سرايا - سرايا - انا تزوجت زوجي عن حب وتزوجنا وعشنا ضروف سيئه شوي ..ضروف ماديه وشوية مشاكل بسيطه مع العيله وكنت الحمد لله صابره على كل اشي و مسانديته ومتحمله كلشي وبهتم فيه لدرجه كبيره حتى الناس ملاحظه حبي الكبير اله وحبيته بكل مشاعري وهو كان يحكيلي ان بحبني ويعترف بصبري و تحملي بس تصرفاته ما عمري حسيت بحبه واهتمامه وتعويضه الي عن ما بتحمل واحكي عادي لان ضروفه صعبه ومش طالع بايده اشي ..بعد فتره من زواجنا صرت اشك وتيجيني شكوك ان ممكن يكون بعرف بنت واساله واحكي معه واقوله بدي تفسير لعدم اهتمامك يحلف ان ما في بحياته غيري وانه بحبني .. بعدين اكتشفت فعلا ان بعرف وحده وبحكي معها وبشوفها و اعترفلي بهالاشي بعد ما كشفت اول الموضوع ..حسيت دنيا اسودت بوجهي وكنت بدي اترك البيت بس عندي ولاد كيف بدي اخرب هالبيت وواترك انصدمت صدمة عمري بعد ما حبيته هالحب وصنت بيته وتحملت ضروفه يعمل هيك وانا ما كنت منقصه عليه اشي وهو صار يحلفلي ان عرف قيمتنا وزاد حبه الي وان رح يتغير ويتوب و حلف انه تركها ومش رح يعيد هالغلط ابدا بس انا مش قادره ارجع اوثق فيه و لا قادره اترك البيت ولا قادره انسى اللي صار وحياتي صارت كلها عياط كل ما بفكر باللي صار حد ينصحني شو اعمل لا قادره اسامح وانسى واعيش طبيعي ولا قادره اترك وابعد ولا قادره اوثق بالحكي اللي حكاه