سرايا - انا بنت حبيت شب ثلاث شهور علفيس وحبني وحبيته كتر بعديها اجا مع اهله وطلبني طبعا بعد محاولات شاقه بانه اقنع اهلي انه نستقبل الجماعه وكانوا يحكولي ما بدهم يزوجوا برى العيله وطبعا اهلي ما كانوا يعرفوا انه بحبه وكتتتير
المهم لما اجى طلبني كانت هاي اول مره اله بشوفني فيها وكنا كتتتير متاملين انه نكون لبعض اهلي سألوا عن الشب وما عليه ولا غبره وشغيل وراتبه ووضعه تمام وكل شي كان رح يمشي تمام لغاية ما جوز اختي فتح ع صفحته ع الفيس وشاف تعليقاتنا وعرف انه بحبه وصار يرمي كلام بلا طعمه علي واختي ما تحملت واطلقت رحت انا رفضت الشب مشان رغبت اهلي وبعديها ندمت وبعد فتره حنيت ورجعت احكي معه ورجع طلبني ونفس القصه صار مشاكل ورجعت رفضته وهون دخلت بحاله نفسيه صعبه كنت ضل صافنه بحالي اضل سهرانه طول الوقت من غير ما ساوي شي بس صافنه واهلي برموا بعيونهم نظرات احتقار وحنيت اله وارجعتله لثالث مره وبيوم طلبت منه امه يطلع معها يشوف بنت وما كسر بخاطر امه راح معها بنفس اليوم رنت امه علي حكتلي احنا شارينك وبدنا ياكي وابني لغاية ما روحنا وهوي بحكيلي انه بده ياكي واذا انتي بتحبيه ضحي مشانه وحكتلي رح اوقف معك واحكي مع اهلك وانا رفضت وحكتلها انا بقنعهم
وارجعت فتحت الموضوع مع اهلي واهلي رفضوا وحكولي احنا او هو وصرت بنظرهم خاينه وبايعتهم وسمعوني كتير حكي خبرته يلي حكوه اهلي وعلى نية انه احكيله انت من طريق وانا من طريق بس سبقني بالحكي وحكالي رح كون الك اب وام واخ وصديق وحبيب وعوضك عن الكل واهلك بس حكي مستحيل يتخلوا عنك ما علينا احنا تعبنا وضجنا من نفس القصه انا لازم اخلص من هاي القصه يا بوقف بوجه اهلي وبتحمل العواقب والمشاكل يلي رح تصير أو بكره بحكيله انت من طريق وانا من طريق 
رجاءا ساعودني
بالمناسبه لحتى محد يحكي وين سندك انا ابوي متوفي وما الي حدا

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا