سرايا - كشفت الفنانة المصرية عبير صبري عن عدة جوانب في حياتها الشخصية مع زوجها المحامي الفلسطيني أيمن البياع.

وقالت عبير خلال استضافتها في برنامج "شيخ الحارة والجريئة" أن زوجها عصبي، وأن ذلك يُخيفها جداً، وتابعت: "أنا بترعش من جوزي وبخرج بالساعة وبالمواعيد، وهو خلقه ضيق وعصبي وبخاف من عصبيته".




وأكدت عبير أنها تتقبل غيرة زوجها، خاصة أنها نجمة مشهورة، وأضافت: "جوزي له تركيبة خاصة مبقتش موجودة دلوقتي وجوزي مسيطر فعلا، ومتحكم وعصبي ولكن أنا بحبه وراضية وهفضل راضية علطول، لكن هو مبيضربنيش وهو طيب وحنين جدا".

وشددت عبير أنها ترفض تماماً أن تؤدي دور إغراء مهما كان العائد المادي، وأكدت أنها لم تُقدم هذا الدور طوال مسيرتها الفنية، كما ترفض التقبيل في الأعمال السينمائية لأنه حرام شرعاً.





وقالت عبير: "أنا مش شايفة نفسي عملت أدوار إغراء.. وأنا بنت حلوة وده جزء من أدواتي كممثلة، وبالتالي دي مش تهمة وأنا عملت أدوار تعتمد على الجمال وأنوثتي، وعمري ما تبرأت منها حتى وأنا محجبة".

ونفت عبير أن تكون قلدت الممثلة رانيا يوسف حين ظهرتبدون بطانة داخلية في مهرجان القاهرة، بينما ظهرت عبير وهي تقبل زوجها على السجادة الحمراء لخطف الأضواء




وقالت عبير: "أولا مفيش أي وجه مقارنة وأنا ببوس جوزي حلالي وده طبيعي أني أبوسه على السجادة الحمراء، وكنت فرحانة بيه وعايزة أقول للناس أنا ببوس جوزي وفرحانة ودي مش تمثيلية، وكنا داخلين ومبسوطين في أول مرة يحضر مهرجان، وكان فرحان أننا بدأنا نظهر مع بعض في مناسبات اجتماعية".

وكشفت عبير عن أنها قابلت الزعيم عادل إمام ذات مرة حينما كانت تبدأ مشوارها الفني وشبهها بممثلة شهيرة، وقالت: "وأنا وجه جديد قابلني نجم كبير وقالي أنتي خدودك زي سهير رمزي وده كان عادل إمام، وكمان اشتغلت مع أحمد زكي وقالي أنتي شبه جيل ميرفت أمين ونجلاء فتحي ومختلفة عن جيلك الحالي".




ونفت الفنانة عبير صبري، وجود خلافات بينها وبين الممثلة غادة عبد الرازق، وقالت: "أنا مش عاملة بلوك لغادة عبد الرازق وأكيد في حاجة مش صح، وأنا بحب غادة ومعنديش من ناحيتها حاجة، ولو طلبتني هرد ولو عندها دور حلو هشتغل معاها واللي حصل في توقيع بينا".

وحول خضوعها لعمليات تجميل، قالت عبير إن شكلها طبيعي بنسبة 100%، وأضافت: "أنا لا بشد ولا بنفخ وأنا لسه صغيرة وقمر الزمان، واللي يقول غير كده يبقى غلط مليار بالمية، وأنا طول عمري شكلي كده وممكن نراجع اليوتيوب وهو مش عيب دلوقتي عمليات التجميل ولو عايزة أعمل حاجة هعمل أنا حرة بس شكلي متغيرش من وقت بدايتي الفنية".