حرية سقفها السماء

وكالة سرايا الإخبارية

إبحــث في ســــرايا
الأحد ,6 يوليو, 2025 م
طباعة
  • المشاهدات: 33957

اهلي سبب مأساتي

اهلي سبب مأساتي

اهلي سبب مأساتي

06-08-2016 11:43 AM

تعديل حجم الخط:

سرايا - سرايا - انا طالبة جامعة عمري 21 سنة،صرلي 3 سنين بالجامعة، وضايلي سنتين،
عندي اخين شباب وبس انا بنت،
عمري ماشعرت بالسعادة رغم أني بصلي وبتقرب من ربنا،
مشكلتي الكبرى بحياتي هي اهلي،
اهلي غير ملتزمين دينا ابدا،لا صلاة ولا صيام ومرات بشربو ، صيام بس ععيون الناس وبالعزايم بس،
،
انا بعد مادخلت جامعة واختلطت بناس من بيئات مختلفة،شعرت بكره كبير لجو عيلتي،
ما عدت أطيق ارجع عالبيت،
بشوف صاحباتي وزميلاتي كيف عايشين، وكيف انو عندهم اشيا من الثوابت الي مافيها مجال للنقاش،وانا اهلي غير كليا،
انا بديت أصلي لما دخلت الجامعة؛ كتير مدايقة انو اهلي ماعرفوني بثوابت ،
شاعرة بكمية البعد عن ربنا الموجودة ببيتنا،
أنا ما بدخل باهلي، كل واحد حر وما بحاسب حدا، وبضلو اهلي الي ربوني،
بس دايما بتمنى امنية الأطفال انو يطلعوا اهلي مش اهلي،والله ما بكرههم، بس مش مرتاحة،
الواحد لازم يكون اكتر شي مرتاح ببيتو ومع اهلو، وأنا مش مرتاحة،
صرت اعمل دوامي متأخر بالجامعة،وسجل بنوادي وشوف صاحباتي،وأحاول استغل اكتر وقت خارج البيت،
نفسي ارتاح ببيتي،
نفسي اهلي يتغيرو،
كيف ممكن الواحد يرضى بنصيبو وقدرو، ويبطل يطلع هالناس كيف عايشة








طباعة
  • المشاهدات: 33957
 
1 -
ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.
06-08-2016 11:43 AM

سرايا

2 -
مارح تقدري تصلحي كل شي بس عليكي بنصيحة..... واول ما يجي صاحب النصيب لا تترددي
06-08-2016 03:01 PM

thaeer hasan

التبليغ عن إساءة
3 -
ضلي قريبة من ربك وكوني على يقين أنه مارح ينساكي لأنه أجمل مافيكي هو النقاء اللي جواتك واللي في بنات كثير بوضعك بس مايحكو ويكونو مبسوطين لأنه أهلهم بالطريقة هاي مشان يوخذوا راحتهم.الله يوفقك ويهدي أهلك
06-08-2016 06:19 PM

هاشم

التبليغ عن إساءة
4 -
بسم الله الرحمن الرحيم ومن يتق الله يجعل له مخرجا ويرزقه من حيث لا يحتسب صدق الله العظيم الله يهدي أهلك على الصواب وأنت نصيحة خليكي محافظة على الصوم والصلاة والخلق الحسن وشوفي كيف رب العالمين رح يفتحها عليكي
06-08-2016 09:57 PM

ياسر الغول

التبليغ عن إساءة
5 -
اختي الكريمه الإنسان بخلق السعاده لنفسه لما يقنع نفسه انه مستحيل يغير الكون مابتعرفي متى ربنا بهديهم الرسول كان عمه كافر وأصحابه كثير كان أهلهم كفار الحمدلله انه اهلك بحكو لاالله إلى الله ربنا رحمته واسعه في ناس دخلو الجنه لكلب سقوه ولاتقنطو من رحمة الله انه لاييئس من رحمة الله إلى القوم الكافرون خلي أملك باالله كبير
06-08-2016 10:25 PM

المحامي عاصم صلاحات

التبليغ عن إساءة
6 -
وإذا اجى صاحب النصيب اتاكدي منيح انه صاحب خلق و دين والله يرزقك زوج صالح وذرية صالحه لأن قلبك نقي وببحث عن الخير
07-08-2016 12:50 AM

ahmad

التبليغ عن إساءة
7 -
خليكي قريبه من ربك واستغفري ربك لان الاستغفار بفرج وادعيلهم بالهدايه .. وادا الله بعتلك ابن الحلال لا تترددي وافقي وغيري حياتك ... تحياتي وبتوفيق...
07-08-2016 10:27 AM

بيسان بني ليث

التبليغ عن إساءة
8 -
ما تفقدي الأمل! بلحظة الله قادر يهديهم كلهم، بعرف شعورك لما اللي بتحبيهم تحسيهم بعاد عن ربنا وضايعين،تفائلي وادعي الله وقت السحر وانت موقنة والله رح يستجيب دعائك
16-08-2016 06:46 PM

kholoud00

التبليغ عن إساءة
الاسم : *
البريد الالكتروني :
التعليق : *
رمز التحقق : تحديث الرمز
أكتب الرمز :

إقرأ أيضا

الأكثر مشاهدة خلال اليوم

إقرأ أيـضـاَ

أخبار فنية

رياضـة

منوعات من العالم