ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.

انصحك بالآتي :-

اجلس معها على انفراد واعرض عليها مساعدتك لها في حل مشكلتها وانك ستتركها بشكل شخصي وانك ستفهم الجنيع انك لا تريدها دون الاضرار بها في حال انها لا تود الارتباط بك وممكن جدا انها تكون بتحب شخص ثاني وإذا كانت تودك زوجا لها اخبرها انك ستتركها لانك لا تشعر معها باي حنان لانها لا تبادلك نفس المشاعر....وسلامتك

حاول تقرب منها اكثر احكي معها حكي حلو جيبلها هديه اذا حاولت تقوم من عندك ارجع ناديها احكيلها عن حياتكم كيف بدكم تبنوها مع بعض احكيلها شو بتحب شو بتكره احكي اي شي يمكن هي بدها اياك تتقرب منها اكثر .وربنا يوفقكم مع بعض

اتركها يا سيدي . . . احنا المدن عنا مثل بيئول . . . ميت ألبه (قلبه ) ولا غلبة . . . وبنئول كمان السوء مدلوء

مسكين لسا ما طلعت معها...اطلع معها وشوف كيف بتصير تمووت فيك

نصيحه مني اذا فعلا هي ما بتحبك اتركها وما تكمل وانا بحكيلك عن تجربه

اذا متأكد من أن هروبها منك مو خجل طلقها لإنها بتكون بتحب غيرك

صديقي مشكلتك مبينه متل الشمس اكيد انو اهلها جابرينها فانت صارحها و اسالها

والله يا امونه كل يوم بزيد اعجابي فيك......يا نيال اهلك وناسك فيك....

ما بتحبك اي واضحه :)

مرحبا

تسلم يا رب اخي المجهول .اخ رشيد ايش مال تعليقك مختصر

نصيحه لوجه الله اتاكد من مشاعرها ناحيتك وتقرب منها واعرف اذا هي على علاقه مع غيرك لانها راح ترجعله اذا تزوجتها لذلك انصحك ان تبحث عن من تحبك او على اقل غير مرتبطه عاطفيا لن الحب لايمكن ان ينتهي ابدا مع تقديري لراي امونه

احكي معها لحالكم وافهم منها كل شي منشان ازا ما اتفقتم تنفصلو بكل هدؤ وهية تشوف حياتها وانت تشوف حياتك وبنات الحلال كتار

في عدة قراءات للموضوع حسب الصورة اللي انا فهمتها وعالاغلب حالتك وحده منها .. يعني صارلك خمس شهور زي ما بتحكي .. معقول ما قدرت تحدد قطعا من نظرات عيونها اذا كانت بتحبك او لا .. او هل بتوصل لانها تكرهك مثلا .. او اذا كنت اشي عادي عندها او لا .. بمعنى لا بتحس انها بتشتاقلك ولا بتحس انك ثقيل عليها .. المفروض انو بهالكم شهر حددت موقعك بالمطلق من قلبها .. اقعد مع نفسك وشوف .. والله اذا كانت بتكرهك انا متاكد انك قادر تميز هالحكي بشكل واضح من نظراتها ونبرة صوتها وشغلات كثير انت ادرى فيها من ردود افعالها .. وهالحل انا بستبعدو لانك ما ذكرتو بدليل انك لسا شاكك .. لانو هالخيار بالذات ما بدو اثنين يحكوا فيها او يترددوا يكتشفوه .. اما الخيار الاول فممكن تكون بتحبك لكن البنت متربيه وخجولة ومش متعودة لسا .. وهون المشكلة عندك اللي ما قدرت تطلعها من هالشعور وهون بتبلش شطارتك لتعرف مفاتيح قلبها .. بس انت شكلك جاف بمعاملتها .. يا رجل بالهدية بيطرى اكبر قلب .. فما بالك مع بنت اكثر شي بتحبو انك تسمعها كلمة حلوة وتحسسها بالاهتمام وانها صارت من اولوياتك وتطمن عليها وتحسسها انك الانسان اللي بخاف عليها وانك سندها .. وانك بعيد عن البخل .. لانها اذا حستك بخيل مش بس بتكرهك وبتقرفك كمان .. واللي بدو شي لازم يضحي حتى يشوف اشي يسرو .. في مثل بقول (( اللي بدو عجة بدو يكسرلو بيضتين )) يعني اسخى بفلوسك وقبل هيك بدك تسخى بلسانك وسمعها كلام حب .. يا رجل هاي خطيبتك ... يعني زوجتك الا شحطة .. وهاي اكبر مشاكلنا .. الواحد بكون ميت ع خطيبتو وبحبها كثيير وبتمنى يضل عندها طول الوقت بس مش قادر يعبر .. بمعنى انو لسان حالو فاضحو انو بحبها .. بس بتلاقيه مو سخيان او مو قادر يسمعها كلمة حلوة .. طيب اذا هلا انت هيك وانت لسا في عندك رصيد محبة الها بقلبك وما قدرت تحكيلها كلمة حلوة ... كيف بعد الزواج بدك تحكيها ... وربي يشهد كنت احكي لاخوي ايام الخطبة لاني بعرف انو بحب خطيبتو عالاقل من طول المكالمات اللي كانت بينهم ولو انو ما بيحكي انو بحبها .. وبالظاهر انو جدي (قال يعني) .. بس ما اتصور انو بحكيلها كلام حب .. اقلو يا رجل قلها بحببببك ... هيك بصريح العبارة .. والله غير تموت فيك فوق موتها .. اذا هلا ما حكيتلها هالحكي ما حتقدر تحكيه بعد الزواج .. وانت نفس الشي اكسب قلبها وطري ايدك بالهدايا .. وطالما بتحبها احكيلها بحبببببك .. يارجل انت بتحكيها لحد غرييب !!!!!!!!!!!!!! .. البنت بغلب عليها الاحساس .. يعني بتفرق معها الكلمة .. اي بتلاقي الوحدة متزوجة صارلها 30 سنة ولسا بتحب تسمع كلمة حلوة من زوجها .. بتمنى انك تكون فهمت المقصد من كلامي .. وفي احتمال تاني .. هو انك معترض ع طريقة تفاعلها واستجابتها لحركاتك الحلوة اللي بتكون عالاغلب بين المخطوبين وسلامة فهمكم .. هون عاد بتعتمد ع نوع الحركة وبتعتمد ع اسلوبك وبتعتمد ع ترباية البنت كونها وضع جديد وجو جديد ... فممكن بتقوم لتتهرب من باب الحياء .. انا ما بحكي هيك حتى تتمادى .. بالعكس تماما .. الموضوع الو ضوابط .. بس بتقدر على الاقل تكسب قلبها يا شاطر يا ابو لسان معسول .. اما الخيار الاخير واللي ما بتمنى يكون موجود مثل ما حضرتك بتحكي .. انو اهلها جبروها ..بتكون مهمتك طالما صرتوا خاطبين تقرب هالفجوة اللي بينكم .. وعلى اساس حسن النوايا انو ما في حد كان بحياتها .. وحتى لو كان .. طالما صرتو خاطبين المفروض تحاول تعبي الفراغ اللي عندها ..
والله يا صديقي اللي بريحك وبريحها .. انك تحكيلها كل شي بقلبك وتصارحها .. صدقني الا يذوب كل هالجليد اللي بينكم .. احكي معها بصراحة بس اهم شي بلباقة ... مش بعباطة .. وانا اسف على هالكلمة .. ربنا يهدي بالك ويحببها فيك يا مشكلجي^_^

اخ من شباب اخر زمن , يعني جاي تعرض مشكلتك علينا وهي واضجه مثل الشمس , بتقول كل ما بدك تحكي معها بتغير الموضوع او بتروح عالمطبخ , وخمس شهور على هالحالة , يا حبيبي واضح انها ما بتحبك , البنت لما تخطب بتكون بتنتظر خطيبها على احر من الجمر . الا اذا كانت ما بتحبه . قبل ما تحاول تحكي معها مثل اي خطيبين , احكي معها مباشرة وبصراحة واسألها هي بتحبك ولا لأ . وعلى ضوء الجواب تصرف .

اخي الكريم يا من تبحث على حل لمشكلتك ....

اثناء دراستي تعرفت على بنت كانت تدرس معي في نفس الكليه بعد ان (تحركشت) بي اكثر من مرة .... وشابت علاقتنا الكثير من المشاكل والله العظبم كان قلبي يتقطع ويبكي بشدة بسبب بكائها حين نفترق وكانت بالفعل يظهر على وجهها الحزن وكانت تهدد بالنتحار ان لم اعد لها وكانت تتلهف للذهاب للكليه مبكرا ولا تدخل محاضرة ان لم ترني صباحا لدرجة ان امتحان نهائي في احدى اهم المواد العلميه طلبت ان تراني قبل دخول الامتحان ولم استطع يومها ان احضر للكليه فلم تمتحن وحملت المادة رغم انها من البنات ذات المستوى الدراسي الجيد جدا ....

ذهبت لامي وانا لا اعلم تقول لها ان تحبني حتى الجنون وانها لن تقبل بزوج غيري وانها ان وافقت (امي) او لن توافق سوف اكون انا زوجها ....آآآآه ..... ورب الكعبة اول عريس اتاها وافقت عليه دون تردد وكنت اراها معه هيمان فيه وذايبه فيه (يا للعجب) وبعد زواجها حاولت الاتصال بي وانا قمت بصدها يعني لو بدي اشي منها بجيبه وفهمك كفايه.....

