سرايا - سرايا - انا شب عمري 27 سنة ، كنت علئ علاقة مع بنت مافي منها وضلت علاقتنا 5 سنين مع بعض صح واجهنا مشاكل وقصص بس تحملنا ع آنه نضل مع بعض ، ووقت اجا اليوم يلي ابعت اهلي عليها وامي تشوفها ، اجت امي وحكتلي لا وما لا وانا ما بدي هيك لالك ، انا بدي بنت طول بجمال مع انه حبيبتي قصيرة شوي بس خلص امي كانت معترضة عالاخر ولحتى اقنعتني بالترك وجوزتني بنت ع زوقها ، انا اخدت ملكة جمال ومين ما يشوفها بحسدني عليها بس قسما بالله مو قادر انسى حبيبتي القديمة ببالي وين ما رحت ووين ما اجيت وبظل اتبع اخبارها واسأل صاحباتها عنها ، التعب النفسي واحساسي اني ظلمتها ما عم ينيمني الليل، انا وهيه اتفقنا ورسمنا حياتنا والبنت حبتني كتير من كتر ما كانت تحبني وتغار علي نكدها كنت ادايق منه بس هسا جد مشتاق لنكدها ولكل شي ورح ارجعلها ورح اخطبها واتجوزها هي حب حياتي ما هاممني كل ملكات الجمال ولا هامني اللي عجبوا امي انا المتجوزها ووعدتها ورح اخدها حتى لو عحساب الاولى واذا بدها تطلق رح اطلقها واعطيها حقوقها لو كان دم قلبي بس انا تعبان وبدي ارجع لحبي الاول ، كيف اعمل وكيف ابلش والله مش عارف انل مشوش كتير الله يسامحها امي دمرتلي نفسيتي وخلتني اقتنع اني ادشر البنت بس والله عراسي كله