ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.

مشكلتك انه شيطانك اقوى من ارادتك ودايما بيتغلب عليك وعلى ارادتك وبخليك تكره الخير لغيرك .انته بهاي الحاله لازم تقرأسورة البقره لمدة اربعين يوم بنية الفرج واصلاح الحال واطلب من رب العالمين انه ينزع من قلبك الحقد والكره .وربنا يفرجها على الجميع

احكيلك شغلة .. صدقني اغلب الناس ومنهم الموجودين واللي بيقراوا كلامك عندهم نفس مشكلتك بس الفرق انك انت صادق مع ذاتك وباعترافك بمشكلتك لكن بجوز تكون بنسب مختلفة عند الناس .. لانو الكل بحب يكون الافضل والكل بحب يكون معاه اكثر من غيرو .. بس المشكلة فعلا اذا كنت تتمنى زوال نعمة عن غيرك .. اما اذا كنت تتمنى يصير عندك مثلو او حتى يصير عندك اكثر منو فهون ما بتكون تجاوزت الحدود .. ومثل ما قلتلك هيك اغلب الناس الا ما رحم ربي .. مع انو للوهلة الاولى الواحد بياخذ انطباع عنك بأنك انسان سيء لدرجة انو ممكن يقولوا يعني كيف متدين وبتعمل هيك !!!.. لكن انا قرأت الموضوع من زاوية ثانية .. بأنك حاب تتخلص من هالخصلة اللي انت بالاصل مو راضي عنها وانو الشعور اللي عندك لااااا اراديا بدليل انك بتدور على حل .. لسا انت احسن من كثير ناس .. على الاقل صارحت نفسك قبل ما تصارحنا بمشكلتك .. يا رجل في ناس ما حد بختلف على حقدهم وحسدهم وضيقة عينهم لكن للاسف انهم هم نفسهم مو شايفين هالشي بحالهم ..
يا ترى مين فينا ما بحب يكون معاه فلوس اكثر من فلان متلا !!!.. او مين ما بحب يكون عندو سيارة احسن من سيارة فلان !!او احسن من شهادة فلان!! او احسن من وظيفة فلان !!او يكون عندي زوجة احلى من زوجة فلان !!... والبنات نفس الشي ما بتحب يكون زوجها الافضل وبيتها الاحلى واولادها يكونوا احسن اولاد ومين من البنات ما بتتمنى يكون زوجها يكون يشتغل مثل زوج فلانة!!! (اه بهالصيغة ) انا متعمد اكتب هيك .. ومين فينا ما بحب يجيب معدل بالشهادة اكثر من معدل فلان او فلانة!!!!!!!! لدرجة انو بيتطلع لحالو انو عادي لو ارسب بس اهم شي يكون فلان راسب مثلي .. والقصص اللي على هالشاكلة كثير .. ربنا يصلح حالنا وحالك ويرزقنا القناعة ... لانو الغني فعلا هو الانسان القنوووووع .. وكما قال حبيبي محمد عليه الصلاة والسلام (إرضَ بما قسم الله لك تكن اغنى الناس) .. ويقول النبي عليه الصلاة والسلام ( قد افلح من اسلم ورزق كفافا وقنعه الله بما اتاه )) .. كفافا يعني على قدو .. لكن الحل بالقناعة .. ويقول النبي صلى الله عليه وسلم (من بات امنا في سربه معافى في جسده عنده قوت يومه فقد حيزت له الدنيا بحذافيرها )) .. لو تركز بهالحديث و تحديدا بجملة " قوت يومه" يعني بس اكل لكل يوم بيومو .. بالله عليكم مين فينا بحب يكون هيك فعلا .. كلنااااااااااااااا الا ما رحم ربي بنحب يكون معانا اكثر من مسألة يوم بيوم .. احنا بشر وهيك طبيعتنا .. ربنا يهدي بالنا احنا واياك .. ولا تنسانى من دعواتك.

اخي استغفر الله وسبح الله وقول يا رب ابعد عني الحقد والكره للناس

حلو --كرري قل اعوذ برب الفلق واحبي لغيرك ما نحبينه لنفسك

لا يا زلمه شو بدك في الناس لا حول ولا قوة الا بالله دع الخلق للخالق ابلش بحالك كون طموحا ولا تكن حقودا ....

له له له . . . خلي العقل منك يا زلمة . . . إنتا أكبر من هيك :))

للاسف الشديد هذا مرض العصر اغلب التاس هالايام هيك