ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.

بما انه مو مقصر معك بشي .. ارجعي لبيتك كرمال بنتك ...

نصيحتي الك ارجعي عيشي عنده واعتبريه انو مو موجود مو عشانك عشان البنت بس لانو لااهلك ولا اخوانك رايحين يستحملوكي وطالما انو قايم بواجبك ومعيشك ومومقصر عليكي بشي الله بعينك

اخذتي زوجك لانه على قدر من الوسامة و المال . المااااال !! هاذ الي وصلك للي انتي فيه . قبلتي بظروف سفره بس مشان ماله و تعيشي بعز . بدي اسالك لو سمحتي .. لو كان وضعه طبيعي هالشب ماديا ، بتقبلي فيه ؟؟؟ هاي اخرة الي ما بختار على اسس سليمة و بفكر صح

والله انو زلمه وما الك لا بيت زوجك

أربعة بالحلال ولا أربعين بالحرام .. والله انه نشمي ... بكون خدعك لو آخذك بالحرام و رماكي

ما شاء الله عليكي شو انه خيالك خصب . . . إنه مها . . . بدي اعرف شغلة وحدة بس . . . من وين بتجيبي كل هالقصص . . شكلك بتحضري مسلسلات كتيرررر :)

القصة و ما فيها إنه زوجك نسونجي .

إعرفي إنه مادام إنها الزوجة مش مقصرة بحق زوجها و هو ناوي يتزوج فاعرفي بإنه نسونجي .

أو احتمال إنه كونه معه مصاري و مش عارف شو بده يعمل فيهم لهيك راح تزوج .

بس بدي أحكيلك شغلة إنه بسعودية إذا الزلمة وضعه المادي كويس معناها لازم يتزوج على زوجته .

و لما تيجي للصحيح إنه ما دام إنه مش مقصر معك معناها خليك عنده أفضل إلك ، صحيح إنها هالشغلة مؤلمة لكن قدامك خيارين و اختاري إنك تظلي بعصمته مادام إنهن هذلاك حلاله .

بس فرجيه زعلك و عدم رضاك بهالشي و حسسيه بالذنب .

بس أنا معك بكره إنه يتقدملي واحد معين وأنخدع فيه بشغلة مهمة .

احكيله متل ما إنت بدك مصلحتك لما تقدمتلي و أخفيت عني زواجك لمصلحتك و أنا كمان ببحث عن مصلحتي و بدي واحد ما يخدعني .

بتعرفي شو أكتر شغلة قهرتني بزوجك ؟ هي إنه بدياك تجهضي .

طيب ما دام إنه هو عنده اولاد بس إنت حقك يكون عندك اولاد فعلى أي أساس بدياك تجهضي ؟ ليش إنت مش إنسانة ؟ ! ما بدك تكوني أم ؟ لعاد ليش تزوجك ؟ لحتى بكل بساطة يحكيلك إجهضي ؟ يعني لو إنك عندك عدة اولاد بنقول حقه يمنعك من الإنجاب بس إنت بدك تصيري أم و يمنعك ؟!!!! هاي غريبة كتيييير

معناها هو جايبك ليتمتع بجسمك متل الجارية يلي ما إلها حق بس عليها واجب

أو في سبب تاني ؟ هو

إنه خلص شبع منك و مفكر يرميك و يطلقك لهيك هو ما بدياك تحملي .

غير هيك ما في أي مبرر لتصرفه لما حكالك ما بدي إجهضي

ما إنت مش إنسانة لحتى تتعبي بوقت الإجهاض !!!!!!!!!!!!!

يعني خدعك و آمنا و كمان بده يحرمك الأمومة ؟

إلا اغذا ناوي يخدعك مرة تانية و يطلقك بدون ما يستشيرك متل ما تزوج بدون ما يستشير القبائل السابقة يلي هن زوجاته .

انا يا اخي كاتبه واكتب مسلسلات كوميديه بعض مقاطع مثل مرايا او سمعه وبالاضافه مسلسلات تراجيديه. وهاي هوايه عندي وكل. كتابتي من نسج الخيال وبمناسبه لا احضر اي مسلسلات لاني عندي طاقه في تاليف تكفيني

شو رايك اكتب لك مقطع من مسلسل كوميدي هنا لترى بعض ما اكتب ولترى كيف بكتبوا مسلسلات بلكي تصير بالمستقبل تكتب مسلسلات

شو يا اخي الكتابه تكون هوايه من عند الله سبحانه وتعالى كهوايه الموسقى او القراءه او زيها زي اي هوايه اخرى وانا لما اكتب مشهد. مسلسل او مشكله. فانا اتقمص تلك الشخصيه واحس اوكاني بكتب عن نفسي ويبدا الخيال واسرح وكتابه تخرج لوحدها

شكلك فاضية أشغال . . . مش زي حالاتي . . . دايما مشغول . . عارفه لو انا فاضي متلك كان صرت سيناريست افلام مش بس مسلسلات ومسرحيات . . كل عام وانتي بخير

