زوجي مهملني

07-10-2017 02:16 PM

تعديل حجم الخط:

سرايا - انا حابة افضفض مش اكتر انا مرا عمري 23 سنة متجوزة صارلي 4 شهور اول ماتجوزت كنت كتير حابة زوجي بس اول شهر بعدين بلش يبعد عني واخدتو الطلعات مع اصحابو طول اليوم برا البيت بلبداي كنت احكي لحالي لاتحطي فبالك يابنت ماتخنقيه خليه يطلع يغير جو ماتحسسيه انو تجوز وانحبس وحياتو صارت مملة بس يوم بعد يوم ببعد عني اكتر حتى بطل في بينا حكي لانو كل ما احكي معو بهز براسو وبديق خلقو ف بحاول اختصر وضليت احكي لحالي عادي يمكن مش متعود علي او طباعو غير طباعي كنت اطلع مبررات كتير بس بصراحة صارلي شهرين حاسة حياتي جحيم ومملة كتير ونفسي اطلع من البيت وما ارجع بنخنق من البيت كتير صرت حاسة انو الحياة لي انا عايشيتها ما بتشبهني انا ما بستاهل انو اتعامل بكل هالبرود والنشفان
وحكي من اطراف المناخير نفسي افتح عين واغمض عين واللاقي حالي بحلم وما تجوزت ولسا قاعدة عند اهلي قبل ما تجوز كانت عيوني بتضوي ضوي وكنت مرحة ولكل بحب رفقتي بس بعد هالجيزة الكل بقولي متغيرة صايرة باردة وما تتفاعلي يعني انو الوحدة بتلبس وبتزبط حالها وبس يجي جوزها يقولها ما بدي اصوات بدي انام لاني تعبان كتير .. طيب ليش مانقعد ونحكي ونسهر ونضحك ونتهبل ونغير جو كنت طول عمري استنى اتجوز مشان اعيش حياة حلوة ورومانسية مع الشخص لي بحبو مشان مشان انركن ع الرف

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

وسوم: #سرايا

طباعة

المشاهدات: 28858


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	07-10-2017 02:16 PM سرايا
2 -	يا اختي كلنا كنا هيك بالبدايه ومع الزمن بصير افضل.وشغله ثانيه فتشي حالك اقصد راجعي تصرفاتك معه.وفتشي عن اللي برضيه وعن اللي بزعله.امنياتي لك بالتوفيق	07-10-2017 03:25 PM ام عامر التبليغ عن إساءة
3 -	اختي اقعدي معو وفهمي يلي بدك ايها وهو اكيد راح يفهمك بس بدون عصبيه	07-10-2017 03:42 PM قلب الاسد التبليغ عن إساءة
4 -	احنا مش ضدك يا مها لاننا بنشعر إنك بتتخوثي علينا .. يعني مش معقول بتشتغلي واعظة وبتعطي دروس دينيه وثلاث ايام بالاسبوع وراتبك السهري ٥٧ دينار وبتبيعي مؤلفاتك (مسرحيات + مسلسلات) ب ١٠٠ الف دينار . مش معقول كاتبه ومؤلفه مشهورة وما حدا بعرفك وقصصك كلها حتى اصغر من انسان هاوي يكتبها. اي مساعده بدك إياها إحنا جاهزين وبنوقف معك وبندعمك بس بدون كذب. علشان هيك إلك اعداء هون وعلى المواقع الثانيه	07-10-2017 05:29 PM ............ التبليغ عن إساءة
5 -	مسا الخير جميعا معلش تحمليه ادا الوحدة ما وقفت جنب جوزها جنب مين رح توقف بكرة بتغير انشالله	07-10-2017 08:20 PM عاشقة القهوة التبليغ عن إساءة
6 -	السلام عليكم ورحمة الله وبركاته... كلامي هذا موجه الى الأخ محمدكو شكرآ لسؤالك عني انا الحمدلله بأفضل حال...... وسبب غيابي عن الموقع هو معرفتي بأن المشكلات تأليف ووهمية بصراحة تفاجأت ولم تعد لي الرغبة في التعليق ... أخي قرأت لك تعليق ، كتبت في آخره انك مقطوع من شجرة ، هذه الجملة أثرت بنفسي كثيرآ اصابني حزن شديد لأجلك ولم أستطع كتابة أي شيء احتارت كلماتي وتبعثرت جملي ولم استطع تكوينها او تجميعها ..ففضلت أن ألتزم الصمت وأبقى بلا تعليق ، ولكنني كنت ادعو لك بظهر الغيب أن يفرج همك ، فالمواساة بالدعااء أفضل من نثر الكلمات، وسألت الله ان يعوضك بأناس طيبين وزوجة صالحة وأسرة كريمه . و عندما قرأت تعليقك الثاني بأن حفل زفااافك إقترب فرحت لك وكأنك أخ لي لم تلده أمي . وأنا الآن بدوري اتقدم لك بالتهاني والتبريكات -ألف ألف مبروك زواجك -بالرفاه والبنين إن شاء الله وبارك الله لكما وبارك عليكما وجمع بينكما في خير ، ان شا، الله انها تكون زوجة صالحة وتحل محل الأم والأخت والأخ والأب وتعوضك عن كل ماافات ويرزقك الله بالذرية الصالحة والمتينه التي تقر عينك بها وتكون عاهل لأسرة كريمه ومتينة بروابطها الأسرية وبالتوفيق إن شاءلله ، وأنا أطلب منك ان تذكرني بدعوة لأني بأمس الحاجة لها واتمنى بأن تدعوو لي بتيسير الأمور وأن أنال مافي بالي. وأعتذر لك بسبب تأخيري في الرد لإنشغالي أولآ ، ومعرفتي بأنك لم ترى تعليقي في نهاية الأسبوع بسبب إجازتك ثانيآ. بالمناسبة صرت حابة أعرف قصة حياتك اختك زهرة النرجس★★★	08-10-2017 08:41 AM زهرة النرجس التبليغ عن إساءة
7 -	الله يصلح الحال	08-10-2017 09:03 AM Majd التبليغ عن إساءة
8 -	صباح الخير شايفه اديش تعليقاتنا متشابهه تحياتي للانسانه الراقيه	08-10-2017 09:57 AM ام عامر الى عاشقة القهوة التبليغ عن إساءة