بدي انتحر .. والسبب؟؟

22-08-2016 12:42 PM

تعديل حجم الخط:

سرايا - سرايا - أنا شب في أواخر العشرين و تشخصت بالفصام من كم سنة... أموري تمام هلأ و متابع الدوا كويس بس نظرة كتير ناس حوالي لإلي سيئة لأنه لما كنت مريض كان عندي هلاوس و تصرفاتي غريبة و على وشك أنتحر بسبب المرض لأنه بأثر على حكم الشخص على الأمور بشكل كبير، بس الله لطف و تعالجت. فقدت عدة أصدقاء للأسف و حاسس مستقبلي خرب. شو ذنبي طيب؟ كنت مريض و طبت، مش زيي زي أي مريض تاني؟"

طباعة

المشاهدات: 53082


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	22-08-2016 12:42 PM سرايا
2 -	الله يكون بعونك ويكثر محبينك والحمد لله عسلامتك	22-08-2016 12:47 PM االزعيم للاستشارات التبليغ عن إساءة
3 -	يا اخي خلي ايمانك بالله قوي وما تهتم للناس وعيش حياتك طبيعية واللي عاجبه عاجبه واللي مش عاجبه خليه يبلط البحر لانه هاد مرض مش اشي انت عامله ومستحي من الناس ومتله متل اي مرض وربنا معاك	22-08-2016 01:01 PM شووووق التبليغ عن إساءة
4 -	المريض النفسي متله متل اي مرض اخي لكن العتب على المريض اخلاقييا واجتماعيا هدول نفسي احكيلهم عازمتكم على منسف بساحة ولما يتجمعوا كل راس مالها قنينية ديزل ودب النار فيهم ليرحوا المجتمع منهم اللي بجيبوا سيرة الناس وبحكوا باعراض الناس ولا خايفين لا من عذاب دنيا ولا من عذاب اخرة ربنا يهديهم	22-08-2016 01:12 PM شووووق يتبع التبليغ عن إساءة
5 -	انت حاول اعمل اصدقاء جداد. لك وما تحكي لهم على انك كنت مريض وشفيت تماما ومع مده لما يشوفك شفيت وتافيت راحوا يرجعوا يخكوا معك وانت حاول اشترك بنادي رياضي او التحاق بدوره كموتر وهناك بشوف اصدقاء وبتعرف عليهم وتحيه لك	22-08-2016 01:26 PM مها احمد. التبليغ عن إساءة
6 -	لا تنتحر ولا على بالك ارجع بلش حياتك من حديد وكون علاقات جديده مع اصدقاء جدد	22-08-2016 03:03 PM امونه التبليغ عن إساءة
7 -	كيف حالك يا امونه انا اليوم فتحت على صحفة صوت النسيم على الفيس بوك طلع لي 90 وحده اسمها اميره بني صخر مين فيهم صوت النسيم ما عرفت كيف بدي اعرف يا امونه مت فيهم صوت النسيم	22-08-2016 07:07 PM مها احمد الى امونه التبليغ عن إساءة
8 -	الانتحار حرام ولا كان انتحرت زمان	22-08-2016 09:31 PM السوسنة السوداء التبليغ عن إساءة
9 -	ولا تنتحر ولا على بالك يا زلمة . . نص الألف 500 . . أزعم منك وانفصمو . . .انا ما طولت . . ضليت مفصوم شهرين بس	23-08-2016 12:10 AM الزيبق . . . التبليغ عن إساءة
10 -	أنا أشطر منك بنفصم لما ما بدي احكي مع ناس ثقيلين دم يحكوا عني مفصومة ولا اتحمل قرفهم ههههه	23-08-2016 04:02 AM شووووق الي الزئبق التبليغ عن إساءة
11 -	الله يشفيك ويعافيك... يا اخي هاد ابتلاء من الله عليك الصبر وربنا ما رح ينساك .. التفكير بالانتحار ما حد رح يخسر غيرك .. يخسر الدنيا والاخره .. ارجع الى ا لله وسوف يسهل لك الامور ..الله يفتحها عليك... نهارك سعيد	23-08-2016 07:54 AM انشودة المطر التبليغ عن إساءة
12 -	كيف اعرف انه انت نفسك اللي مرسل المشكلة وانه التانيين ما رجعوا الك وهم اللي كاتبينها	23-08-2016 01:35 PM سليم التبليغ عن إساءة
13 -	اولا الحمد لله على السلامه اخي العزيز الصبر جميل الله يجازيك انشاء باجمل الايام والراحه النفسيه انتا توكل على رب البعباد وكل الامور بتنحل باذنه الواحد الاحد الزم الاستغفار الاستغفار والصلاه	23-08-2016 03:58 PM محمد ابو عبيد التبليغ عن إساءة
14 -	عنجد والله شوق بحكي . . . انا في زمناتي انفصمت شهرين تقريبا . . (شيزوفرينيا ) بعيد عنك . . . عشان هيك في شوية جنون بتعليقاتي . . . بس هلا أمور تمام . . . عال العال . . . قولي ما شا الله :)	23-08-2016 08:53 PM الزيبق. . . . التبليغ عن إساءة
15 -	صدقني يا الزئبق لو تروح معاي على مستشفى الامراض العقلية لتشوف حالات وحالات بس هي مش للضحك بس عشان تحكي الحمد لله	24-08-2016 12:18 AM شوووووق التبليغ عن إساءة
16 -	اخى راسلنى ع هدا الايميل سوف تساعدك انا اعمل بمزكز طبى للامراض النفسية بدولة اروبية وشوف نجد لك الحل ثقى بى عندنا احسن الاطباء النفسيين سوف تساعدك المهم حاول ان تبعد هاى فكرة الانتحار انا بتصورى شخصى انك بعيد عنها كل البعد	24-08-2016 09:59 AM فراس التبليغ عن إساءة
17 -	عمري ما ضحكت على مريض نفسي . . . لأنه كلنا مرضى نفسيا إلى حد ما ( نظرية في علم النفس ) ونعم بالله . .	24-08-2016 10:09 AM الزيبق . . التبليغ عن إساءة
18 -	ربنا يفرجها عليك ويشفيك	24-08-2016 10:19 AM قارئة التبليغ عن إساءة
19 -	زئبق كانك دارس احدى مساقات علم النفس لان هذه النظرية ما حد بحكيها الا اللي متمكن من علم النفس شو تخصصك انت	24-08-2016 12:50 PM شوووق الي الزئبق التبليغ عن إساءة
20 -	إحزري . . .	25-08-2016 08:13 AM الزئبق . . . التبليغ عن إساءة
21 -	تخصصي . . . تخصصي . . . امممممم بديش أقلك . . .	25-08-2016 10:10 AM الزئبق . . . التبليغ عن إساءة