سرايا - انا شب اردني وعمري 22 سنه. إخوان ما عندي بس عندي اربع خوات وامي بالدنيا كلها وابوي
مش عارف من وين ببلش..

المهم انا شب عاطل عن العمل
بعرف مش بس انا هيك وأنه هيك وضع البلد بس والله تعبت
طبعاً انا الشهادة إللي املكها توجيهي راسب وفي ناس بحكيلي لو معك شهاده كان وضعك احسن...
ومع هيك انا كنت شاطر بالدراسه وكان معدلي بالأول ثنوي 82..بس الظروف اللي اجتني بالتوجيهي ومريت فيها أثرت فيني....

وسجلت بكيثر مجالات ومع هيك مش زابط معي آشي...
يعني سجلت بثلاث بلديات عامل وطن وبأمانة عمان وما طلعلي وانا ما بهمني المجال والفخفخه الكذابه
وسجلت بالدرك وما طلبوني والأمن العام وما طلبوني وسجلت بالمخابرات مرتين وما طلبوني ولما بدك تروح على واحد يمكن يساعدك اول اشي بلمحلك كم تدفع...
ودفعت مرتين، اول مره دفعت 400دينار ،والمره الثانية 1000د واللي اخذ آلاف من قرايبي وقريب على كثير وانا على نيتي وثقت فيه لهيك سلمته....
والمصاري اللي دفعتمهم كنت محوشهم لحتى اجيب سياره على قدي واخلص من جميلة الناس بس الحمد لله كل واحد طلعت معو كنت احطله اجاره وبزيادة...
ومع هيك طلعو حكي بس، حسبي الله ونعم الوكيل

وكل آشي نصيب بالدنيا والحمدلله

والحمدلله صلاه وبصلي وبخاف الله بحالي وباللي حولي
ولف ودوران ما عندي الحمدلله
اشتغلت كثير من مطاعم ل شركات بس ما عليها ارباط يعني بأي وقت يحكيلك الله معك
وعند كثير ناس بس لما بتوصل للكرامه والتعامل بكون زفت بعيد عنكم ما بتحمل وانا اللي بترك

ومع هيك لازلت بدور
ودورت كثير قبل هيك الكل بحكيلك حط رقمك وبنرن عليك
وهاذ وجه الضيف

• اريد حلا لزوجي ولعبة البوبجي
• مدمنه على التلفون واريد حل
• متزوج من اثنتين واريد حلا لمشكلتي
• اريد حلا لمشكلتي