علقني به حتى أحببته .. ولكن !!

21-08-2014 09:44 AM

تعديل حجم الخط:

سرايا - سرايا - انا بنت عمري 24 سنه بشتغل حياتي عاديه جدا لدرجه الملل
زمان كتير كان في شاب بحاول يحكي معي ضله تقريبا ست شهور وهو يحاول
بعدين صرنا نحكي يمكن السبب اللي خلاني احكي معو هو الملل وعدم الاهتمام
حكينا وحبينا بعض كتير وبعدين انا وقعت بمشاكل كبيره اهلي عرفوا وهو على اساس يحكي مع اهله مشان يجوا يتقدموا
سالته شو صار معك ما حكى شي ليوم اجاني عريس وقلت له انه تقدم لي عريس
فورا صار يحكيلي انسيني وشوفي حياتك
ليه ضل معلقني لاخر لحظه مع اني كنت كتير متمسكه فيه ولما غلطت عليه ودعيت عليه من كتر ما انا مجروحه لانو تركني بظروف الله الوحيد اللي بيعلم فيها
كمان لما حكيت معو اخر مره صرخ علي لانو زعلان ومدايق من كلامي معو
امانه مين اللي لازم يزعل انا ولا هو ؟؟
وبضل احس بالذنب اني حكيتلو هيك برجع بقول بيستاهل
رح تحكو كان يتسلى فيكي وضل لاخر وقت بس لو تعرفو هو قديش منيح وقديش طيب وحنون رح تتفاجأوا باللي عمله متلي واكتر
يمكن نصيبنا هيك بس انا هلأ ما بحكي معو بس مش قادره اكرهو او حتى احقد عليه
امانه يا شباب اتقوا الله فينا
لا تعلقوا بنت فيكم وتتركوها وشكرا

