سرايا - سرايا - مشكلتي إنه عندي ولد بالصف الثاني ابتدائي . . . يا الله شو مغلبني لما بدرسه
كل يوم بدرسه بس حاسة إنه كل تعبي بيروح عالفاظي
ظعيف جدا في الرياضيات ومرات إجاباته بتنرفز
يعني لما أسئله 5 + 3 بيحكيلي17 وبس يشوفني بلشت أعصب بحاول يمزح معي ويخفف دمه عشان ما أصرخ عليه أو أعاكبه . . . عملت معاه كل الوسائل . . . جبتله ( جلول ) وعلمته الجمع والطرح عليهن بس ما جاب نتيجة معاه بيكعد يلعب فيهن وبلتهي عن الدراسة وكل جهودي . . . بتتلاشى
لما بدرسة عربي بيجنني وما بميز بين الظمة ومد الواو ولا بين التاء المربوطة والتاء المفتوحة ومرات لما بدرسه دين بيلخبط الدنيا وبيخلط الحابل بالنابل
ولما اسمع جواباته عن الأسئلة اللي بسأله اياهن في الدين بحس اني يمكن أفكد عكلي و ينجن جنوني ظليت أزن على أبوه انه يجيبله أستاز خصوصي يعلمه كل المواد
بس جوزي رفظ وعصب وكلي أنا بدرسه وفعلا حاول يدرسه
بس ما ما بيكمل معاه 5 دقائق . . . ودايما بيكلي إبنك بفرفط الروح . . . لما بدرسه علوم بكعد أشد في شعري . . . ما بستوعب علوم بالمره
كبل يومين ظليت أدرسه أكثر من ساعتين عن دورة حياة الظفدع وبالتفصيل الممل
واستخدمت الرسم والألوان والألعاب عشان يفهمها . . يعني من الآخر . . ما خليت إشي يومتها زهكت وزهكته وأنا أعيد وأزيد . . . لغاية ما أتطمنت انه حفظها عن غيب
مبارح سألته : ليش سمو الظفدع الزغير أبو ذنيبة . . فا . . ظحك واستحى ولما شافني بلشت أعصب . . . كلي جواب طير عكلي . . . كلي يمكن عشان بنته اسمها ذنيبة
ما كدرت أتحمل وظربته كف مرتب . . . صار الولد يعيط ويصيح . . وخلاني أحزن عليه وكلي ودموعة بتزل : ماما انتي ما أعطتيني فرصة . . . لو أعطيتيني فرصة
كان جاوبتك صح . . . شفكت عليه و راظيته وكلتله يالله أحكيلي يا فالح ليش إسمه أبو ذنيبة كلي بالحرف الواحد : انا عارف بس كنت مستحي . . أكيد لأنها مرته اسمها أم ذنيبة
عنجد جنني هالولد ومش عارفة شو أعمل معاه . . .
بدي منكم بس نصيحة !!

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا