06-05-2017 09:08 AM
سرايا - سرايا - انا عندي اعتراف والكل راح يحكي عني حقير و حيوان و انا بستاهل لاني انا حاسس حالي هيك انا شب عمري ٢٥ سنة متزوج من ٣ سنوات عن حب وضحينا انا و مرتي كثير عشان حبنا ينتهي بالزواج و الحمدلله انتهى بالزواج و الله اعطانا اولاد الحمدلله و الشكر
بس انا من فترة صغيرة تعرفت ع بنت و انا كنت بحكي معها عادي و مشاعري كذابة و هي بتحبني و ضليت اطلع انا وياها و عذبتها كتير بحبي واخر اشي عرفت انو انا ما راح اتزوجها وضلت كتير تحكي معي و انا احس بنذالة كبيرة لانر هي مشاعرها جديه و انا بتسلى و كنت اتجاوز حدودي معها وانا لما حكيت معها ما كنت متوقع انه توصل لهيك مرحلة و بنفس الفترة تعرفت ع بنت ثانية و نفس الاشي وصارت تحبني وانا احكيلها اني بحبها بس مش من قلبي بس لما كانت تحكيلي بحبك كنت احكيلها انا كمان من باب المجاملة و عيشتها بحالة حب وانا كذااااب
وبعد فترة وانا بحكي معهم الثنتين حطيت عين على بنت جيرانا متزوجة و اعملتها اضافة على الفيس بوك و صرنا نحكي انا وياها و حكتلي انه في مشاكل بينها وبين زوجها ووصلت للمحاكم ٣ مرات واهلها يرجعوها وانا اضليت احكي معها وحكتلي انه هي كانت اضل تفكر فيي زمان قبل ما تتزوج بس انا ما اعطيتها عين و تزوجت مع اني عمري ما حسيت الاشي هاد و ضلينا نحكي كل يوم واطلعنا مع بعض و صار بينا علاقة حب وهي كرهت الحياة عشان وضعها انو بتحبني و متزوجة واحد تاني و كرهت زوجها اكتر
و صارت بدها تطلق وانا كالعادة مشاعري كذابة وانا كتير مدايق حاليا خايف اخرب بيتها ع الفاضي و هي متعذبة كتير و كل يوم بتحكي معي بتبكي بحرقة وانا حكتلها انو بتمنى اتزوجها بس صعب كتير هاد الحكي يصير و هي بتبني احلام اقسم بالله اني حاسس حالي حقير وندمان على هاد الاشي و مش عارف شو اعمل انا ما بحب العب بمشاعر الناس بس لما كانو يحكولي بحبك كنت احكي وانا كمان من باب المجاملة وما كنت احسب حساب للمستقبل هلأ انا بحكي معهم الثلاثة و ما بدي اجرحهم اول بنت استوعبت شوي انو مش ممكن اتزوجها بس بدها نضل نحكي ك صداقة و بنرجع نحكي حكي حب و ع الفاضي
انا مش عارف شو اعمل و مستحقر حالي كثير عشانهم و بالمرتبة الاكبر عشان زوجتي الي ما بتستاهل ولا شي من الي بصير
عارف راح تسبو علي وانا بستاهل بس بتمني اني الاقي نصيحة اعملها من غير ما اجرح حد
انا بحب مرتي وهي بتحبني و مش ممكن ابدل اظفرها باي وحده منهم بس بضل اغلط نفس الغلط حتى من زمان حكيت مع صاحبيتها ومع مرت اخوها وصارت بينا علاقة ( مش جنس ) بس حكي ما بليق الا بالمتزوجين اقسم بالله كل شي حكيتو صحيح وبدي حل منكم ".
1 - |
ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.
|
06-05-2017 09:08 AM
سرايا |
2 - |
السلام عليكم ......
بداية كتابتك غلط { مشلكتي } ، يعني الموضوع امبين من عنوانه . كان من الأولى بك أن تكتب { مصيبتي } ، فهي الكلمة الأجدر بك ، فهمك كفاية . لو كنت سأعلق لما كفتني كتابتي عليك ليومين متصلين . ............................ سلام . |
06-05-2017 12:17 PM
محمدكو ![]() |
3 - |
البنات بسيطات يحببنك بصدق وانت تجامل وتتسلى مع خمس نساء غير جولييت اللي في بيتك
|
06-05-2017 12:31 PM
الى روميو ![]() |
4 - |
هههههههههه. هاد مش حب. هاي عامل فيها جمعية تعاونية يا كبير.
|
06-05-2017 12:35 PM
الفيومي ![]() |
5 - |
يا الله شو صعبه كلمة بحبك كتير صعبه بستغرب كيف في ناس بتحكيها لمين ما كان صعبه والله كتير ما بتطلع الا اذا كان من قلب صادق واتت للأسف انسان مو صادق لا مع نفسك ولا مع مرتك ولا مع البنات الي بتعرفهم
|
06-05-2017 03:10 PM
شو سهل الحكي ![]() |
6 - |
ما دام انك معترف بغلطك اعمل شغله منيحه بحياتك وابعد عنهم الثلاث ولا تحب الا زوجتك وخلي عندك نظره للمستقبل انك مثل ما بتعمل ببنات الناس رح يصير هاد الشي مع زوجتك وبناتك وخواتك . وكما تدين تدان .الله يهدينا ويهديك
|
06-05-2017 04:19 PM
امونه ![]() |
7 - |
انت مريض نفسي وبنصحك تروح تتعالج ومرتك الله ثجبر عليها
|
06-05-2017 06:29 PM
![]() |
8 - |
دور على مرتك بتلاقيها مثلك رابطه مع اربع عمل مثلك
|
07-05-2017 12:13 AM
مواطن شمالي ![]() |
9 - |
بالله عليكم بس بدكم تالفوا قصة الفوها بس بالعقل مش هيك ؟؟!!!
|
07-05-2017 01:09 AM
م.احمد ![]() |
10 - |
أنا بنصحك طلق زوجتك وريحها من قرفك فعلا انك وسخ
|
07-05-2017 09:02 AM
ما اقذرك ![]() |
11 - |
اذكر ربك دائما وداوم على الصلاه في المسجد افضل شيئ يبعدك عن الحرام والله المستعان
|
07-05-2017 10:29 AM
MAJED ![]() |
12 - |
اخي استغفر الله وارجع الى مرتك
لو زت لزاد فكر فيها كتير منيح الله يهدي النفوس ويهدينا اجمعين |
07-05-2017 12:31 PM
دلع ![]() |
13 - |
ان كانت قصتك حقيقة..فقبل ان تتصرف اي شي اولاً اجلس بينك وبن نفسك ونوب الله بصدق واعتذر من الله عما صدر منك ومن ثم اجزم ان لا تعود اليه ومن ثم اطلب المغفرة من الله ان يسامحك... واخيرا ادعو ربك ان يثبتك ويخلصك من هذا السلوك المنحرف عن الحلال وان يفتح بصيرتك لكي ترى زوجتك بعينك.. واقطع اتصالات المشبوهه مع من يجب عليك ان تبتعد عن اعراضهن والعبث بمشاعرهن.. ويجب ان يكون اعتقادك بقطع العلاقة هو من اجل الله اولا ... ومن اجل زوجتك واوردك ثانياً..ومن اجل اعراض الاخرين ثالثاً.. ومن اجلك واجل اهلك رابعا... واتمنى ان يصلحك الله ويصلح امثالك ممن يخطي خطواتك البائسه العابثة بمشاعر الاخرين..بالتوفيق
|
08-05-2017 11:10 AM
عين على الحقيقة ![]() |
14 - |
بدك حل تحل فقرات رقبتكي كل فقره بجهه
|
10-05-2017 03:15 PM
ذارب يخلع رقبتك ![]() |
15 - |
اذا فيه كمان وحده لانوفر نصيحة استمر ونيالك
|
22-05-2017 08:40 AM
واحد ![]() |