حجزني له من 3 سنوات .. ولا يكلمني لأنه حرام شرعا!!!

18-06-2014 09:10 AM

تعديل حجم الخط:

سرايا - سرايا - من 3 سنوات طلبني أو حجزني قريب لي ( قراءة فاتحة فقط ) قبل ان يذهب لاكمال دراسته فى الخارج .
انا احبه وهو ايضا يبادلني نفس الشعور ويظهر ذالك من تصرفاته معي دون غيري من البنات
المهم انه مغترب ولا اكاد اراه الا فى الاجازه ولا يتكلم معي اطلاقا في الهاتف او على الشات او حتى تهنئة بالعيد او ما شابه ولا اعرف عنه شيئا بحجة انه لا يجوز شرعا ان نتحدث!
حتى هذه الاجازه لن يستطيع ان يأتي. تعبت جدا جدا لا يمر على يوم دون بكاء . احس اننى معلقه ولا استطيع ان اخسر كرامتي وابدأ انا بالحديث معه.
لقد انهى دراسته منذ مده وانا لم يبقى لى غير سنه فى الجامعه ولا اعرف متى سيأي لخطبتي بشكل رسمي

اعرف جيدا انه لا يوجد الا انا فى حياته من الفتيات ومتأكده من ذلك لكنه لا يهتم بى ابد بمجرد ان يعود لغربته
حاولت ان اتحدث لامى وافاتحها فى الموضوع ولكنها لا تهتم كثيرا لامرى الان بحجه اننى صغيره وفقط تهتم بأختى الكبيره لانها لم تتزوج بعد!

دعوت الله كثيرا , رأيت رؤيا كثيره طمئنتني بعض الشيء ولكن اعود بعدها للبكاء والشوق.
ارجوكم تفيدوني ماذا افعل ؟

