ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.

انا مش شايفه غلط اذا كل يلي بالبيت قعدوا مع بعض على سفره وحده وقعدوا مع بعض وتبادلوا الحديث بأدب واحترام انتي ليش كبرتي القصه انتي لازم تروحي انتي وزوجك على بيت عمك وتعدلي الامور بينكم ولا تكبروا القصه

اول شي انتي مو غلطانة .. بالعكس انتي بتحكي عين العقل .. وواضح من كلامك الادب .. اي والله نيال زوجك فيكي .. وحدة حابة تحافظ ع حالها .. وين الغلط بالموضوع .. هاي ما اسمها تفرقة .. وياستي حتى لو ما كانوا متعودين على هالحكي .. طالما كان غلط فما لازم يستمر .. يعني بصير نحكي انو محمد صلى الله عليه وسلم اجا يفرق بين الناس !!! حاش لله .. مع انو غير كثير عادات .. ونقل الناس لبيئات جديدة .. وانت بتعملي هيك من نفس المبدأ واقتداءا بحبينا محمد عليه الصلاة والسلام .. عداكي عن انو النبي قال "الحمو الموت" .. يعني اخو الزوج ومن هو على شاكلته .. يعني مافي شي اسمو متل اخوي .. مو صحيح ابدا بدليل حديث النبي صلى الله عليه وسلم .. ونيالك بحماتك لانو يبدو انها انسانة عاقلة ..
نصيحتي الك اعملي الصح وما تسألي بحد (واثق الخطوة يمشي ملكا ).. بس اهم شي يكون اسلوبك لبق .. وما اظن انو هالشي بينقصك .. وتذكري قول النبي صلى الله عليه وسلم "من ارضى الناس بسخط الله سخط الله عليه واسخط عليه الناس ومن اسخط الناس برضى الله رضي الله عنه وارضى عليه الناس " او كما قال عليه الصلاة والسلام .. والله انو مرت اخوي ما بعرف كيف شكلها .. وهاي الجلسات مو واردة عنا فما بالك بالاكل الجماعي .. كل واحد الو طريقتو .. والاصل يحترموا فيكي هالشي .. واتوقع انو الناس الكبار فيهم من عمك او عمتك متفهمين هالشي .. وما شالله عليهم .. بس يبدو انو هالشب من فورة دمو وممكن من الحكي اللي بسمعو من سلفاتك عمل عندو ردة فعل مكبرة لانو يبدولي كمان انهم مو مقصرات بالحكي عنك قدامو .. فصار يتهيألو انك شايفة حالك .. فصارت ردة فعل متوقعة للي بيسمعو عنك انو يعمل هيك .. اذا النبي كان يحكي للصحابة " لا يخبرني احد عن اصحابي شيء فإني احب ان اخرج من بيتي وانا سليم الصدر " تخيلي بيحكي هيك وهو نبي .. ما بحب يسمع عن اصحابو كلمة وهو نبي وبنفس الوقت هم صحابة .. فما بالك احنا ..
انت انسانة طيبة لانك ما حبيتي يصير اللي صار لانو اولا واخيرا مو غلطك لانك لو حبيتي يصير مشاكل لكنتي استعجلتي وقلتيو اخوك عمل هيك وهيك .. بس هاي طيبة قلب منك عدا عن انك ما حبيتي انو عمتك تتأثر كونو معها سكري .. والاهم من هيك انك حاولتي تليني قلبو على اخوه فيما بعد .. فلا تلومي حالك .. انت ما غلطتي .. وربنا الله حماتك وحماكي شكلهم ناس اوادم .. وزوجك شكلو انسان متفهم كونو ما حط الحق عليكي لما صارت المشكلة .. على عكس ما بعملوا كثير من الناس بمجرد ما يصير مشكلة ولا اراديا بحط الحق على زوجتو كونها كانت سبب بالمشكلة ..
خلص عيشي حياتك انت وزوجك بعيد عن هالاجواء .. بس بنفس الوقت عاملي حماتك وحماكي باحترام متل والديكي .. وخليهم بصفك بالمعاملة الحسنة مو بالخباثة ( وانا اسف على هالكلمة ) .. وهيك بتكوني كسبتي زوجك وامو وابوه .. وهو المطلوب .. واحكيلك شغلة .. الايام كفيلة انها تغير نظرة اخو زوجك .. اهم شي تعاملي معهم بالاخلاق .. وثقي تماما انو ربنا حيكون بصفك .. وفي النهاية قلوب العباد بين ايدية .. انت ما غلطتي .. وما تلومي حالك كثير .. ( بس صدقا نيالك بعمك وعمتك وزوجك ) .. موفقة

من اسوأ خصال الزوجات القطاعه ، شعرت أنك بتستخدمي الدين لإبعاد زوجك عن عائلته، خليكي بحجابك بتفرضي احترامهم وتعاملهم معك بس مش ايقاع العداوة بين الآخوان

انا مش شايف انه فيها شيء اذا اكلتوا مع بعض طالما انتي محتشمه ليش نفخه كذابه ام بدك تعملي قطيعه بين اخوان زوجكاسرعي واعملي صلح بينهم لان زوجك احتمال تفقع معه ويقول لكي انتي السبب في زعل بين اخواني وساعتها ما برحمك وبكون معه حق واذا مش ماخذه راختك لما تروح تاكلي زي ما بدك

يعني شو فيها اذا قعدتي تآكلي مع عيلتك ليه يختي بتاخديش راحتك اه ولا هي بدك تنكدي عالححه وبس مش رح ياكلوكي يا نيكول كيدمان دخيل الله الام حابه تلم عيالها وانتي بدك تعملي مشاكل عشان ابيني انك متدينة ومحترمه ومدري شو هم نازلين معك بيسين سباحه مختلط روقي وروقينا الدنيا رمضان وقصصكن شبت منها دخيل الله .

