سرايا - انا بنت عمري 20سنة اتعرضت لأذى نفسي من اهلي وانا صغيرة ومشاكل بين الإخوة والام والاب وحتى صاحباتي من سخرية واستهزاء وتنمر وأحيانا توصل لمرحلة الضرب انطفيت وانكسرت وانا لسا طفلة هاد الأذى النفسي خلا عندي عقدة نفسية من الزواج والارتباط والأطفال بشكل عام صراحة ما بحب الاطفال نهائيا وبحس اني ما عندي مشاعر أمومة تجاه الأطفال بحب الوحدة بشكل كبير وبضل لحالي بالساعات قاعدة لحالي اهلي عطول مشاكل معهم ع اتفه الأسباب حساسة لدرجة من كلمة وحدة ببكي مش متحملة ولا اي نوع من الوجع بالدنيا بيجيني عرسان وبرفض بلا سبب لاني خايفة من فكرة الارتباط والمسؤولية وما بدي ولاد ولا ناوية اجيب ولاد للمستقبل بعرف انو حرام بس خايفة اجيب ولاد خايفة يدور الزمن ويتعرضون لنفس الأذى النفسي او لاني انا عملت مشاكل لأهلي بسبب الضغط والنقص والعقيدة النفسية عندي بالماضي وولادي يردوها علي خايفة من فكرة الارتباط بكل حالاتها صرت اعمل صحبة مع الشباب اعلقهم بحالي لفترة وتخليهم يحبوني بعدها لما يوصلو لموضوع يحكو معي بخطبة يتركهم فجأة وبعملهم بلوكات ومش بس مع حدا واحد اكتر من شب نفس الطريقة بعطيهم كل انواع الحب والاهتمام وبتعلقو في وبتركهم أو بتصير ظروف أنهم ما عندهم قدرة مادية للزواج وبروحو انا عقلي تعب من التفكير والله عصبية ع اتفه الأسباب ومزاجي دائما سيء وكل يوم برأي وكل دقيقة بمزاج وبتفكير بخلق سيناريوهات براسي وخيالات ويعيش الموقف اذا الاشي الي بتخيلو حزين بصير ابكي وإذا مفرح بفرح مع عقلي بعيش بالخيال اكتر ما اعيش الواقع بضل عطول مشاكل مع اهلي لأنهم مش فاهمين ولا بأي مرحلة من حياتي
الله اعلم بتعب عقلي وتفكيري وطفية قلبي والله ما قادرة احب مشكلتي يا رب تسامحني

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا