سرايا - سرايا - من ليلة عرسنا وتلفونه يرن بأرقام غريبة وهو ما يرد..ولما أسأله يحكي لي ما برد على أرقام غريبة..شهرين ونفس الرقم يرن عليه..بالآخر رد وكانت صديقته وألف لها قصة إنه من شهرين مسجون لهيك ما كان يقدر يرد..

أخدت الرقم من موبايله بدون ما يعرف وعرفت إنه لبنت وواجهته ، ضربني لأني فتحت موبايله دون إذنه. ولأنه لسه ما مر على عرسنا غير شهرين خاف أحكي لهلي فاعتذر وألف لي قصة إنها رفيقة صديقه وهي تريد أن تشوه سمعته أمامي وإنه هو تاب بعد الزواج عن كل هالقصص.

القصة تطورت إنه كل يوم يحكي مع بنات وحتى أسمعه يحكي لهم ( عادي خبروا زوجتي ما بيهمني).. وشفت على موبايله صور بنات بأوضاع مخلة ومنهم متزوجات ومنهم لأ..

وعرفت رقم وحدة من صديقاته وحكيت معها ..وقالت لي إنها تركته لما عرفت إنه متزوج بس هو كان يطاردها واتصل على الشاب اللي خطبها وشوه سمعتها لحد ما فسخ خطوبته عنها وهو يطاردها في كل مكان.

والمشكلة إنه كمان بعد ما تزوجنا انفصل من عمله وانا اللي أعمل وأصرف على البيت والأن بينا طفل عمره سنة وشهر ..

بفكر أروح عند اهلي وأعزمه عندهم وأتصل بهذه البنت أمام الجميع واخليها تحكي قصتها وكيف بيطاردها ودمر حياتها وبعدين أخبره أمام أهلي إنه خلص..كل واحد فينا من طريق لأني صبرت عليه كتير وما عدت أقدر أصبر أكتر!!
وآسفة على الإطالة

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا