سرايا - انا اخدت زوجي عن حب .. بس عرفنا بعض كان عمرو هو ١٨ سنه وانا ١٥ تزوجنا لما صار هو ٢٣ وانا ٢٠ وكملت جامعه والحمد الله كل شي تمام ..الي سنتين متزوجه وعندي بيبي. .

المشكله مو هون ...من هديك الايام ونحنا صغار زوجي كان الو صاحب بتقدرو تحكو انو متل روحو متل ظلو كتير صحاب ..
كتير وقف معنا وساعدنا بالطلبه والخطوبه لما اهلي كانو يرفضو وهو شخص كتير منيح..

بس مع كل هالعلاقه القوية بعمري ما قعدت معو ولا حكيت معو يعني بيجي هو وجوزي بغرفه الضيوف بمعنى ما في بينا اختلاط..

هالشب خطب وتجوز وصار لازم نروح نباركلهم ..ي الله م بتصدقو قديش فرحت بتعرفو ليه! لانو جوزي م ببرضى اروح ع صاحبات واجي بيحكيلي بس ارجع من شغلي بوديكي وين م بدك ونطلع بس صاحبات تروحي لا... قلت ي سلاام هاي البنت اكيد غير هيخليني اروح عندها وتيجي عندي لانو مرت صديق عمرو..تحمست ورحت قعدت معها م بعرف كيف استقبلتني بطريقه غريبه سألتني بجمود انتي هي(**) بحكيلها اه انا شكلك بتعرفيني بتحكيلي اه يختي اكلو راسي فيكي بيت حما (مع اني بعمري م اختلطت ببيت حماها).. وقال فعلا انتي بعتي دهبك واعطتيهم لجوزك ليفتح مشروع وقال فعلا انك بالجامعه وانتي حامل اممممم يلا بالتوفيق بس انا لو مكانك مستحيل ابيع دهبي اصلن انا مخبيتو مكان سري وبعدين شو جابرك تروحي للجامعه بلا شهاده بلا هم هو مجبور يصرف عليكي )) طبعا اسلوبها م عجبني بعتت مسج لزوجي بدي اروح وروحنا خااب املي فيها للاسف))
بلشت بعد زواج صاحبو بفتره احس حركات غريبه
من صاحبو يعني مثلا انا وقعت ع ايدي زوجي كان بلشغل ودوني اهلي للمستشفى م اشوفلكم الا صاحبو عندي بغرفه تصوير الاشعه استغربت قلت فيه الخير معقول زوجي بعتو لما سألت زوجي بحكيلي لا م بعتو شافني متذايق وحكتلو انو هيك هيك انك وقعتي وبس واستغرب انو اجاني
..يعني حتى امي استغربت ما بينا حكي..
وهداك اليوم جوزي سيارتو بالتصليح وكنا بمشوار هو اجى روحنا ووقفو جوزي عند مخبز ليشتري خبز ...
قام لاول مره ب الحياه خاطبني حكالي كيفك .. الاغنيه يلي حطتيها ع الواتس حلوه.. ابعتيلي اياها-_-
م بعرف م فهمت انخرست م عرفت شو ارد سكتت وروحت
وصار كل م ييجي عنا انا اطلع م اضل بالبيت او اعمل حالي نايمه
وبلش يحط حالات دمار ع الواتس وشوق ومش عارفه شووو
#لمحت لزوجي حكالي بفهم كل الدنيا غلط الا هو اكيد م قصدو
#انداري م بدي شي يلخبط حياتنا او يخرب صحبتهم "

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا