24-03-2021 12:31 AM
سرايا - ظهر الممثل السوري سامر الكحلاوي أحد نجوم الأجزاء السابقة من مسلسل “الهيبة”، في الإعلان الترويجي لمسلسل “350 غرام” إلى جانب الفنانين عابد فهد وكارين رزق الله وسلوم حداد، والذي سيُعرض في شهر رمضان المقبل.
وابتعد الكحلاوي الشهير بشخصية “الدب” عن الأضواء بعدما حقّق شهرة واسعة في مسلسل “الهيبة”، وأثار خلافاً حاداً مع مخرج المسلسل الجماهيري سامر البرقاوي في عام 2018.
وقال عبر حسابه على الإنستغرام: “حابب خبرك يا سيد سامر برقاوي، وكمان حتى الناس تعرف الحقيقة…حضرتك عطيتني شخصية الدب و هو عالورق كومبارس وليس دور (بعلم التمثيل شخصية الدب المكتوبة على الورق تسمى شبه دور لأنها غير واضحة الملامح والتفاصيل ولا تسمى دور)”.
وأضاف: “بجهدي و تعبي عملت من شبه الدور دور و بطل والناس حبتو و حكت فيه بحمد الله، متل كل الأدوار الأولى… فلا تقول أنك عطيتني فرصة الله يرضى عليك…وهالشي اللي صار بالجزء الأول خلاكن تتفاجأوا كلكن وتقولوا لحالكن: مين هال سامر كحلاوي ليقدر يعمل دور بطل من شبه دور مكتوب عالورق كومبارس؟..و ما حبيتوا فكرة إني أسرق ضو من أبطال العمل ومن ناس حضرتكن عم تصنعوهن ليصيروا نجوم…فقررتوا تتآمروا علي بالجزء التاني بهدف أنكن تحرقوني، وعملتوا اللي عملتوه من تهميش مقصود للشخصية ومن حذف لمشاهد أنا مصورها”.
وختم سامر الكحلاوي: “إذا ربنا كتبلي إستمر بهالمهنة فالأيام بتحكم بيناتنا يا سامر برقاوي … بئس الفن في الوطن العربي…فن الشللية والمافيات والعلاقات الشخصية”.