ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.

موضوع زي هيك حرااام يتخبى ازا بدك الله يوفقك لازم تحكيلو كل شي لانك رح تعيشي معه العمر كله وبالاخر موضوع زي هيك ما رح يتخبى
ى

اختي الفاضله تحياتي الافضل انا تقومي بابلاغ الحبيب على كل شي لانو الخداع والكذب لا يفاد

لا الله يرضى عليكي لا تخبي عليه ابداااا.. وشو هو مرضك ادا كان خطير او الو اثار سلبية كبيرة فمن حقو يبعد اما اذا كان ما الو خطر وتركك فبكون تفكيره سطحي وارتحتي منو..
والاهم من كل هااااااااااااد الحكي النصيب والله النصيب لو اعترفتيلو وما قبل فيكي والك نصيب في والله الا تاخدي وغصب عن الكل وانا وحدة من الناس الي جد امنت بالنصيب لما خطبت وتزوجت قد ما صارت مشاكل رغم انو تقليدي بس صار مشاكل وكتييييييييييييييييير وهلا متزوجه والحمدلله
لا تزعلي من كلامي هاد واقعك والمفروض انك من البداية حكتيلو لحتى ما تعلقتي في اكتر وكنت ع دراية بكل شي وبالنهاية الله ياااا رب يختارلك الخير حبيبتي ويعطيكي يلي بتمنى قلبك ياااااااااااااااااااااااااااااااااااااااااااااااا رب انتي وكل مسلم بهالدنيا

اختي انت لساتك ببداية الطريق بالبداية اي علاقة مبنية على غير مايرضي الله لن تكون فيه بركة ~عذرا اختي~ الزواج هو عقد بين طرفين بنية الاستمرار لحياة طويلة بإذن الله يجب ان تكون مبنية اساسا على الصدق والوضوح في صفات الشب والبنت وانت مطلوب منك ان تخبريه عن مرضك لانك بتحكي إنه وراثي إذا هذا ممكن يسبب الضرر لاولاده والله اعلم واتركي له الخيار ان يبقى معك او لا..لانك لو خبيتي عليه الان واكتشف بعدين ممكن كل الحب اللي بقلبه ناحيتك يقلب لكراهيه وحقد وممكن لطلاق واحتقار بسبب الكذب وممكن باحسن احواله اذا ما صار طلاق يروح يتزوج وحده تانيه والكل رح يوقف معه ... ليش كل هاد صارحيه وحطي الكرة بملعبه والله هو اللي بيسر الامور اختي ... تخيلي لو هو كذب عليكي شو رح تعملي؟؟ الله ييسر امرك

الان يعرف افضل مليار مرة من ان يعرف بعد الزواج او بعد الاولاد

احكيله اذا بدك نكمل وبدك نرتبط بدك تعرف انه عندي مرض وراثي اذا بتحب نكمل بحكيلك المرض وطبيعته اذا ما بتحب الله يوفقك لتلقى بنت الحلال

وراثي خطير؟؟؟؟؟؟؟؟ اذا مو ضار لشو اتخبي؟؟؟؟ بس على كلا الحالات خبريه واذا ما الك نصيب فيه بفرقة اشي ثاني ما وقفت على المرض

السلام عليك.. اتمنى ان تخبريه.. فهذا حقه... زوجتي معها مرض وراثي و اخبرتني قبل الخطوبه و لم يؤثر على علاقتي بها اطلاقا.... و الحمد لله انا اسعد شب بالكون بزوجتي

تحياتي

اكيد المفروض انك تخبريه ، لانه لو انعكست الامور وكان هو معو المرض الوراثي وخبى عليكي اكيد ما راح ترضي بهيك شي ، وما تنسي انو هاد زواج وعشرة مو حب وخلص . كمان وين دور اهلك بالموضوع بما انو بدو ييجي يخطبك..وشو موقفهم من هالشي

الارتباط حياه طويله يعني بدك تخبي عليه بكره بطلع المرض وهيك ممكن يكون معك ولاد وتدمري حياته وتقضي على مستقبله لانك غشيتي مهما كان الشي بسيط او كبير رح يدمر العلاقة بينكم . من الان خبري شو عندك وصارحي والحياه قسمه ونصيب

بداية وقبل الخوض معك في حل مشكلتك انصحك اخيتي بترك اي علاقة غير شرعية مع هذا الشاب ولتعلمي ان من احب بغير شرع الله عوقب به ..والقصص في ذلك كثيرة...لذلك توبي من اي علاقة اقمتيها مع هذا الشاب وتوبي لله من اي مخالفة شرعية ارتكبتيها من لقاءات وهمسات وخلوات ومكالمات....واعلمي ان الله يعفو عن كثير.....وبخصوص المصارحة بين الخاطبين بمثل هذه المواضيع لا بد من المصارحة من بداية الطريق فهي من الأمور التي لا بد من الإفصاح عنها...وكلما كان الطرفين صريحين فيما بينهما كلما كان الوفاق والتفاهم والسعادة الزوجية بينهما اكبر....لذلك انصحك بما يلي....ان يتم ابلاغ الشاب بطريقة شرعية بما تعانين منه وبالتفصيل...وعندها تعرفي ردة فعله بالموضوع...وعليه يتم تحديد العلاقة التي بينكما...إن اراد ووافق يسعى للخطوبة بدون اي مواعيد كاذبة..وغير ذلك تتركي الشاب وتنسي حبك (اعلم ان نسيان الحبيب شيء صعب ويكاد يكون مستحيل )لكن لتعلمي ان ليس شيء على الله ببعيد...فإن لم يرض بمرضك تتركيه وتعودي لله تعالى حتى يعوضك الله خيرا منه فالله يعفو عن كثير...واعلمي انه بقدر قربك من الله وبقدر ما تصلحين ما بينك وبين الله بقدر ما تسعدي في حياتك.....حتى لو كان لديك امراض وراثية فالله قادر ان يرزقك الزوج الذي يرضى بوضعك وبمرضك والقصص في ذلك كثيرة.....الله اسأل ان كان هذا الشاب يصلح ان يكون زوجا صالحا ان ييسر زواجك ممن احببت وإن كان غير ذلك ان يصرفه عنك وينسيك حبك له وينزل على قلبك رحمة تسعدي فيها ولا تشقي بعدها ابدا.....اللهم اشفها بشفائك وداوها بدوائك وعافها من بلائك.....محب فلا تلوموني

قل لن يصيبنا الا ما كتب الله لنا .. يا اختي العزيزه يجب ان تخبريه وله الخيار ان تركك ولم يكمل معك هذا هو نصيبك ولن تردي القدر مهما حاولتي وان بقي معك فهذا لانه يحبك لماذا نحن نبحث عن تعاستنا بايدينا اخاف ان ياخذني شفقه ما هذا الكلام يا اختي .. الله يهديكي ويفتحها عليكي توكلي على الله

وجع ساعه ولا وجع كل ساعه واجهي وانت غلطي من الاول لازم حكيتي قبل ما تتعلقي فيه كان اسهل عليك واذا ضل معك بيكون بحبك جد

اذا من اولها خبيتي علية كيف يعني بدو يثق فيكي بعدين