انا شايفة الحياة معو مستحيلة ورح تكون ع حساب صحتي واعصابي.

13-07-2017 12:05 PM

تعديل حجم الخط:

سرايا - سرايا - انا سيدة طلبت الطلاق وقاعدة هلا عند اهلي انا جوزي محترم وطيب وكريم لابعد الحدود بس يا جماعة والله لئيم عليي بيعاملني كأني جارية بالبيت مش كأنو مرتو هو عصبي كتير و اسلوبو صعب و جلف وبيهيني كتير وبيمد ايدو عليي مع اني والله ما بردلو كلمة وبحاول اخرس ع الاخر لما بيعصب بس انا حاسة بقلة قيمة ازا كان هاد الجواز يلعن ابو الجواز.
شو ما حكيت معو بيعملي مشكلة مع انو مع اهله ولا فيه اروق ولا احلى من هيك.
انا لسه بحبو وهو كمان بيحبني بس انا شايفة الحياة معو مستحيلة ورح تكون ع حساب صحتي واعصابي.
بشو بتنصحوني علما انو ما عنا اولاد

طباعة

المشاهدات: 25857


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	13-07-2017 12:05 PM سرايا
2 -	شكله ما بتحمل مسؤولية يعني اذا بدك ترجعيله لا تخلفي اكثر من طفل او اثنين وانتي دبري امور بيتك ولا تطلبي منه الا الضروري لانه اذا طلبتي الطلاق صعب تتجوزي .	13-07-2017 01:38 PM هيثم التبليغ عن إساءة
3 -	نصيحتي الك اطلقي والا ربنا ما يبعثلك الانسان اللي يقدرك ويحترمك خصوصا انه ما عندكو اطفال شوفي اذا المراه خسرة كرامتها بتخسر كلشي والرجل اللي ما بصون كرامة مرته بكون ما بستاهل الزواج من الاصل	13-07-2017 01:59 PM عاشق الليل ....ما فيه حل الا الطلاق التبليغ عن إساءة
4 -	لما يعصب عليك جاوبيه وما تسكتي. لانه مع انه طيب بس بستغل هدوءك. وبين كل فترة احردي عن اهلك حتى يعرف قيمتك	13-07-2017 02:01 PM me التبليغ عن إساءة
5 -	الصفات الي حكيتي عنها متناقضة يعني مش راكبة طيب ومحترم وغيرو مع هالتصرفات،،،يا اما معو انفصام شخصية او القصة خيالية او انتو بتعملوا من الحبة قبة،،،،طلقي مش اول وحدة،،،بس تذكري يمكن في تصرفات منك مش طايق يحكيها قدامك،،،،	14-07-2017 02:06 AM دنيا،،،، التبليغ عن إساءة