ماذا فعل اخي ؟

03-08-2016 12:25 PM

تعديل حجم الخط:

سرايا - سرايا - حابه احكي اشي انو دائما منسمع انو الاخ سند و عزوه و بدي احكي موقف صار معي انا من جديد عرفت انو مافيي اخلف الا عن طريق اطفال الأنابيب كنت بحكي مع امي بخبرها شو حكا الدكتور و زوجي صار يتخوت انو بدي اتجوز و من هالحكي وماما ع الخط بعد شي ساعه اجا لعندي اخوي اصغر واحد عمره 21 سنه بيشتغل و بيدرس حط قدام زوجي 5 الاف دينار و قلو اختي بدا تعمل انابيب هي المصاري بس مابدي اشوفها زعلانه طبعا انا صرت اعيط اول مره بحياتي بتنزل دموعي من الفرحه زوجي صار وشه الوان و صار يعتذر من اخوي و يحكيلو اني بمزح اخوي ماحكا اشي حمل حالو و طلع هو ع الباب بحكي لزوجي هاي غاليه كثير الغلطه معها هي الغلطه الاخيره مش قادره اوصف بشو حاسه بعد ماكنت مكسوره و زعلانه انجبر قلبي عنجد كل الدنيا مابتسوى ظفر الاخ الله لايحرمني منهم و لا يحرم بنت عزوه اخوتها

طباعة

المشاهدات: 52271


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	03-08-2016 12:25 PM سرايا
2 -	الله يخليليك الله و يعوضكم و يعوضه خير	03-08-2016 01:23 PM م.احمد التبليغ عن إساءة
3 -	أخاك أخاك من لا أخا له ك ساع إلى الهيجاء بغير سلاح . الله يخليلك اخوانك	03-08-2016 02:44 PM امل التبليغ عن إساءة
4 -	ما شاء الله وين بتلاقي متل هيك اخوة الله يحميهم بس بحب احكيلك انوا ما بصير تعتمدي انت وزوجي على مصاريف اخوكي حرام يعني هو بشتغل وبتعب عشان يأمن حالوا وانتوا بالآخر هيك تاخدو الماصريف نصيحة رجعي نصف المصاري لأخوكي وخليكم تتشاركوا بالموضوع اخوكي وزوجك وان شاء الله ربنا يبعتلك اولاد ويرزقك ويرزق اخوك وزوجك بالاطفال الصالحين	03-08-2016 04:27 PM دلع التبليغ عن إساءة
5 -	هذا يعني ان لديك بويضات طبيعيه وان المشكله في عدم قدرة حيوانات زوجك المنويه على إختراق جدار البويضه ولذلك تثقب البويضه صناعيا ويدخل الحيوان المنوي للبويضه لتخصب ثم تنقل لرحمك --على زوجك ان لا يستبعد انه هو السبب صحيا في عدم اخصاب البويضه يعني المشكله منه وعليه ان يكبر ويقدر نخوة أخيك	03-08-2016 11:01 PM ابو طارق التبليغ عن إساءة
6 -	صراحة . . . موقف مؤثر بستاهل الدمعة . . الله يخليلك إخوانك سند وعزوة الك	04-08-2016 03:00 AM سلفادور . . . التبليغ عن إساءة
7 -	نيالك عهيك أخ	04-08-2016 04:35 AM رهف التبليغ عن إساءة
8 -	اللهم امين الله لا يحرم صبية حنان اخوتها الأخوة اعظم هدية من رب العالمين	04-08-2016 07:58 AM التبليغ عن إساءة
9 -	اعتقد هذه الزاويه هي للمشاكل التي بدها حل يعني هذه الاسطر ليس لها علاقه بزاوية الجريده	04-08-2016 01:35 PM رقيب التبليغ عن إساءة
10 -	هم ببكي وهم بضحك شعور الاخوة ما بعرفة لانه اخواني ماتو من زمان زمان لو انه عايش بكون عمره هسا 90 سنه مات سنة السبعين وكان عمره لما مات اربعين شو بدي اتذكر لاتذكر هو عقلي دفتر	05-08-2016 03:08 AM شوووووق التبليغ عن إساءة
11 -	سوووق كم عمرك ليش ؟؟؟؟؟؟؟؟؟؟؟؟؟	07-08-2016 09:15 AM لبنى التبليغ عن إساءة
12 -	عن جد مافي شعور متل شعور الاخوه وحب الاخوه ... الولد مولود وزوج موجود والاخ مفقود ... يعني مافي شي بعوض مكان الاخ ياارب احفظ اخواتي واحفظ اخوان الجميع ولا يحرمنا ربي منهم	07-08-2016 10:56 AM بيسان بني ليث التبليغ عن إساءة