أنا رجل عمري 45 سنة وزوجتي أصغر من بسبع سنين

26-06-2016 10:59 AM

تعديل حجم الخط:

سرايا - سرايا - أنا رجل عمري 45 سنة وزوجتي أصغر من بسبع سنين
والله منعم ومتفضل علي والحمد لله تزوجنا قبل 20 سنه وربنا رزقنا ست بنات جميلات كل وحدة أحلى من الثانية . . أكبر بنت بالجامعة وأصغر بنت عمرها 5 سنين
المشكلة انها مرتي كانت بدها تخلف ولد بأي وسيلة . . . بس بالفترة الأخيرة تلاشت الفكرة عندها و بطلت تفكر بالموضوع واقتنعت باللي الله كتبه . . .وهاذا الإشي ريحني كتير

قبل شهرين تقريبا كنا سهرانين عند واحد من قرايبنا وانفتحت سيرة الخلفة. . فا . . قامت زوجته بتحكي على سبيل المزح لمرتي انها تعمل عملية أطفال انابيب مع تحديد جنس المولود . . . ويا الله شو كانت مزحة سمجة وبايخة

لأنه مرتي أعجبتها الفكرة . . . وصارت تدور في النت عن الموضوع . . وأكدتلها المواقع عن إمكانية عمل العملية وتحديد الجنس
ومن يومها زوجتي بتلح علي كل يوم نتصل في مركز إخصاب ونسوي العملية بس أنا مش مقتنع بالموضوع بالمرة . .
لأسباب كتير . . إنه العملية بتكلف بحدود 4000 دينار وفرصة نجاحها ما بتزيد عن 25% وكمان المرة كبرت بالعمر
وممكن انها ما تتحمل تعب الحبل والولادة
حاولت اقنع مرتي إنها تكبر مخها وتنسى الموضوع . . لكنها بتزيد اصرار وإلحاح كل يوم أكثر من اللي قبله وطبعا بصير خلافات بيننا على الموضوع وممكن نتحارب أنا وياها ونبطل نحكي مع بعض لعدة أيام بالرغم اني كتير بحزن عليها لما بشوفها قاعدة عالبلكونة وسرحانة بتتخيل ولد صغير بلعب في حوش الفيللا

شو رأيكم . . كيف ممكن أتخلص من هاي المشكلة

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 43320


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	26-06-2016 10:59 AM سرايا
2 -	شوف يا اخي كله بارادة الله سبحانه وتعالى يعني لو عملت عمليه اخصاب والله سبحانه لا يريد لا تنجب لانه ه وحده الذي يخدد هذه المراه تنجب ذكر او تنجب انثى ونصحيه مني خليها تنجب طبيعي واذا سبحانه وتعالى اراد لها انجاب ذكر بتحيب فلا داعي للعمليات	26-06-2016 11:24 AM مها احمد. التبليغ عن إساءة
3 -	قلها يا اما تشيلي الفكره من مخك او بال4000 بتزوج عليكي وشوف النتيجة المضمونه 100%	26-06-2016 11:32 AM الى صاحب المشكلة التبليغ عن إساءة
4 -	يزم بتحكي حوش الفيلا وعجزان عن 4000 دينار .. يا سيدي خليها تجرب لسا في معها وفت عشان ما تحكيلك انك منعتها وتضلها حسرة طول العمر	26-06-2016 11:44 AM محمد عمر التبليغ عن إساءة
5 -	طالما في حوش فيلا معناته في قروش	26-06-2016 01:05 PM شووووق التبليغ عن إساءة
6 -	انا يا صاحب المشكله مع زوجتك في ان تقوم باجراء عمليات اخصاب دون تحديد النسل ذكرا كان ام انثى. 4000 آلاف دينار ما بتسوى لحظة النظر الى وجه الابن او البنت فحرام عليك انك ما اجراء اي شيء في سبيل انك تحققلها امنيتها في ان لها ابن وبالطبع الابن لكما الإثنان. سوف تتحمل زوجتك تعب الحمل ومضاعفاته وسوف تستمتع بآلام الحمل وتبعياته لانه حلم حياتها فلا تحرمها لانها يوما ماه ستكرهك وتحتقرك لانك وقفت في طريق ان تصبح ام وحلت دون ان تحقق حلم حياتها.	26-06-2016 05:08 PM شرقي التبليغ عن إساءة
7 -	كل هالعمر معك وماشاء الله سعادة وهنا والله يزيد لاتخليها بنفسها اتوكلوا ع الله دام امورك الماديه تسمح وربك ييسر	26-06-2016 08:35 PM سالم التبليغ عن إساءة
8 -	استشر اهل العلم والشرع بخصوص تحديد نوع النسل وبعدها قرر	26-06-2016 08:57 PM المحارم التبليغ عن إساءة
9 -	على فكرة : انا شفت تعليقك وما بعرف ليش انشال . . إذا بدك بدلك على طريقة ينشروا فيها كل تعليقاتك ؛ ))	27-06-2016 12:24 AM الزيبق التبليغ عن إساءة
10 -	هههه استنصاد كتير بكتب وما بنزل بغير اسمي وما بنزل كأنه في جن بالموضوع يا ساتر هناك يد خفيه يا رفيقي :)	27-06-2016 08:27 AM دليله التبليغ عن إساءة
11 -	جني يلهفك . . . شو . . جني . . ما جني . . . أنا بخاف من خيالي وحدي الله يا ولية :(	27-06-2016 11:02 AM الزيبق التبليغ عن إساءة
12 -	اخي العزيز ...انا معلم وتخصصي صعوبات التعلم ارجو ان تعلم زوجتك ان معظم الاطفال الانابيب يخرجون للحياة باعاقات خلقية ونفسية وانفعالية وتوحد اي التخلف العقلي وهذا من خبراتي عبر السنين ...انا لا اقول الجميع ولكن هناك نسبة 60% ظهور الاعاقة ...لذلك ارجو ان يكون ايمان زوجتك بالله كبير ولا تقدم على هذه المغامرة والتي لن يكون بمقدورها تحمل تبعاتها ...الله يوفقكم للخير	28-06-2016 02:32 PM نعيم التبليغ عن إساءة