سرايا - سرايا - مرحبا انا شب عمري 21 سنة مخلص دراسة كلية سنتين صار عندي مشكلة ما بعرف شو هي بالضبط المشكلة انو انا بطلت احكي يادوب احكي طول النهار على بعضهن اكمن كلمة واي حدا بفتح معي سيرة بضلني اهز براسي بس مش جايني نفس احكي كلمة وبيكون نفسي احكيلو خلص اسكت مش طايقك حتى عند اهلي بالدار مش طايق حدا مع العلم انو اهلي كثير مناح حتى بطلت اطلع مع صحابي صار اغلب وقتي بالدار يعني بروح الساعة 7 من الشغل بوصل على الدار بوكل اكم لقمة وبروح على غرفتي وبسكر الباب وبقضيها على الجوال وبعدين بنام، بصراحة هاي المشكلة مدايقتني كثير خصوصا مع ابوي بكون اغلب وقتي صامت ما بحكي اشي من مرة ،حتى مع الناس الي بقابلهم بالشغل لما يحكوا معي ما برد مش لانو انا متكبر لالا بالعكس انا متواضع كثير بس ما بعرف شو صرلي،وبطل اشي يفرق معي ساعدوني ياجماعة الخير مش عارف شو اسوي