سميت حالي بهالإسم عشان عارفك ما بستغني عنه أبدأ . . . عاليوم أصير متل فير أند لافلي بالنسبة إلك
فا . . . خف علينا شوي وطنشنا بالعقل
وعلى رأي أحمد عدوية : ما بلاش اللون ده معانا . . . راح تتعب أوي ويانا . . . وللا إحنا عشان مش أدك . . . تشتري وتبيع في هوانا

انت فاقده للثقه بهم وهذا لا يجوز -- كان لازم تفكيرك يكون انكم عائله واحده ولكن كل المشاكل تأتي من النساء

انا ما بحب اللي بعمل الدين حجه علشان حاله يعني هي ما بتحب تتاكل مع العائله زوجها وتعمل الدين حجه اختي استغفري ربك ام زوجك بدها تجمع عائله علشان رمضان كريم

وانتي لا تكوني سبب القطعيه واخيرا ادعوا لكي بهدايه

اختي انا بنصحك نصيحه زوجك اول مره بسكت وثاني مره بسكت بس ثالث مره بفجرها معك وبقول لكي انتي السبب وبحملك السبب انتي لا تاخذياهله اعداء لكي لانهم وقت الجد تجديهم امامك والام زوجك من كلامك انها امراه صالحه وتريد الخير اتتي اعتبرها ام حتى لا تخبري بيتك

يعني اذا كنت محجبه ومحتشمه هذا بمنعك تكوني خفيفة دم بالقعده او محنطه -- اي القعده اللي مافيها وجه يضحك الله يلعنها من قعده

اختي انا بنصحك نصيحه زوجك اول مره بسكت وثاني مره بسكت بس ثالث مره بفجرها معك وبقول لكي انتي السبب وبحملك السبب انتي لا تاخذي اهله اعداء لكي لانهم وقت الجد تجديهم امامك والام زوجك من كلامك انها امراه صالحه وتريد الخير اتتي اعتبرها ام حتى لا تخبري بيتك

مش عاجبك خليكي بدارك ومافي داعي تفرقي بين الاخوان عشان تنبسطي حضرتك

ما فيها اشي لو قعدتو مع بعض....ما دام كل ملتزم حدودو..كان بإمكانك بطريقه معينه تقعدو ل حالكو انتو البنات يعني تروحو ع المطبخ تعملو اي شي انتي هسا عند ناس غير اهلك لازم تتعودي ع عاداتهم ضمن حدود

وانا رح سمي حالي هالاسم ...عشان اقدر امحي كل ذكرياتي ....أتظن أني لعبة بيديك ....

ربنا ينورك كمان وكمان بانوار النبي يا ابو النور بس انت متاكد انه المشاكل كلها تاتي من النسوان والزلم يا حرام ما بعملوا اشي مسالمين مهو في زلم بدهم رصاصة بين عيونهم وقليل عليهم من عمايلهم انا غشيمة عن الزلم وعمايلهم اسالني انا هههههه

أخ قلم رصاص كان المفروض تسمي حالك محاية عشأن تحقق أهدافك . . بس أنا اشطر منك سميت حالي براية عشان أبري بوزك . . يصير خطك حلو و تحكي معاي بالشكل اللي بليق في . . . بس خايف تصير تجرح

الى برايه...عن جد دمك خفيف وضحكتني مش قادره امسك حالي من الضحك خليك دايما بتعلق اذا بدك تغير اسمك احكيلي

انا بقول اذكروا الله

أخت تهاني الله يرضى عليكي تطلعي من راسي انا مش رايقلك . . . ما حكتلك ماما وانتي صغيرة انك ما تحكي مع غرباء !! مش خايفة على حالك تبطلي تهاني وتصيري تبريكات

الى كلين اند كلير ههههههههههاي لا مش خايفه ....ليش اطلع من راسك ؟بس تسمي حالك هد آند شولدز بطلع لا ني رح اكون قشره في راسك

هيني سميت حالي هيد أند شولدرز
فا . . . ممكن تطلعي ؟

السلام عليكم
السيده مش غلطانه, الرسول يقول الحمو الموت,الخطأ فينا لأنا تعودنا على الغلط
تصرف اخو جوزها غلط , بيت اهل زوجها واقفين معها وجوزها مقتنع بكلام زوجته
الاخوه بتراضوا بكره بس الصح هو صح
لا تحطوا اللوم على المرأه

اخي يسعد.مساءك بدي احكي لك شغله رائي شخصي مش افتاء في دين في ناس بعملوا الدين حجه علشان يعملوا اللي براسهم هي تكره اهل زوجها ولا تريد ان تاكل معهم بتدخل الدين في الموضوع يتبع

اخي لسى ما بتعرف كيد النساء اخي انا رائي شخصي ما فيها اذا قعدت على نفس مائده مع اخوان زوجها طالما هي محتشمه ولا يظهر منها غير وجه اخي دينا الاسلامي دين يسر ولا دين عسر احكي لك شغله كنت بفطر جاء ابن عمي وقت الفطور جلس معنا واكل انا ما زعلت لاني والحمد الله ملتزمه دنيا واكلنا مع بعض اكل مع اخولني ومعي ومع امي

لاااااااااا مش طالعه

والله هيك بتحرجيني . . . ماما حكتلي ما تمشي بطريق البنات . . . طريق البنات شوك . . . ما كانت تعرف إنه راح يجي يوم البنات يتحكرشو فيه في الأولاد