كيف اتصرف مع اهلي

21-02-2019 09:02 AM

تعديل حجم الخط:

سرايا - انا تزوجت بنت حلال معي بالشغل بصراحة راتبها ضعف راتبي ووضع اهلها مرتاح..البنت ماطالبتني بايشي لاهي ولااهلها لامهر ولاتجهيزات حتى الصالون وجهازها هي عليها ماطلبت خيط بأبرة انا من جهتي دفعت الصالة وبسدد فيه ديون للناس البنت قالتلي بس بدي ننستر ببيت وبصراحة بتحبني ومش مقصرة معي بايشي
هسة المشكلة بأهلي اللي مش راحميني
ساعة ادفع قسط اخوك الجامعة ماانتو بفوت عليكم راتبين !
ساعة ادفع لسكن اختك لانه جامعتها بعيدة مهي مرتك موظفة ومعكم مصاري !
ساعة هات 100 دينار مصروف مع اني بدفع ايجار بيت اهلي وايجار بيتي وفواتير بيتي ومصروف مناصفة انا وبنت الحلال
طيب من وين اجيب امزع حالي يعني ?
ابوي ماله دخل بايشي من ساعة ماشاف البنت واهلها مش طالبين ايشي رمى حمله علي , طيب انا كيف شكلي قدامها واهلي طمعانين فيها واللي بوخدوه مني بقصر علينا مصروف وبتدفعه هي لتسكر النقص
ياخوان تعبت صرلي 8 شهور على هالحال قبل لااتزوج كنت ادفع الايجار بس هسة مية جبهة انفتحت علي حتى الصغير بدوا موبايل جديد من راتب مرتي
انصحوني شو اعمل ?وكيف احكي مع اهلي ?"

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 7829


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	21-02-2019 09:02 AM سرايا
2 -	بصراحةمشكلتك اول مرة بسمع بهيك شي من الاهل وهالشي اهل مرتك ما شافوه عند اهلك؟؟ كمان اهلك شو دخلهم براتب مرتك اصلا انت ما الك دخل فيه ليتدخلوا فيه اهلك ويطلبو منو؟؟ المشكلة باختصار فيك انت وشكلو ما عندك شخصية عند اهلك مع احترامي لك	21-02-2019 03:35 PM عاشق التبليغ عن إساءة
3 -	وانت من كل عقلك رضيان عحالك إنها مرتك ما طلبت شي ؟ والله لو أظل طول عمري عزابي لحتى اقدر أجمع مصاري و اقدر أتزوج و أصرف على أسرة ولا إني اتزوج وحدة ببلاش ، بس شكلها مرتك كاين عندها اولاد كتير و واصلة للأربعين من عمرها و أهلها غجر راميينها و بدهم يخلصوا منها تامنهم وافقوا عليك و كل التجهيزات منهم إلا الصالة !!!!!!!!!!!!!! كل مشكلة بتسطح أكتر من يلي قبلها .	23-02-2019 06:47 AM إلى صاحب المشكلة التبليغ عن إساءة
4 -	يعني أجت عليكم غنيمة هيك لما إنك تزوجت موظفة !! مشكلة بتقشعر لها الأبدان والله العظيم . كيف هيك هي رضيانة عحالها مش فاهم !! ولكم المرأة هي يلي لازم انت و أهلك تصرفوا عليها و تقعد معززة مكرمة مش العكس !! معناها هيك انت لازم استغفر الله العظيم لازم تعبدوها عبادة لحتى توفوها حقها . إذا الوضع بظل هيك آخرتها صدقني بحل الطلاق و بتصيروا فضيحة بين الناس .	23-02-2019 06:50 AM أبو رجاء التبليغ عن إساءة
5 -	صدقني يا عاشق إنها هالمشكلة تأليف ؛ لإنه مستحيل نلاقي هيك قصة بهالغرابة إلا بالدراما ، و فعلآ على قولتك إنه جوزها ما بحق لإله يسأل عن راتبها ، تامنها تصرف علىأهل جوزها كمان ؟؟؟!؟؟!؟! شو هاي معناها بنهشوا بلحمها نهش و هي بتتفرج متل الهبلة و جوزها الأهبل منها .	24-02-2019 01:44 AM أم تولين إلى عاشق التبليغ عن إساءة
6 -	انت مش زلمة و هاي هي القصة بس	24-02-2019 07:13 AM انت مش زلمة التبليغ عن إساءة