سرايا - كشفت الفنانة ميمي جمال، عن أسرار جديدة عن قصة حبها لزوجها الفنان القدير الراحل حسن مصطفى.

وقالت، خلال تصريحاتها لـ برنامج "كلمة أخيرة" المذاع على قناة on الفضائية، والذى تقدمه الإعلامية لميس الحديدي: "قعدت من التمثيل مرتين مش اعتزلت، مرة لما والدتى تعبت أوى وجالها زهايمر، واعتذرت عن دور "راجل وست ستات" ورجعت العربون، وتاني مرة بعد وفاة زوجي حسن مصطفى، وهو رجل طيب وحنين وعطوف وكل صفات الدنيا فيه وخلفت بعد سنة ونصف، جبنا نورا ونجلا".

أضافت: "لما العمر ده كله يتعب أروح أسيبه وأمثل لا طبعا، 28 يوم قعدت تحت رجله فى المستشفى، وآخر يوم شافنى قاعدة وأنا حطة إيدي على خدي، فقالى ميمي نزلي إيدك من على خدك هتحطي بعديها كتير ممكن أشرب مايه وشرب واتوفى".

وتحدثت عن قصة حبهما، قائلة: "كنا زملاء مع بعض في المسرح، وهو عنده مشاكل مع زوجته، وكان مش عجبنى دور اللي بقدمه ومتضايقة، لقيت حسن جه وبيقولى أنا كمان مش عجبني حاجات في حياتي الشغل ملهوش دعوة، بدأت صداقة نشتكي لبعض ونرغي سوا ".