية عندك وجل من لا يخطيء ان بوضعك الحالي ممكن ترتبط بالبنت على اساس تصلح الموقف من رسالتك الجواب لاء ... عشان ادعي الله انه البنت تكون بخير وانت راجع نفسك وانتبه لدراستك واتخرج واشتغل واجمع مهر ... بدك كم سنة ؟؟!! الله ييسر امرك اللهم صلي على سيدنا محمد	16-04-2014 12:03 PM لانا التبليغ عن إساءة
6 -	تعرف أخي لازم تخلي امك تعرف بلاش تصير قصص ومشاكل	16-04-2014 12:19 PM جود التبليغ عن إساءة
7 -	يعني لمتى بدها تظل معلقه بنت الناس جيل اليوم مع التكنولوجيا كلو بحب بجوز بتوخذ مصروفك من اهلك يا اخي اتقي الله في نفسك في بنات الناس	16-04-2014 12:31 PM اخر يوم مشمس التبليغ عن إساءة
8 -	اخي الكريم....انصحك إن كنت تكن لها الحب وهي كذلك ان تتوبا اولا من اي علاقة محرمة حصلت بينكما سواء مكالمات او لقاءات او همسات او ضحكات...لأن من احب بغير شرع الله عوقب به..اي عوقب بمن احب...وها انت تعذب ببعدها عنك وهي تتعذب ببعدك عنها...ولكن اقول الله يعفو عن كثير...انصحك اخي إن كانت النية موجودة لديك لخطبتها ان تكلم اهلك بالموضوع انك تريد هذه الفتاة وتحبها ولا تريدها ان تذهب منك فكلم والدك ووالدتك لعل لديهم طريقة معينة ليساعدوك لتحصل على من احببت....وغير ذلك دعك من اي علاقة حب انت لا تستطيع ان تتوجها بالزواج....ودعك من الطرق التي لا ترضي الله بالحصول على الزوجة الصالحة...وتب من علاقتك بهذه الفتاة وانتبه لدراستك ومستقبلك ودع كل امر لحينه او لظروفه.....الله اسأل ان ييسر امرك ويفرج همك ويعجل في زواجك...محب فلا تلوموني	16-04-2014 01:45 PM محب فلا تلوموني التبليغ عن إساءة
9 -	انتي شيخه شي يعني من تعليقاتك بحس انك شيخه او مو عارف شو احكي يعني كلو غلط يغلط كأنك نازله من السما يعني معقول بعمرك ما حبيتي ولا شو مش عارف مرات أسلوبك مع احترامي لرأيك في هجوم على الناس بطريقه مبطنه خاصه عالبنات اعتقد انك .........	16-04-2014 02:05 PM الى لانا التبليغ عن إساءة
10 -	روح أخطب البنت وبلاش أهلها يذبحوهااااا بسببك ولا بس البنت الي لازم تضحي بسمعتها وشرفها ودينها وحتى حياتها عشان انت رجل و المجتمع ما بلومك هي الي راح تروح عليها والناس الي عم يحكو تأخذ مصروف وغيره مش مشكله كبيره أخطب وهي اذا بتحبك جد رح تقنع أهلها وما رح تصغط عليك باشي وربك بفرجها	16-04-2014 02:12 PM القديسة التبليغ عن إساءة
11 -	بتخاف اهلها يكونو متخلفين و يءذوها فخلي الوالده ترن ،، او استشير الوالده نفسها	16-04-2014 02:14 PM سوسن التبليغ عن إساءة
12 -	بدك تخلي امك تحكي مع امها مشان تضل تحكي معها بتتخوث ولا بتحكي جد ؟؟؟ لو على كلامك كان لقيت كل الشعب بحكو مع بنات ومش فارق معهم	16-04-2014 02:33 PM بالله ترحمني التبليغ عن إساءة
13 -	ولا مواخذة يعني لويش امك مش ابوك الي يحكي وبعدك سنة ثانية وحلنين عا بين ماتخلص وتشفلك شغلة	16-04-2014 03:22 PM فات الميعاد التبليغ عن إساءة
14 -	انا بقول ليش ضغطي مرتفع اله فتره اااااااه هلأ عرفت السبب طيب لو قست الموضوع ع اهل بيتك بترضاه الك اكيد لا اسمع يا الب ماما اعراض الناس مش لعبه	16-04-2014 04:23 PM ربداوي التبليغ عن إساءة
15 -	بتعرفي انه كتابتك كلها بتفتح الشهيه للضحك وليش حضرتها معطيته عين عشان يلزق الها وكونه الانثى بتحسب حساب للمجتمع الشرقي وتقاليده المفروض تقطع العلاقات الملوثه بكلام الناس حكيك كله على بعضه ما اله علاقه بالواقع	16-04-2014 04:41 PM ربداوي الى القديسه التبليغ عن إساءة
16 -	شكرا وكثر الله من أمثالك انا اول مره بكتب هون بس الموضوع فتح شهيتي على ان اكتب ما يمليه علي ضميري الأنثوي لان المجتمع يلوم المراه ولا يلوم الرجل على أغلاطه مجتمع ذكوري بحت مع أني لا ااومن بالحب ولا أراه مادة دسمه في هذه الحياه الحب والعشق شيء أتفه من ان نشغل حياتنا به ولا حب الا حب الله ورسوله هادا الشي الصح لكن رأيي بما يخص المشكله وهي أصبحت امر واقع لاعطي رأيي فيها	16-04-2014 05:38 PM القديسه /الربداوي التبليغ عن إساءة
17 -	درر	16-04-2014 06:20 PM الى ١٣ التبليغ عن إساءة
18 -	انت لسه ما طلبت البنت صاااارت في خبر كااااان خاصه اذا أهلها همج أتحمل ذنبها اذا أهلها خلصو عليها عشان حضرتك تحب حب ولا يهمك ما بنات العالم لعبه وأعراض الناس لعبه رفعت ضغطي	16-04-2014 06:30 PM بنت الساحل الشرقي التبليغ عن إساءة
19 -	من تعليقاتي بتحس اني شيخة!!!واهجوم على البنات ؟؟ الله يسامحك ..لو بتطلع على واقعنا في اغلب المشاكل الخاسر الاكبر البنات سمعتها وسمعة اهلها حتى من دون ما ينعرف مين السبب عشان هيك هيه اللي لازم تحافظ على نفسها لانه بالنهاية ما حدا اختي برحمنا يا ما بنات انقتلوا بسبب تهمة ظلم !انا ام لطفلة كتير صغيرة وصدقيني بحط الله بين عيوني لما بكتب رأيي..ان بعتذر إذا انفهمت غلط ...وما يلفظ من قول الا لديه رقيب عتيد ...اللهم صل على محمد	16-04-2014 07:18 PM لانا الى تعليق رقم 8 التبليغ عن إساءة
20 -	اعتذر وبشده ربنا يخليلك بنتك ويحفظها من شر عباده سامحيني أختي واللهم صل على الحبيب المصطفى	16-04-2014 09:34 PM من تعليق 8 الى لانا التبليغ عن إساءة
21 -	شكرا...ريحتيني انك رضيتي تصبحي على خير	16-04-2014 11:24 PM لانا...الى تعليق رقم 19 التبليغ عن إساءة
22 -	شو دخل الست الوالده اقل كلمه بدها تسمعها ليش ماربيتي ابنك غلطه وانت أتحملها وحاول اطمن عالبنت من غير ما حد يحس وسكر عالموضوع وبلا من الحب وانت طالب لما تتخرج وتأخذ راتب بتروح تخطبها اذا ألك نصيب فيها او ظليت تحبها من اصله	17-04-2014 12:22 AM مهوي التبليغ عن إساءة
23 -	ما تخليها تحكي انت رح تحرج اهلك و انت غلطان و انت ركز بدراسك و خلص جامعة و اشتغل و لما تصير جاهز احكي مع اهلها يعي انت مش بموقف بتقدر تحكي في ..... والله انا بحب بنتك ؟ شو مفكر الناس كتير منفتحين .... و لو على فرض انهم منفحين ما كانو عارضوا .... فأحفظ ماء الوجة	17-04-2014 09:01 AM العقل زينة التبليغ عن إساءة
24 -	من الآخر......سيبك من الحب والحكي الفاضي................الي معوش بلزمووووش والباقي عندك...معع احتترامي	20-04-2014 01:58 PM ععمر555 التبليغ عن إساءة
25 -	اذا معها رصيد ليش لا خليها ترن BIG DEAL !!!	21-04-2014 02:26 PM يعني التبليغ عن إساءة
26 -	AH EHKEE	22-04-2014 11:10 AM BAYAN التبليغ عن إساءة