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 61517


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	18-06-2014 09:10 AM سرايا
2 -	الحب ما في كرامة يا عزيزتي.. شو فيها إزا بلشتي انتي تحكي معاه؟ على الأقل بتطمني أكتر إنو ملائم لإلك.. و تلات سنيييين و ما بتعرفي عنو اشي هادا غلط... بعدين انتي مش عاملة اشي حرام و لا غلط الكل عارف انو طالبك و اهلك كمان، يعني انتي ما بتعملي اشي من ورا أهلك... و بعدين لازم تحكو مع بعض بلكي ما توافقتو، بيكون معك فرصة انك تنسحبي من العلاقة... أما انك تضلك معلقة فهادا غلط كبييييير..	18-06-2014 09:19 AM Hala التبليغ عن إساءة
3 -	طالما لابحكي ولاشي ليه يحجزك انا من رائي اذا بدو اياكي بيجي وانتي ماتهتميلوا كتير شكلوا مش سائل عنك	18-06-2014 10:00 AM تناهيد الصمت التبليغ عن إساءة
4 -	طالما خلص دراسة..فاتحيه بالموضوع يعني لازم تحكي معه عشان يتقدم رسمي وتكتبو الكتاب ..إذا وافقك وتقدم بشكل رسمي الله يوفقكوا.....أما إذا حسيتي إنه بتهرب وعلى اليوم وعلى بكرة وعلى بعد بكرة .....انتي اعرفي لحالك إنه الفكرة راحت من راسو وإنه مش ناوي يرتبط فيكي..ساعتها شوفي حياتك وربنا يبعتلك الأحسن واستخيري بضل أضمن	18-06-2014 10:04 AM رحمه التبليغ عن إساءة
5 -	اكملي دراستك بالاول وبعدهيك لكل حادث حديث وبدل البكى صلي استغفري واستغلي شهر شعبان العظيم واكثري من العبادات استقبالا لرمضان ومن العطش والجوع بتنسي مؤقتا	18-06-2014 10:06 AM مجرد راي التبليغ عن إساءة
6 -	بما انك متأكده انه ما بعرف غيرك والزلمة بحبك وبده إياكي عشان هيك بدل ما تزعلي افرحي وانبسطي لأنه الزلمة (بخاف ربه)، وبما انه ما في عقد زواج كلامه صحيح ولا يجوز الكلام عن طريق الهاتف او بغيره	18-06-2014 10:16 AM صبر أيوب التبليغ عن إساءة
7 -	هاد الحكي أيام جدي وجدك..هسا الشب والبنت بقعدوا يحكوا مع بعض سنين وبالأخير النصيب بحكم يا إما بكونوا لبعض أو بفترقوا .... بعدين ..بعدين الي بدو الخير ونيتو سليمة بيجي ع البيت بدق الباب مش 3 سنوات وهو ما بحكي معها؟؟ع القليلة تلفون صغير ..	18-06-2014 11:42 AM رحمه الى صبر أيوب التبليغ عن إساءة
8 -	يا عيب العيب من متى الشب يستحي اكثر من البنت؟؟؟ ,, مو عيب عليكي تنزلي هيك مشكلة؟؟ انت بدك تحكي مع الزلمة والزلمة ما بدو ,, تركضي وراه قاعدة ,, لا وكمان بدك تحكي عالشات وغيرو وغيراتو والمصيبة امك تحكيلك انك صغيرة ماتعرف انك هيك ,, قلة ادب	18-06-2014 12:07 PM رجل عصبي التبليغ عن إساءة
9 -	لا تعليق	18-06-2014 12:47 PM ابن البادية (العجارمة) التبليغ عن إساءة
10 -	احلقيله	18-06-2014 12:55 PM احلقيله التبليغ عن إساءة
11 -	لا تستعجلي أمرا يضعك في متاهات انتي في غنا عنها وشوقا تعانين منه وحدك وأفكارا تجعلك عرضة الهم والغم عندما تكلم الكبار في أمرك انتهى الحديث عندهم فلا تنهي أنوثتك وكرامتك بالحديث معه لك نصيب ستأخذينه وان لم يكن هناك قدر عند الله عز وجل انتي لا تعلمينه وفقك الله ورحم نبضات قلبك بزواجك منه قريبا أمين يا رب العالمين	18-06-2014 12:57 PM ثقتي بربي التبليغ عن إساءة
12 -	اذا انتي متأكدة من انه هاد السبب ف انا من رأي انه قريبك انسان يخاف الله كثيرا مش غلط لكن الغلط انه لازم يتعلم الدين من خلال سنة رسول الله يتعلم من كتاب اسمه صحيح البخاري فيه احاديث عن الرسول عليه الصلاة وسلام وحياته لانه لو ما بيتلعم رح يعاني بامور كثيرة بحياته وما فيه حرام انه يتواصل معك لو خطبك رسمي يزورك فالبيت او عالتلفون بس يكون تصرفاتكم وكلامكم ضمن ما يرضي الله يعني ما تتطرقوا لامور التي ما بعد الزواج الا بعد كتب الكتاب وتكوني في بيت حياتكم الزوجية ... ضروري جدا يتعلم الاحاديث لانه الوسواس اله مداخل في حياة المسلم ولا يقدر الا على من جهل امر دينه فيحدث نفسه ويتلاعب بقراراته واحاسيسه هاد حرام وهاد مش حرام	18-06-2014 02:40 PM عابر سبيل التبليغ عن إساءة
13 -	الزواج ايجاب وقبول...بما انه طلب وصار موافقه وتم قراءة الفاتحه وين المشكله اذا حكى معك ..	18-06-2014 04:58 PM انداري التبليغ عن إساءة
