سرايا - سرايا - انا بنت خطبت شخص 3 اشهر بعد 3 اشهر بنت بتحكي معي وبتقلي انه خطيبي غدر فيها وعشمها واخذ الي بدو اياه منها وتركها ...طبعا انا لو بزقت بوجهي اهون عندي .. انا عرفت هذه الموضوع لمده 3 اسابيع قبل ما اواجهه بالموضوع يعني ظليت اشاور نفسي اتركه لوجهه الله مع انو بموت علي ومش منقص علي شي ..ووضعو المادي كويس وكريم وبدلع فيهي وما انسى انو عمري 25 ...يعني بتعوضوش والشيطان كان يلعب براسي ...بكرا ما بتجوز اذا خسرته وحتى لو اجى حدا ما حدا رح يجي احسن منه ..بس بالنهايه بشر الزاني بالفقر حتى لو بعد حين .....

مع اني متدينه بشكل عادي ما بحكي عن حالي شيخه ..عادي بس في شغلات بالدين خط احمر وهاي منضمنها ...مع ذلك جزء مني ما كان مرتاح اخر شي قررت اواجه بالموضوع وتمنت من كل قلبي ينكر او يكون كلامها كذب وبتتبلى عليه ..لاسف الكلام كان حقيقي وبغض النظر ضحك عليها والا هي اغرته ...ع هوا تبريره لكن ما قدرت بالاخر تركته ...كان قرار صعب كتير ....هو ما خلى طريقه الا وبدو يرجعلي بس حسمت موقفي وانتهى الموضوع بالنسبه الي انتهى تماما وفعلا ارتحت بعد ما اخذت القرار ت ولا راجعت نفسي بعدها ....

بعد 6 اشهر اجى شخص محترم وخطبت للمره الثانيه ..والي خاطبه اسبوعين ...وخطيبي الاول جنني بقعد بترجى وبيعتذر وصلت معه انو يبكي قدامي .. بلاقيه بكل مكان ...ببعتلي رسائل ع فيس ع تلفون ع سناب ع كل مواقع التواصل عندي وبلغيه من كل مكان ما بعرف كيف برجع وبطلعلي ....مش عارفه شو اعمل معه انا بدي ابداء حياه جديده ....

والي صار غلطه مش غلطي ومش ذنبي ..بس هو بهدد بمحادثاتنا مع بعض مع انها عاديه وبدو يحكي لخطيبي الجديد انو كنت اعمل معه شغلات فعليا يا دوب مسك ايدي بس بدو يخرب علي عشان ارجعله ...وانا ما بدي اخرب ع حالي ...شو اعمل يا جماعه وكيف احل الموضوع ...2016 مزعجه من اولها لاخرها"