ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.

وانت شو ماضيك مثلا !!!ازا حكت بتكون بدها تبلش معك حياه نظيفه ولا بدك تحكيلك ما عرفت غيرك وتضحك عليك ؟ بدك نصيحتي انت مرتاح ام لا للبنت هاد اهم شي مو مهم الماضي المهم المستقبل وما في بنت ولا شب الا الهم ماضي مع الانفتاح على النت ووسائل الاتصال الا يكون في غلط بس انت استفتي قلبك وبس ...واطلع على أغلاطك موفق

يا خوي طلق واخلص ما يدها مشورة ولا تردد

للاسف 98 من البنات ماضيهن اغبر يعني رح تتركها رح تتورط بالثانية نفس الاشي احسن اشي لا تسأل عن الماضي

إذا كان في عندها الإرادة تغير وضعها أو تغيرت للأفضل فالصح أنه ننسى الماضي.

وما صارحتك بماضيها الا انها حابه ترتاح منه وتتغير.

اتفقوا على المستقبل وابتعدوا عن الماضي

يا عفو الملائكة شو انه مصطلح -البنت طلعت جمعية - مصطلح تافه ومتخلف . . . يعني نقول أنه الشب اللي بعرف مجموعة بنات انه طلع شب جمعي . . مثلا . . . خخخخخخخخخ

مريض نفسي

على اساس الشباب من اشراف مكه لكل انسان ماضي بس الانسان الصح اللي بينوي بداية خير وبينسى الماضي وبيحطة تحت اجرة بكل مافيه

صاحبي نصيحتي طلق وارتاح من هالهم والشك لانه راح ينعكس بشكل كبير على زواجك

الطيبون للطيبات . ليش إنت مفكر حالك عمرك ما حكيت مع بنت أو تسليت معها ؟؟؟؟؟

ليش هيك إنت أناني ؟

أصلآ البنت لو كان في بقلبها حاليا شب كان ما استقبلتك ببيتها من البداية ولاسمحت لنفسها تفكر تتزوج.

اخطبها على سنة ألله و رسوله واختصر .

احنا يالبنات كلنا حبينا بزماناتنا وبمراهقتنا لكن الحمد لله هسا عنا إخلاص لأزواجنا .

بدي أحكيلك قصة صارت معي شخصيآ رح تخليك تغير طريقة تفكيرك 180 درجة :

القصة هي إنه تقدم لبنتي واحد مطلق و ماعنده اولاد ابدآ وصحيح إنه عنده بيت و شغل حكومي و وضعه المادي فوق فوق و شخصية و متعلم و لو تشوفه بيته كم إنه فخم و حلو ، لكني ما وافقت عليه لبنتي ولابنتي وافقت لإنه مطلق على موضوع قريب من موضوعك ، يعني بقول إنه طلقها لإنها بتظل تحكي مع شباب وتصورلهم حالها وتبعث صورها لشباب وهي أستغفرالله ...لكن أنا ما خليت واحد من معارفي إلا إني استشرته بهالموضوع إني أوافق عتزويجه بنتي أو لأ ، و كل يلي عندي بدون استثناء قالولي إنه احتمال كبير يكون كذاب و ظالمها لهالبنت بس هو بده منشان توافقوا عليه منشان يبين مظلوم ، هيك كل الناس بتعرف إنه معظم حالات الطلاق بتكون المرأة هي المظلومة لهيك أهل العروس الجديدة بروحوا يسألوا عن جده العاشر مين بكون ويسألوا طليقته عن سبب الطلاق و يتأكدوا من الموضوع و احتمال تروح طليقته لما تعرف إنه بده يتزوج تصير تشوه بصورته قدام أهل العروس الجديدة و من هالحكي ...

فإنت بلاش من مواضيع سين وجيم وخليك خاطبها وانستر أشرفلك من المرمرة كلها لإنك لما تطلقها رح يصير إسمك مطلق يعني بتقل مميزاتك فلاتفكر إنك لما تطلق يعني إنك رح تلاقي الأفضل و رح يمشي فيك الوقت وإنت بتبحث عن عروس تامنه يمشي فيك العمر لحتى إنك ما تقدر توخذ بنت العشرين ؛ لإنه بكون عمرك كبير عليها !!!

خذها معلومة من أب إلك يا ابني وخليها حلقة بإذنك ، إنك لو تطلقها وتيجي تطلب إيد بنت ثانية رح اهلها يسألوا عن سبب طلاقك !!! و ما أحلا منظرك لما تقوللهم إنها كانت بالماضي تحاكي شباب !!!! مش رح يصدقوك و رح يحكوا هذا بس بده يفرجينا إنه هو المظلوم بالطلاق !!!