14 -	انا بحكي على قضية الكلام بالهاتف، إذا بدهم يحكو مع بعض ببساطة لازم يكون محرم حتى لو كان على الهاتف، امها مثلاً تقعد مع بنتها ويحكو مع بعض ببساطة حتى يعرفو إذا بدهم يكملو او لا.. بعدين يا اخت "رحمة" الدين ما فيه أيام (جدي وجدك) الدين بحكي قال الله وقال الرسول وبغير هيك ما بنقدر نحكي ونغير.... وبصراحة الحق على اهلهم الثنين اللي ما خلوهم يعملو عقد حتى تكون فترة الثلاث سنوات ضياع بدون فايدة... تفهمي وجهة نظري قبل الهجوم ، وبزيد على لامي أيام جدي وجدك في الدين ((لازم)) الجلوس مع بعض والكلام بوجود محرم.. وكلامي الآن للجميع وانا اولكم، اي موضوع فيه حلال أم حرام ببساطة بنروح على موقع إسلام ويب أو موقع أهل الحديث وموقع إسلام سؤال وجواب (مواقع ثقات) .. اي قضية بنلاقيها هناك، والعلماء الله يجزيهم الخير حكوا على هاذ الموضوع كثير ..	18-06-2014 05:45 PM صبر أيوب إلى رحمة التبليغ عن إساءة
15 -	ترجو " سرايا " من الإخوة المعلقين الالتزام بموضوع المشكلة وعدم تجريح أصحاب المشكلات المطروحة حفاظاً على الهدف من فتح باب التعليقات وحفاظاً على وقت محررينا وسيتم حذف التعليقات غير الملتزمة. مع الشكر	18-06-2014 05:50 PM سرايا التبليغ عن إساءة
16 -	ترجو " سرايا " من الإخوة المعلقين الالتزام بموضوع المشكلة وعدم تجريح أصحاب المشكلات المطروحة حفاظاً على الهدف من فتح باب التعليقات وحفاظاً على وقت محررينا وسيتم حذف التعليقات غير الملتزمة. مع الشكر	18-06-2014 05:50 PM سرايا التبليغ عن إساءة
17 -	يغنيك عن الدنيا مصحف شريف..وبيت لطيف..ومتاع خفيف..وكوب ماء ورغيف..وثوب نظيف..العزلة مملكة الافكار..والدواء صيدلية الاذكار...واذا اصبحت طائعا لربك...وغناك في قلبك...وانت آمن في سربك...راض بكسبك...فقد حصلت على السعادة ...ونلت الريادة...اعلم ان الدنيا خداعة ...لا تساوي هم ساعة...فاجعلها لربك سعيا وطاعة... اتحزن لاجل دانية فانية ..وتنسى الجنان ذات القطوف دانية...اتضيق والله ربك...وتبكي ةالله حسبك...الحزن يرحل بسجدة ...والبهجة تاتي بدعوة..يا رب	18-06-2014 06:12 PM همسة ايمانية للالباني رحمه الله التبليغ عن إساءة
18 -	اسمعي يا بنت الناس شغلتين بهدمن الحب البعد وقلت الاهتمام والثنتين موجودات بالافندي الي عندك وليش ما عقد العقد وسافر وصار يحكي معك رسمي وصارلك ٣ سنوات على قرايت الفاتحه اي ٣ سنوات بحفظ فيهم القرآن الكريم كامل زحلقيييييييله لا تعنسي وهو مش داري عنك بجوز انه نسي انه قاري فاتحتك	18-06-2014 06:53 PM عموره التبليغ عن إساءة
19 -	احلااااا احلااااااا لاااااااااااااايك	18-06-2014 08:41 PM مجنوووووون ل همسه للالباني التبليغ عن إساءة
20 -	با حبيبتي دراستك اهم شي بحياتك كمليها وبعدها شوفي شو بصير وكل شي بوأته حلو الو نكهه غير هههه....وللا حب بلا مسخره اللي بدو اياكي بيجي لعندك ولو بحبك وبفكر فيكي في الف طريئه يطمن عليكي ولو عالعيب في الك اهل لو عالأقل يطمن عليكي منهم هاد وهوه من اقاربكم يعني ما اقتنعت انو عيب تحكو شي وتطمنو ع بعض كيف صارت هاي يعنى من الاخر الشب ما بدو اياكي ....واللي ما بدو اياكي ما بدك اياه وفكري بعئلك مو بئلبك ولا تنسي دراستك والبائي بيجي لحاله....	18-06-2014 11:05 PM سنسونه التبليغ عن إساءة
21 -	اجــــمــــــل لااااايـــــكــــ لتعليـــــق \\صبــررر ايووووب\\ >	18-06-2014 11:55 PM بـنـــ((الباديه))ــت التبليغ عن إساءة
22 -	أجــمــــــل لااااايـــــكــــ لتعليـــــق \\صبــررر ايووووب\\	18-06-2014 11:57 PM بــنـــ((الباديه))ــت التبليغ عن إساءة
23 -	عمو موضوعك فارط من اوله ..., شو هو حاجز ثلاجة و الا غسالة و دافع عربون ,, انسي الموضوع و عيش حياتك .. الرجال بس هيك يتعامل معناته انتي لا تعني له شي الموضوع مش موضوع حلال و حرام	19-06-2014 04:09 PM م.احمد التبليغ عن إساءة
24 -	اشي مؤلم	19-06-2014 06:12 PM الصبر التبليغ عن إساءة
25 -	عادي مش ضروري تحكي معه واصبري انتي لسه زغيره وما في داعي تفكري	20-06-2014 12:34 PM شخص التبليغ عن إساءة
26 -	بدك تصبري شوي وفي اول اجازه احكي معه انتي وافهمي منه هذا مصير حياة وبلاش يظل معلقك وتعيشي بحيره	20-06-2014 05:46 PM ابو زيد التبليغ عن إساءة