سرايا - "بعرف كتار حينتقدوني عطريقة تفكيري بس مع هيك بتمنى تقرو وتعطوني رايكون بركي بتخلوني شوف جانب من قصتي ماني منتبهتلو
كان ساكن بالبناية المقابيلنا اهلي واهلو جيران درسنا عنفس المقعد وتخرجنا من الثانوية سوا فتنا نفس الاختصاص بالجامعه ودرسنا سوا ورفعنا موادنا سوا
كان من الطبيعي لاي حدا يشوفنا يعرف ان نحنا ما منفترق اعز رفقات وحتا كتار كانو يفكرونا اخوه من كتر ماكنا عفويين مع بعض كان يعرف كيف بفكر وشو حلمي حلمي يلي كان من انا وصغيرة بحلم فيه سافروكمل تعليمي
برا حقق شي لذاتي وكون نفسي وهلا بعد ماصرنا سنة رابعة رجع قلي نفس يلي قالو اول سنة واضح اني بحبك ايمت حتخليني اجي اطلبك ؟
رديت عليه متل مارديت عليه اول سنه لسا بعدنا صغار وانا فعلا لهلا شايفة حالي صغيرة عالارتباط بس الكل مستعجل امو ابو هو مستعجلين اهلو واهلي بيعرفو كلشي
ماما حبتو ومئمنه فيه وبابا عم يشجعني عالسفر كونو فرصتي جاهزة وناطره مني بس اتخرج انا فعلا مابعرف
انا حافشل بكوني زوجه لان تفكيري وحلمي مانو فستان ابيض او ولد وبيت مثالي ومع هيك هاد اول انسان حبيتو وبعرف ان هو الاخير محتارة بين حلمي وبين قلبي بعمري ماخليت قلبي يقرر اي قرار ولاول مره بحتار
كتير اسئلة بتخطرلي بركي طلعت وندمت لاني بعدت عنو ؟ بقدر بعد اصلا؟ واذا صرنا سوا حيفي بوعدو لنحقق حلمنا سوا؟والاهم من كل هاد اذا ارتبطنا حاقدر عاملو منيح وما اظلمو كل عمري ؟
تفكيري أناني وقاسي ولا منطقي؟ بتمنى تساعدوني بعتذر علاطالة"