ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.

بالاسلوب الحلو بتقدري تكسبيها لصفك .اقعدي معها وعامليها مثل اختك تودديلها اطلعي انتي وهي شوفي شو يلي بتحبه وشو يلي بتكرهه حتى انتي تتلاشي يلي بتكرهه لا تعملي اشياء تخليها تغار منك .

الى صاحبة المشكلة . . . حاولي تسايري أخت زوجك . . . انتي عارفة انه شعور المطلقات سيئ جدا . . . اللي فيها مكفيها . . . ونظرة المجتمع ما بترحم . . . فا . . . استهدي بالله وخليكي كوووول . . . وخليكي أنيقة في التعامل معها ومع زوجك

صديقتي طيب ليش ما تحكي لحماتك اولحد بمون عليها و يخليها تحل عنك او ليش انتي ساكته امسحي الراض فيها

بسيطه جدا اهتمي فيها وحسسيها انك بتحبيها عن طريق الهدايا والاتصالات وشوي شوي بتصير اكثر من حبيبه وما بتصيروا تستغنوا عن بعض بس هذا الحكي بده نيه صافيه اذا انت جاده وبدك تحل هذا الحل الصحيح وما في غيره

أكيد انتي كمان ما بتراعي شعورها ...مش ضروري اول ما يجي اخوها حبيبي وروحي قدامها ...طلعت روحها مسكينه وهي محرومه وعندها نشفان عاطفي ...وجوزها مطلقها ...واكيد ما حد معبرها يمكن شكلها متل سبونج بوب ..وانتي حلوه ..أحسن شي تطلقي متلها :)

الاخت العزيزة.....

عليك بمبدا العصى والجزرة ......

شوفي يا بنت الناس عامليها بالحسنى وبكل لطف وصارحيها ما الشيء الذي يزعجها وما الشيء الي يبسطها وحاولي تكون إلها صديقه واخبريها انها بمثابة اختك الكبيرة واشكي لها همك واساليها عن همومها ومش غلط تعزميها على كوفي شوب ما بين فترة واخرى واطلبيلها ارجيله (حاسس انها بتأرجل) وهذا هو مبدأ (الجزرة)....

اما بالنسبة لمبدأ (العصى) فإذا كنت لا تخافين ان تخسري زوجك ومتاكدة من حبه لك فعليك بالقصف على كل الجبهات وابلشي فيها عالطالعه والنازله وبادري انت بافتعال المشاكل معها وورجيها العين الحمرة واعرضي عليها إما الجزرة او العصى..

اسمعي يا مدام....

جيبيلها واي فاي وخلي نطاق البث داخل غرفتها واشتريلها تلفون مرتب واتوكلي على الله ...ولا عمرك بتشوفيها.. حتى اكل رايحين تترجوها علشان تيجي توكل...

والله يا دليله ما انتي قليله....

الحل كما تفضل الإخوان من قبل عليكي ان نشعريها بأهميتها بحياتك وحيات زوجك وعليكي بالهديه الها تأثير كبير قال صلى الله عليه وسلم تهادوا تحابوا وبطولة البال والصبر كل شيء بنحل

الله يكون بعونك .. اعملي بنصائح المعلقين بس ازا ما اجت بالحسنى شوفيلهاحل تاني لانو هاد زواج ورح تعملو ااسرة وحياتكم لسى باولها طيب هية ليش

مش ساكنة مع امها هاي فعلا اختو خرابة بيوت بس انتي حاولي معها بالتي هي احسن وازا ما زبط معها الطيب اتصرفي معها والصراحة الحق كلو على جوزك الي معطيها عين زيادة

ليش تحليل الناس انه المطلقة بتغار مش يمكن جوزها مش كويس ومش مقدملها حياة زوجية طبيعية عشان هيك طلبت الطلاق او انه عبء عليها وبعتمد عليها عشان هيك طلبت الطلاق واكيد هي بتشوفك مستهبلة اخوها عشان هيك برضه بجن جنونها وبتحاول انها تفهمه الصحيح

نحن البشر ننظر الي الطلاق على انه عيبا وكيف يكون عيبا وقد حلله الله سبحانه وتعالى اما ان تكون الزوجة خائنة لزوجها او الزوج خائن لزوجته فهو ليس عيب اشي بقهر

نصيحتي لك اطلبي من زوجك بيت مستقل ... انفصلي عنها ... طول ما انتي بوجهها لحقي مشاكل ونقارات ... هيك طبيعة النفس البشرية ... لما تشوف حد عايش احسن منها وفي توافق مع الطرف الاخر بتحقد عليه ... لازم تطلعيها من عندك والا عمر مشاكلك ما بتنحل ... لي صاحب كان متزوج واخته مش متجوزه وعايشة معه ... ظلت تنق وتقر ع راسه اخته لما طلق مرته

وأنتي . . . عندك نشفان عاطفي . . . وللا وضعك مسلك ؟

جووووزيهااااا .... مااا بتعوودي تشووفيهااااا

نشفان عاطفي وانت بقلبي ؟ا

مرحبا
احسن حل تلاقيلها عريس وبهيك لتخلصي منها
اريح الك والها