السلام عليكم ورحمة الله وبركاته... يابنت الحلال عيشي بنعيم واسكتي احسن إلك ولبنتك...بلاش تتقلديها بالظروف الصعبه اللي نعيشها والمطبات المستعصيه اللي تواجهنا وما إلها حل..... دايمآ انا كنت احكي ان المصاري وسخ ايدين ومش كل شي بالحيااه!!!! وأهم شي الصحه وان الواحد مرتااح نفسيآ وأنا من الأشخاص اللي مابغيرو مبادئهم ويضلهم متمسكين بأرائهم..... لحد ما خلفت اول طفل والحمدلله بلشت معي المأساه والطفر وقمة من المعاناة فإستوعبت ان المصاري كل شي بالدنيا وهم الحياه..لما إبنك يطلبك شغلات نفسه فيها ويشوفها مع أقارنه وأولاد عمه وأنا تغص بقلبي مابقدر اشتري ولا اجيب وما بالإيد حيله والواحد يادوب والحمدلله على كل شي يقدر يأمن اكم غرض للبيت يعني (حشوة بطن) والواحد بس يقهر بحالو والله ماضل غير يشحد... وكملت علي والحمدلله لما خلفت طفلي الثاني والله حليب مانقدر نجيب حتى جوزي الله يعلم بحالو والله من قد مايتداين صرت اخاف عليه ينجلط لاسمح الله والمصيبه الكبرى اخوه بالجامعه ولازم ندفعله مصاري لدراسته....والوضع زي العمى وانا لما تزوجت كنت ادس كليه ادارة اعمال وتخرجت بعد الزواج.. وقدمت شامل ومانجحت من سوء الحظ والله ماقدرت اعيد الشامل من قلة المصاري...وصار همي اولادي اللي لما ابني يطلبني شغله اخاف ينعشم ومابقدر اشكي لحدا وحتى لزوجي عشان ما أزيد همه ودورت واسطات الدنيا عشان اتوظف والنواب الكذابين كل ماينزل واحد للنيابه يوعد خير وبس ينجح يبطل يتعرف علي حسبي الله ونعم الوكيل فيهم والله الواحد لولا كرامته يجوز يشحد ...حتى المجتمع اللي إحنا فيه مابيرحم والله يعلم بالحال هي ابني بعد شهرين بده يروح عالمدرسه طيب والله التفكير ذبحنا مش عارفين شو نعمل والله وصلت مرحله فيي وقلت لزوجي طلقني وخليني اخذ الولاد وأروح عند اهلي عالأقل يوكلو زي الناس مع انه احنا نحب بعض ومتفاهمين بس الحياه مش مستوعبتنا ومن كثر الضغوطات الماديه صارت حياتنا مشاكل وأسى وبعرف إن الطلاق مش سهل بس جد شو نعمل سكرت بوجهي ويصير زوجي يتهبل علي وبغيرلي جو النكد شوي ونرجع لنفس الطفر والقرف.... واكتشفت ان المصاري كل شي هم الحيااااااااه.....

وانتي يابنت الحلاال بدك تطلقي لأنه متجوز فكري ببنتك وأنه يلبيلها طلباتها بكره مش تسيير تتمنى ابسط الأمور وانتي بس تصبري فيها تصبير..... والله نفسي اتوظف وأعيش حياه طبيعيه وأأمن لولادي أبسط حقوقهم ومتطلباتهم بدل مهو الواحد ميت وهو يتفرج ... يارب منك الفرج ... المشكله يا أخواني احس انه عندي طاقه ايجابيه وطموحاتي كبيره نفسي يكون عندي شغل وأبدع فيه..وأبرز مواهبي.... والله في ناس كثير وبنات كانو معي بس نجحن توجيهي وفي راسبات وهيهن متوظفات انا مش حاسدتهم ...بس نفسي حدا يساعدني وألاقي وظيفه وأساعد زوجي عالحياه وأعيش اولادي حياه كريمه ياربي ارزقني بحظ هالأطفال ...... وع فكره قصتي مش خياال قسمآ بلله انها هاي ملخص حياتي ومعاناتي واتمنى ماحدا يتفلسف علي لأنه مايدري بالعله غير صاحبها....

وحضرتهم يقولو اخدت حبيب فلانه وعلانه اكبر مني وعندي وسواس ومابعرف شو والله هاي مش مشاكل هاي عقبات بسيطه حالّه حالها لحالها ......بس بدها شوية مخ وتفكير وتدبير لعقلنا الباطن....★★★

والله خليتنا نصير نتلمس من جيزانا

السلام عليكم ...............
تحية طيبة إلى زهرة النرجس ، أختي في الله هناك أناس أعرفهم يقومون بإخراج زكاة أموالهم بالمئات ، فأغدو ممتنا لو وضعتي لي رقم زوجك الفاضل لأتواصل معه . سلام

السلام عليكم ورحمة الله وبركاته....اخوي والله اني اشكرك جزيل الشكر لتعاطفك معي وعسى الله يفرجها علينا وعليك يارب.. والله انا ماكتبت إلا عشان صاحبة المشكله تشوف واقع الناس الصعب وتلتمس عذرآ لبقائها على ذمة زوجها وماتطلق.....وتاخذ العبره فقط لاغير .....جزيت خيرآ بس والله كرامة الواحد ما بتسمحله انه يوخذ زكاة من أحد...عزة النفس هم علينا وماإلنا غير الصبر لعل وعسى تفرج يارب ...وأنا تجرأت وكتبت هنا معاناتي ومصدر شجاعتي في الكتابه لأننا شخصيات مجهوله لاأحد يعرف الآخر ليهتم بما قاله يكتب دون خجل او إحراج....لكنني شكوت همي لأن للبيوت اسرار لا أستطيع اشكو همي لشخص يعرفني حتى ولو كانت أمي .....والحمدلله ع كل حال ★★★

السلام عليكم....نصيحه اخويه للاخت صاحبة المشكله...اذا زوجك محترم ويقوم بواجباته الزوجيه على اكمل وجه،فابقي معه ولا تخربي بيتك.الله المستعان