سرايا - سرايا - انا مشكلتي انو مو كل الناس بتفهمك وبتفهم مشاعرك !
انا بحب شخص وهو كتير بحبني .. قبل م اتعرف على حبيبي او حبو كان الي رفيق كان كلشي بالنسبةة لإلي .. بس اتعب بس ادايق بس احتاجو على طول جنبي .. ضلينا سوا بكل المشاكل و وقفنا جنب بعض .. حبنا كتير كبير بس هو حب صداقة و اخوة و انا وهو متأكدين من هالشي
بس حبيبي يلي مش عم يستوعب هالشي .. اول فترة ما كان يحكيلي شي عنو بس بعدين صار بدو يمنعني حاكيه لانو عم يغار .. وكان كل مشكلةة بينا بصير يحكيلي انتي ما حبتيني انتي بتحبي رفيقك مع اني والله بحبو هو و رفيقي هو رفيق وسند بالحياة !
وبعد م منعني اني حاكي رفيقي صرت حاكيه بدون ما يعرف لحتى ما يغار ويدايق ... انا ما فيني اترك رفيقي لانو هو بحاجتي . وانا واجبي متل م هو كان معي بكل فترات حياتي الصعبة اني وقف معو
بس عم حس حالي بخون حبيبي وازا عرف رح يزعل مني ويمكن يتركني !!
ليه الناس ما بتفهم مشاعرنا رغم انهم اقرب الناس النا ! ليه التخلف ! ليه كل علاقة بين شب وبنت يعني خيانة ويعني حب !