سرايا - انا قصتي يمكن ما تعجبكم او يمكن في حد منكم رح يقلي مستحيل ومافي إم بتعمل هيييك ..بس انا رح احكي وانتو احكمو انا عمري 23سنه خاطبه ..امي صراحة ما بتحب البنات ونا للعلم وحيدتهم عسبع شباب ومن وقت ما بلش يطلبوني الناس وانا ارفض لانه كنت دخلص دراسه والحمدلله خلصت ومتوظفة وامي لانه صرت بهلعمر ولساتني ما تزوجت وهي حاقدة عليي...هلئ رح تحكولي امك وحرام عليكي رح احكيلكم المفروض لانه انا وحيدتها توقف معي مو كل ماتزاعلنا انا وخطيبي توقف معه وتقلو بنتي ما بتفهم وحمارة وكل متشوف بنت حدددت عرسها تقول مش زييي الي عندي ونا ساكته وبحكي بهمش بضل اميي بكره بتريح شوي .بس انا مو عشاني عشان خطيبي الغريب والله العظيم عيييب بضل يقلي امك ضدك وامك بتوقف معيي..انا ما بحكي لامي مشاكلي انا وخطيبي بس هي بتنتبه..وكل متمسك علي شغلة صغيره تصير تدعي علييي طيب ليش شو هشي لكبير الي انا عملتو ..لك وصلت الشغله اخوتي صارو يكرهوني طيب والله العظيم ما عم اعمل شي يغضبها. بعرف انا لازم اتقبل هشي ولانه دارسه لازم اسكت واحترمهم بس انا بنتهم...وبعرف طولت عليكم وفي اشيا كتيره ما حبيت اكتبها عشان متحكولي انتي كذابه وهاي إم "