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 52823


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	21-08-2014 09:44 AM سرايا
2 -	امرك رح نتقي الله فيكوا ,,, حسستيني اني عامل مصيبه يا بنت ههههههههههه	21-08-2014 09:58 AM القبطاااان التبليغ عن إساءة
3 -	طيب ليه تدعي عليه بجوز كان يعرف حالتك وكان بدو يساعدك بس ! هوه ما عمل اشي غلط وبس شاف واحد تقدملك حكالك انسيني وشوفي حياتك شو الغلط بالموضوع بجوز ما قدر او اهله ما بدهم يساعدوه مش ضروري يحكي السبب	21-08-2014 10:01 AM بياع الورد التبليغ عن إساءة
4 -	لو ما حكيتي معه كان ما حبيتيه كان ما زعلت عفوا انت الغلطانه الملل مو سبب تحكي مع شب الحلال بين والحرام بين	21-08-2014 10:30 AM لمار التبليغ عن إساءة
5 -	لو انتي اتقيتي الله وما حكيتي معو بالاصل ما كان صار هيك .... وهذه نهاية العلاقات الغير شرعية.	21-08-2014 10:41 AM ابن البادية (العجارمة) التبليغ عن إساءة
6 -	والله امانتك للاسف صعب حد بينفذهاا ....الاغلبيه هيك بيجيد التمثيل والحب والكلام الحلو فجأه بينقلب مره وحده وبيعاملها وكانه ولا اشي على العكس بيعامل بنت جيرانهم معامله افضل من حبيبته ....بدك نصيحتي ادعسي على قلبك وشوفي نصيبك لا تركضي ورى كلام الحب لانه ماظل حب هالايام كله تضحيه من طرف واحد بس	21-08-2014 10:45 AM طيف التبليغ عن إساءة
7 -	عجبتك .. بدك تحكي معها بسيطه .. خد #رقمها واتصل فيها ردت عليك #وحكتلك انها ما بتفكر #تحب ولآ تحكي مع #حدا جرب مره ثانيه ة إحكيلها إنتي #اغلى حاجة عندي #وكلآم زي هيك يعني #أقنعتها !! علقتها فيك ؟ حلو :)) اتفقتوا تشوفوا بعض وطلعتوو #حسيتها قعدت #عاديه ة ومليت منها بدك #تغيرها؟ عآدي ا‘حكيلها ما في #نصيب بيناا او هآي #ظروف بكت ؟ زعلت ؟ #إنقهرت ؟ أنت أصلآ شو #بتفرق معك ما هو انت هيك هيك #حياتك ماشيه بس دير #بالك ع #خواتك وع #بنتك اكثر . وحتى ع #امك لأن ( كمآ تدين #تدآن ) والزمن #دوآر #وسلملي ع #رجولتك إذآ لقيتها اصلآ	21-08-2014 10:46 AM طيف التبليغ عن إساءة
8 -	كونك امنتينا مين اللي يزعل ؟ كل الآردن لازم تزعل عليكِ انت لانك ما عرفتي تختاري وبدك تتسلي وطلعت على راسك وخسرتي نفسك وخربتي سمعة اهلك .... مش عارف كيف تفكير البنات المهم انها تحب مثل صاحباتها لا بهمها نوعية الشب ولا هو جاد بالعلاقه او جاهز للزواج هبل اللي يهبلكم ما اخف عقولكم .	21-08-2014 11:21 AM مسافر لوحدي التبليغ عن إساءة
9 -	الحكي الك و لجميع البنات معظم الشباب ان لم يكن جميعهم ما بيتجوزوا بنت حكت معه و قدمتله تنازلت اصبري شوي حتى يجي نصيبك و ابن الحلال الي بدق البيت من بابه مش سرقه زي الحرامية	21-08-2014 11:21 AM م. احمد التبليغ عن إساءة
10 -	وانتو اتقوا الله فينا ولا تشلحونا فلوسنا لما نخطبكن بعدين تطفشونا عشان ألف أو ألفين وتغلطا على أمهاتنا وتتبلو علينا !!	21-08-2014 11:25 AM رحال التبليغ عن إساءة
11 -	استنتج من خلال وصفك الدقيق عنه بانه شاب خلوق وطيب وانساني جدا قبل ذلك...ولكن هناك مانع للزواج قد يكون مادي او مرضي...المهم هناك مانع جعله يمتنع ..ويبارك لك زواجك من اول واحد تقدم لك...واعتقد بانه مخلص ويحبك ويريد لك الخير...فضحى بنفسه مقابل سعادتك...فان استطعت ان تكتشفي السبب وتعالجيه فافعلي....والا فادعي الله بان يفرج همه وغمه ويتجاوز محنته.....والله اعلم ..!	21-08-2014 12:03 PM الرعـــــــــــد .....! التبليغ عن إساءة
12 -	ياستي الله معه ..انسيه وشوفي حياتك متل ما حكى واعتبريه تجربة وراحت بحالها ...	21-08-2014 12:14 PM الله معه التبليغ عن إساءة
13 -	المهم تركك دونما سبب ...........إذن غير مأسوف عليه ....وفعلا شوفي حياتك وانسيه إلى الأبد .............	21-08-2014 02:05 PM ورد الحمزات التبليغ عن إساءة
14 -	كلام سليم وجميل والله يوفقك لكل خير	21-08-2014 02:41 PM ابو جاسم الكويت التبليغ عن إساءة
15 -	نعم يجب من كل شاب ان يتقي الله وانا يعتبرها مثل اخته وهذا شيء لا بد منه .............. ولكن ارجو من الاهل عدم بيع البنت يعني خفف من المهر وقد يكون قد تركك لعدم قدرته ع المهر يعني ارحموا الشباب والله الظروف زي العمى والكل بعرف ... لما ييجي يطلب الشب اذا اخلاقه اكويسه وعند غرفه وبقد يسترك ارضي مو تطلبي مهر الله بعلم كم وبيت لا هيك الافضل اتضلك ببيت اهلك ..... طبعا انا حكيت من الضيق والمهر الغالي الذي يحسب الرجل انه يبيع بنته	21-08-2014 03:39 PM الغراب التبليغ عن إساءة
16 -	كثير في شباب هيك هالايام , من رايي تهتمي بحالك وبصلاتك احسنلك من انو تهتمي فييه لآنو لو بحبك عنج د كان ما بتخلى عنك وبجيي يطلب ايدك مش من ورا اهلك يحكي معك وما بعرف شو .الله يبعثلك ابن الحلال ,	21-08-2014 05:42 PM MAIS التبليغ عن إساءة
17 -	انا من وجهة نظري ما في حب قبل الزواج ممكن كان في زمان حب طاهر قبل الزواج بس هالايام مافي كلو تسليه بتسلية	21-08-2014 08:46 PM بيان التبليغ عن إساءة
18 -	ليش تحكي معو ملل ولا غير ملل يعني هيك احسن لو وانتي تحكي معو تخيلي ابوكي و امك قدامك	21-08-2014 11:56 PM اعطي الحقيقة التبليغ عن إساءة
19 -	يا اختي وبا خواتنا الشريف واللي بحب بشرف وما بيرضى على زوجة المستقبل هاي الدردشات بيجي بدق من الباب بس كتير زي ما حكيت انه احنا رح نحكي انه كان يتسلى وفعلا هو كان يتسلى وبصراحة انت تستاهلي اللي وثقت بمن هو ليس اهل للثقة	22-08-2014 12:11 AM ابو يزن العبهري/ الدمام التبليغ عن إساءة
20 -	اكتفي اخيتي بأن اقول لك ....من احب بغير شرع الله عوقب به...وقبل ان يتقي الشباب الله فيكي لا بد ان تتقي الله في نفسك وفي عرضك وفي شرفك...وفي دينك...متى ستعلمي ان اي حب لم يقوم على شرع الله يعاقب عليه الإنسان والعقاب يكون من حبه ...اي يعاقب بمن احب سواء بعدم تمام هذه المحبة وإن تمت لا تستمر....والله يعفو عن كثير....اخيتي توبي إلى الله من اي علاقة محرمة ارتكبتيها مع هذا الشاب....فمن تاب تاب الله عليه....وابدأي حياتك من جديد واكثري من الأعمال الصالحة التي تكفر عنك محبتك المحرمة حتى يسعدك الله مع من يتقدم لخطبتك....فأصلحي ما بينك وبين الله يصلح الله لك جميع احوالك..تابعي ردي على مشاكل الحب حتى تتعرفي على كيفية نسيان الحبيب.....محب فلا تلوموني	22-08-2014 09:14 AM محب فلا تلوموني التبليغ عن إساءة
21 -	الحب قــــــطع قلــــــوووب البعاريــــــن وحتى الحمير الســــــــود لعن جدفهاااا	22-08-2014 10:36 AM شموووخ العززز التبليغ عن إساءة
22 -	درر يا طيف درر	24-08-2014 11:01 AM الى طيف \ حر ابن حر التبليغ عن إساءة
23 -	ابتعدي عنه والله موجود بيأخذ حقك لو بعد سنين	13-08-2019 08:02 AM ____ التبليغ عن إساءة