مشكلتي بدأت عندما تزوج زوجي بالثانية من غير علمي

18-04-2019 09:11 AM

تعديل حجم الخط:

سرايا - السلام عليكم مشكلتي زواج زوجي بدون علمي... انا عمري 27 وتزوجت بعد علاقة حب كبيرة يشهدلها كل اقاربنا ..رزقني الله بطفلة ومن هنا تبدأ المشاكل من مبعد انجابي ..في كل مرة اكتشف خيانه من زوجي وفي كل مرة اوجاهه لأنني لا استطيع ان اصمت يتأسف ويقول بأنها نزوة بس اخر شي كثرت المشاكل بسبب الخيانات واكتشفت انو على علاقة مع اثنين الاولى مطلقة والثانية ارملة ..المطلقه كشفتو لما سافر هو بحكم شغل وعرفت انو اخدها معو ولما رجع من السفر واجهته و ندم وقال انا اسف وما بتتكرر ثاني بس ضل الشك في داخلي و وجع كبير بسبب الي عملو لانو ماكنت بتخيل انو يشوف لغيري من الحب الي بينا ..ومن كثر شكوكي ضليت كل يوم نكد وكل يوم بسألو انت بتحكي مع (المطلقه) او (الارملة ) لحد مافي يوم طالع لشغل اتصلت بهاتفو بيرد بس بالغلط وسمعت صوت وحده معو بسيارة صارت مشكله كبيره وطلعت من البيت ولما حكيت معو قلتلو اذا متزوج قول وهنا كانت الصدمة اعترف انو متزوج من اسبوعين دون علمي طبعا السبب قال انو انا الي جبرتو يتزوج بسبب النكد وسبب اخر مرة لما كشفت خيانته .بس هاذ مش مبرر طييعي اي ست بيخونها زوجها بظل بشكوك انا سؤال هلا طالبة كيف اخلي زوجي يرجعلي وينساها ويطلقها لانو مو متحمله اشوفو مع غيري ومو قادرة انسى الحب الي بينا وما بدي اطلق واظلم بنتي وهو اساسا مو راضي يطلقني ويقول انو بيحبني ومستحيل يطلقني لما طلبت الطلاق اريد حل انو يرجع لعندي ويطلقها

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 24765


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	18-04-2019 09:11 AM سرايا
2 -	اذا انه متزوج فعلا ما الك الا تصبري وتركيز في تربية بنتك وتحاولي تقومي بدورك كزوجه على اكمل وجه وربنا كفيل بحل مشكلتك...امل اذا انه فعلا مو متزوج وآله علاقات لا سمح الله بالحرااام وما تاب او ندم فأنصحك باجباره على الطلاق فالتمسك بهيك زوج غلط	18-04-2019 05:05 PM Hamoooz التبليغ عن إساءة
3 -	مستحيل انه بحبك لانه لو كان فعلا بحبك لا يمكن يتزوج عليكي... أحسن شيء تحاولي تتعاملين معه بطريقة ودية بلكي انه صحي و رجع لعقله و طلق الزوجة الثانية... حاولي تكتمل غيضك و تصبري	18-04-2019 07:15 PM حازم التبليغ عن إساءة
4 -	الزانية لا تزني بواحد .. بل تكون كالحمام العمومي للرجال ! ذكّريه بأنه قد يكون التقط مرضاً جنسياً من واحدة من عشيقاته القذرات. إذا ما رضي أن يطلقك ويعطيك حقوقك الشرعية ارفعي عليه قضية واجبريه على طلاقك .. حتى لو تخلعيه. كيف تعيشين مع قذر و زاني ؟	19-04-2019 10:38 AM ابو زيد التبليغ عن إساءة
5 -	لاطلاق ولامايحزنون تمسكي بزوجك حتى لوتزوج كمان اثنتين ظل راجل ولا ظل حيطه	19-04-2019 11:07 AM جمال جمال التبليغ عن إساءة
6 -	إنه يتزوج التانية فهذا حقه شرعآ ، أما إنه يخونك فهذا قمة الغلط و الوقاحة و مش حلوة بحقك بالمرة ، و الظاهر إنه نسونجي ، و لازم بما إنك كشفتيه كذا مرة إنك احتفظتي بكرامتك و انفصلتي عنه ، هذا شكله ما بعبي عينه غير التراب ؛ لإنه لو كان بخافألله كان ما خانك و لا حتى رضي عحاله ياخذ بنت غريبة عنه. بس بما إنه تزوج فحرام عليك تطلبي منه يطلقها ، بس بعينك ألله و انت اطلبي الطلاق و بدكيشياه هالنذل ؛ لإنه ما بستحقك و هو بده يتزوج بكل الأحوال مش مبرر إنك لإنك كشفتيه هو مش لاقي حجة منطقية . ان شالله تعبك النفسي هذا يكون بميزان حسناتك أختي .	19-04-2019 09:52 PM أبو أيهم التبليغ عن إساءة
7 -	إنه يتزوج التانية فهذا حقه شرعآ ، أما إنه يخونك فهذا قمة الغلط و الوقاحة و مش حلوة بحقك بالمرة ، و الظاهر إنه نسونجي ، و لازم بما إنك كشفتيه كذا مرة إنك احتفظتي بكرامتك و انفصلتي عنه ، هذا شكله ما بعبي عينه غير التراب ؛ لإنه لو كان بخافألله كان ما خانك و لا حتى رضي عحاله ياخذ بنت غريبة عنه. بس بما إنه تزوج فحرام عليك تطلبي منه يطلقها ، بس بعينك ألله و انت اطلبي الطلاق و بدكيشياه هالنذل ؛ لإنه ما بستحقك و هو بده يتزوج بكل الأحوال مش مبرر إنك لإنك كشفتيه هو مش لاقي حجة منطقية . ان شالله تعبك النفسي هذا يكون بميزان حسناتك أختي .	19-04-2019 09:52 PM أبو أيهم التبليغ عن إساءة