سرايا - سرايا - مرحبا انا عمري ٢٣ سنة بدرس تخصص كتيير منيح و انا بنت حلوة كتير و شخصيتي أحلى ما فيي و بحياتي ما عملت شي غلط لدرجة اني اندم عليه ،كنت اعرف شاب و تركنا و كان كتيييير محترم و بحياته ما كان قليل ادب او وقح .بس تركنا بسبب الظروف .

و من فترة وصلني مسج على الفيسبوك بالعادة انا مستحيييييل ارد على اي مسج من شاب على الفيسبوك و رديت و صرت احكي انا وياه انا ملاحظة انه تصرفاته شوي غريبة مثلاً يوم الخميس بغفى فجأة مع اني انا من جواتي عارفة انه مو نايم هلأ هو صارحني و حكالي انه هو كان يروح كلابس و كان يشرب بس بطّل بس انا من النوع اللي ما بحب الشاب اللي بشرب بالمرة بس بحكي انه كل بني ادم بغلط و هو كان هيك بس هلأ لأ ، بس كل مرة مثلاً بصير شي بخوفني او بشككني فيه خصوصاً اني ما بآمن بالعلاقات اللي بتصير على الفسبوك بحكي خلص لازم اني ابطّل احكي معه بنرجع نحكي ، مع العلم نحنا مو مصاحبين يعني اللي بينا لسا مو حب ، بس مبارح حديثه كان شوي جريء او وقح يعني حكالي كيف كانت طبيعة علاقاته السابقة فأنا بصراحة هلأ خايفة اني اكمل معه او احكي معه تكون نيته معي عاطلة هلأ انا بعرف حالي قوية و مستحييييل اغلط مع شاب بس انا من جواتي مو مرتاحة و بنفس الوقت في شي بشخصيته بشدني اله . شو اعمل اضل احكي معه ولا اقطع علاقتي فيه برجع بحكي انا وياه اللي بينا ما وصل للحب