اخي وين الغيبه من زمان ما بينت وين غيبت المده الطويله ولا سالت الى احلى شب باخلاقي شو هذا الله يعطيك العافيه على الكاتبه هذه قديش قعدت وانت تكتب ان شاء الله كله بزياده لحسانتك اخي وبارك الله فيك

اخ رشيد كل واحد فينا اله وجهة نظره وانا لما كتبت تعليق على المشكله كان قصدي انه في كثير بنات لما يخطبوا بيستحوا يقعدوا مع الخاطب فلازم هو يشجعها ويقعد معها حتى يمحي الحاجز يلي بينهم .اما بالنسبة لرأيك ففي كثير بنات هيك وبكونوا يحبوا فاحنا لازم ما نكون كلنا نفس التفكير ونخلي الشب يشك انه خطيبته بتحب حد ثاني واحنا ما بنعرف هي من اي نوع من البنات .مع احترامي لشخصك الكريم

البنت في مجتمعنا لا تستطيع ان تقول لك بانها لا تريدك وان اهلها اجبروها عليك -ولذلك تركت لك ان تفهم بانها لا تريدك وربما تحب شخصا آخر لذلك لا تربط حياتك بواحده لا تحبك وخلي القرار منك دون ان تسبب لها المشاكل

طيب ما في داعي تحكي معها نهائي لو حتى بعد ما تتزوج ما تحكي معها انا هيك عملت ما حكيت معاه نهائي هههه لا حلوه ولا مرة على راي جدتي

لما قرأت تعليقك قلبت على ظهري من الضحك . . . لو صار معي مثل ما صار معك كان خليتها هي وزوجها . . . كفته . . . بس انتا بتأكد على نظريتي في البنات . . . البنات مخلصات كتير لأنه مافي عندهم خيار تاني الا انهم يكونو مخلصات

يسعد صباحك امونه بجد انتي انسانه رائعه ومثال للصدق وطيبه قلب 000سيدتي واحد لازم يكون واقعي بشكل كبير بهيك امور لاني والله مش قصدي زرع شك بينهم بس بصراحه انا شفت كتير هيك حالات بالواقع ومثل ماحكيت اكثر من مره حب صادق مستحيل ينتهي ع طول عمر ودايما انسان يدور ع بحبه قبل مايدور مين يحب لانه الي بحب بعطي اغلى ماعنده 000وكل احترام وتقدير الك0

كلام اخي المتكتك صح بدل ما تظرح مشكلتك هون حاول تحلها انت مع خطيبتك ... لانه ممكن حدن هون يحكيلك شي يكون غير واقعي .. ويمكن تكون بتحبك بس من النوع المتزمت او الخجول انت حل مشكتلك معها بطريقتك وبعقلانية .. تمنياتي بالتوفيق .. نهارك سعيد

اتركها يمكن بحياتها شخص او ما بدها اياك شخصي وببكلا الحالتين انت ما بتقبلها على حالك .. واذا بتقدر اتساعدها على جبر اهلها ساعدها لو بتدفع انت المهر اذا في بحياتها شخص ولا تستمر

ترى فيها هيبه مو عيبه العيبه تستمر

يسعد صباحك اخ رشيد .انا لما حكيت عن زرع الشك ما قصدتك انته بالذات انا قصدت الجميع لاني بحس في اكثر التعليقات التشكيك بالشخص يلي صاحب المشكله بعاني منه او انهم بكونوا ماخذين الموضوع بسخريه وحابين يتفلسفوا .عشان هيك كتبت هاي الكلمه

طبعا مارح تحبك لأنو ماسار في طلعات وشوفات وحكي لازم الحب مع الوقت والعشره يجي

يا مايكل المشكلجي ورب الكون اول مرة اكتب هالقصه إلي صارت معي وزوجها ما إله اي دخل بالموضوع مسكين الزلمه ....... وبصراحه تعذبت من وراها ولازلت اشتاق لها .....ومختصر ما سردته من قصتي لصاحب المشكله يمكن ان البنت بتحب واحد فالافضل إله وإلها انهم يتركو بعض وبهدوء وتكون قمة الرجوله ان يتحمل تبعيات الانفصال لوحده دون التسبب بحرج لديها امام اهلها ومساعدتها للرجوع الى حبيبها او يمكن انه ما عندها تجارب نهائيا وهذا النوع يحتاج لفترة طويله لتتأقلم مع شخص سياخذها من بيت اهلها الذين عاشت في كنفهم سنين طويله وبذلك ... عليه مصارحتها...

ويارب يسعد قلبك وتضل تضحك وما يعكر صفو حياتك اي شائبه....حبيبي مايل المشكلجي

اتركها بدون تفكير بتكون بتحب واحد