و عدا عن هيك بقولوا هذا مثل ما رمى زوجته الأولى رح يرمي بنتنا و هذا مش كفئ و لا قد المسؤولية .. بل حتى من الممكن إنه إذا رمى بنتنا يصير يشوه بسمعتها .. و بهاي الساعة اهلها رح يحسبوا ألله ما خلقك ..هذا الواقع ولاتتسرع وتطلق على هيك سبب

لو إني مكانها غير أنا أفسخك وأفسخ راسك لإنك أكيد إلك ماضي خاصة مع عصر التواصل الإجتماعي والإنفتاح .

الحل الأفضل هو الفسخ لحتى إنها ترتاح منك ؛ لإنه على قولة معلق انه الطيبون للطيبات و يكفي إنها هي ما سألت عن ماضيك .

لاتفكر إنه شرف الشب مش مهم ، هاي الأيام الناس وعيت عحالها مش متل زمان كان شرف البنت هو المهم و شرف الشب مش مهم !!!! لا تفكر إنه ما بنعاب عليك ، لأ بنعاب عليك و على يلي ربتك.

إنت هيك بأسلوبك بتخلي البنات يكونن حذرات من الصراحة يا فهيم .

أنا بالنسبة إلي حكيت بحياتي مع مليون واحد بس إذا أجاني واحد ما بتعوض معناها رح أنكر قدامه متل باقي البنات . ليش أفلت عريس مناسب من بين إيديي منشان الصراحة هههههه ألله يجعله لا يعرف عن ماضيي عادي بكل بساطة رح أحكيله لأ ما عمري عرفت قبلك وما معه ولا أي دليل على إني كذابة لإنهم معظم اصحابي و أحبابي عن الفيس بوك و من دول تانيةيعني لا رح يشوفوا خطيبي ولا يشوفهم ولا حدا كان يشوفني لما أتقابل معهم لكني رح أنكر كل هاي الأمور قدام خطيبي المستقبلي ، و بتمنى من كل بنت تعمل متلي بلاش خطيبها يطلقها متل ما بده هذا الفهيم يعمل

انتي مخادعه ليش شكلك تأخذ واحد نظيف جد بعد ما قرات تعليقك عرفت ان الدنيا فيها ظلم يا اللله جد عملتي الي عملتيه وبالاخر بتاخدي واحد يفكرك ملاك ويمكن يسعدك جد اشي بقرف عنجد

يعني انتي بتفتخري بنفسك انك عملتي هيك

بالله بس تقرر اتخبرنا شو صار معك

صاحلك وحدة صريحة وبتقول لأ ؟ ههههههه ألله يعينك عحالك مسكين ما بتعرف بهالحياة

خذها قاعدة إنهن كل بنات هاي الأيام في بجعبتهن جمعيات شباب و بعملن حالهن قدام العريس المناسب إنهن بسس مغمضات مع إنه ما حدا قليل لا بنات ولا شباب .

و بعدين شغلة ثانية : ليش بلله حضرتك ما عمرك حبيت أو تقابلت ؟ هههه قال بده يطلق قال

روح روح يلي مثلك ما لازم يفكر بالزواج أصلا

أنا يلي رح أعمله مش إشي جديد عهالدنيا ! أنا رح أعمل إشي كل البنات بعملنه .

بكونن حكن مع آلاف الشباب وتقابلن و خبصن و بتلاقيهن عملن السبعة و ذمتها و بالنهاية ما في أي دليل عإنهن مش عفيفات ، يعني عمستوى إنه غشاء البكارة ما زال مغلق لكن عملن كلشي .

خاصة هاي الأيام غشاء البكارة مش مقياس الشرف متل زمان لإنه بهالتكنولوجيا بعملوا الختيارة صبية بنت العشرين تبين ..

ولاتنسوا إنها ميريام فارس اللبنانية يلي بتشيع الرذيلة و بتعتبر إنه الإحتشام تخلف و رجعية ..ومع هيك ما زالت محافظة عغشائها .. فلا حدا يقيس هالشي على الشرف ؛ لإنها ممكن البنت العفيفة تفتح حالها بالغلط

فأنا يلي بدي أوصللكمياه إنه الدنيا فيها ظلم كثير ..بل حتى صار يلي مش ذئب إنها بتوكله الذئاب و زمن الطيبين انتهى ..

فأنا لما إنس سمعت قصة هالشب إنسم بدني و كانت إلي بمثابة نصيحة و معلومة قيمة أحطها حلقة بإذني إني لو تقدملي واحد تفكيره متل صاحب المشكلة وكان شب ما بتعوض معناها رح اتكون قد حالي وأعمل من نفسي قطة مغمضة .

و عدا عن هيك أكيد رح يكون حكى مع مليون بنت .

وين عقلك يا صاحب المشكلة؟ منت عارف إنه الطيبون للطيبات والخبيثون للخبيثات .

و عدا عن هيك لو إنها البنت مازال في بقلبها شب كان ما استقبلتك ببيتها فعلآ .

إنت قصدك بمشكلتك إنك ما بدكياها أم لولادك ؟

طيب الرب الأكبر للبيت هو الزلمة قبل المرأة يعني هو القدوة لولاده و زوجته و بناته ، فكيف بدك تكون قدوة لهذول يلي إنت بدك تربيهم ؟!

إفهمها إنك إنت يلي لازم تكون القدوة الكبرى لأولادك و قبل زوجتك حتى

لإنها التربية مش للمرأة لحالها التربية الأولى والأخيرة بإيد الزلمة .

فإنت يلي لازم تعمله إنك تخليها توعدك إنها تنسى الماضي تماما و إنها ما تحكي هالموضوع لولادها أبدآ من باب التربية لحتى ما يغلطوا غلطها . ولا إنت كمان لاتحكي لولادك عن علاقاتك السابقة لحتى يقتدوا فيك .

أما إوعى تفكر بالطلاق لإنك إنت هيك رح تعالج الغلط بالغلط .. و لاتفكر إنك رح توخذ وحدة أفضل من زوجتك إلا إذا إنك كنت راضي عنفسك توخذ وحدة خداعة لإنه إذا على هالموضوع معناها بالفعل ما رح تلاقي بنت كاملة مكملة وبهالموضوع هذا بصراحة نادرآ ما تلاقي بنت ما حكت مع شب إلا إذا كانت بشعة كثير يلي ما في شب بنظرلها أو إنها بتكون ملتزمة بالدين كثير كثير لدرجة إنها ما بتشوف شباب أبدا بحياتها و هذا الشي نادر جدآ جدآ .

و بعدين لا تدقق على أمور بتكون على حساب أمور ثانية ، يعني لو كانت خطيبتك مناسبة من نواحي ثانية فلا تضيعا من إيدك و يكفي إنها اعترفتلك المسكينة مش مثل باقي البنات يلي بخبصن و ما ببين عليهن إلا الشرف المصطنع و المشية الرزينة بالشارع أو اللباس الشرعي الخارجي و هي بالأصل استغفرالله العظيم .

موفق إنشاء الله

معك حق بس الانسان لازم يكون واضح من البدايه لازم البنت تحكي لان الزمن ما بتعرفي يعني حلوه يعرف بعد الزواج عن علاقاتها ويكون عقله خزق ويشرد أسره بسبب طيشها زمان اخ بس فعلا زمن الكزب كلو بكزب على كلو يا الله تحياتي لتعليق رامي انسان ناضج شكله بس نفسه الي بحكي هيك شغل بس حكي زي الشعراء لما بكتيو عن الحب وهم بحبو عشره مع بعض معلش انا بحكي واقع

أنا نادرآ ما أعلق .

لكن عنجد إنها مشكلتك هزتني

جد إنك سخيف و تفكيرك محدود و بعدك بتفكر إنها الدنيا بعدها متل زمان ما كان يتعيب عالشب أو إنك بلا مؤاخذة قروي بتبرر لنفسك شتى الأغلاط و يا ويلها و يا سواد ليلها البنت يلي بتغلط علط بسيط .

إذا هيك تفكيرك لا توقع هالمسكينة معك يلي اعترفتلك بكل ثقة فيك و إخلاص أنا بنصحك تفسخ لإنها بتستاهل واحد أفضل منك بكتير و إنت رح تظلمها للمخلوقة .

إنت واحد أناني درجة أولى لإني متأكدة إنه إلك ماضي وشنيع كمان يعني بالعادة يلي بشددوا على ماضي العروس بك

برضوا الواحد مش لازم يفتخر بالغلط وينظر لنفسه فقط

هههههههه محنا كلنا حبينا



طيب شو رأيك أقهرك أكتر ؟

احنا بأيام المدارس والجامعات كنا كل 15 يوم نغير شب شكل

مش بحكي عن نفسي لحالي لأ بحكي عن البنات بشكل عام .