سرايا - كنت متزوجة رجل وحيد ماكان عنده غير عمته تعيش معه عمرها كان 47 عام ، في الزواج كانت تقف معه مثل امه وكانت فرحانه بزواجه وبعد الزواج كانت تجلس لحالها حتى ماتزعجنا لاكن كنت اناديها معنا ، مره قالت لي صديقتي لو ماعنده عمه كنتي عشتي براحه اكثر ؛ ومن يومها صرت افكر لو انها مش موجوده بحياته ودخلت الفكره براسي وحطيت هدف حياتي ابعادها عن حياتنا وصرت اضايقها واشكي لزوجي منها وكل ساعه تمر من حياتي ادور على شي ازعجها فيه كانت تحاول تتجنبني وماكانت تشكي لزوجي ابداً وقتها كانت توها بدت مشروع تجاري وكنت منكده عليها حياتها وزوجي كان واقف معها بالمشروع لاكن من كثر المشاكل صار يتجنبها ومع مرور الايام صار يكرهها اكثر مني ويقول لو انها مش موجوده بحياتي وصرنا ندور اي شي يقهرها صارت متعه حياتنا مضايقتها وكنت اقولها يالعانس واقولها زوجي مسجل اسمك بتلفونه العانس ونتقصد نتكلم عن العنوسه قدامها جرحناها واهناها بكل الطرق وعمرها ماكانت ترد علينا كنت اسمع بكاها كل ليله ويؤنبني ضميري بس الصباح يرجع يتغير كل شي ويزيد كرهي لها؛؛ بعد مرور ثلاث سنوات كان مشروعها ناجح وقدرت تشتري بيت وتطلع ولما طلعت ماتركناها في حالها كنا نوصل لها كلام مؤذي بكل الطرق وبعد شهور سافرت من المدينه إلى مدينه اخرى، وقتها بس ارتحنا انا وزوجي وكملنا حياتنا طبيعي وبعد 9 سنوات جاء زوجي اتصال قالو عمتك بالمستشفى تطلب تشوفك وقتها خفت انا تموت وانا ظالمتها ومسكت زوجي واعترفت له بكل شي واني كنت اكرهها وانقل كلام ماكانت تقوله ،وقلت له خذني معك اعتذر منها لاكنه ضربني يومها وطلقني ورماني في بيت اهلها وسوا لي فضيحه قدام الناس كلهم ، وهو سافر لعمته وطلب منها السماح وعرفت انها تركت له كل اموالها وكل ماتملك ، انقهرت انا اني ماطلبت سماحها انا تعاقبت واتطلقت وانظلمت اما زوجي تعوض وورث اموالها وراح يكمل حياته ليه مايتعاقب مثل ماتعاقبت انا ؟؟ انا اعيش بتأنيب الضمير ولاكن مقهوره انه ماتعاقب مثلي تعبت نفسياً من كثر التفكير والظغوطات اللي اعيشها واهلي كلهم واقفين ضدي هل فيه طريقه للانتقام منه !

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا