مشكلتي مع بنت الجيران

19-03-2016 11:06 AM

تعديل حجم الخط:

سرايا - سرايا - انا ابلغ من العمر 31 عام عندي شعور بالذنب اتجاه بنت الجيران التي تبلغ 16 عام والتي لها علاقات كثيره مع شباب بالحي وخارج الحي حاولت التكلم معها ونصحها وان ماتفعله غلط لكن دون فائده حاولت التكلم مع اهلها عن طريق الهاتف لكن خفت عليها من اهلها لانهم ناس محترمين ولايستحقون البهادل لكن البنت تمادت لابعد الحدود اصبحت تفعل اشياء مشينه بدون علم احد لذلك يعذبني ضميري بسبب صغر سنها اخاف ان تضيع اكثر انصحوني

طباعة

المشاهدات: 56075


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	19-03-2016 11:06 AM سرايا
2 -	احكي لاهلها قبل ما يصير شي للبنت وساعتها تصير خطيتها برقبتك	19-03-2016 11:57 AM امونه التبليغ عن إساءة
3 -	لازم الاهل يعرفوا حتى ماتقع البنت بالخطأ	19-03-2016 01:11 PM السوسنة السوداء التبليغ عن إساءة
4 -	انت شب كيف حاولت تحكي معها يمكن فكرت انك بدك تهددها او تستغلها	19-03-2016 01:13 PM السوسنة السوداء التبليغ عن إساءة
5 -	من هون المشاكل بتصير ابوها رايح يحكي بتحكي بعرض بنتي لاورجيك يا هامل ههههه وينتج عن المشاجرة واحد بالسجن وواحد يومها بنتغدى منسف ههههه وبترحم ليه	19-03-2016 02:25 PM شوووووق التبليغ عن إساءة
6 -	شوق كلامك صح بس مش لازم هو يواجه ابوها لان الاهل ختى لو بنتهم غلطانة بعملوها ملاك وبتهموا الناس بانهم قذفوهم بعرضهم وبرفعوا قضايا قليل من الناس بخاف ربنا لهيك صاحب المشكلة مايحكي هو يحاول ينبه الاهل عن طريق اتصال من تلفون ارضي وهاد يكون لما تكون بنتهم طالعة مع شب حتى يمسكوها بالجرم ومايحكي الهم صراحة يحكي الهم روحوا عالمكان في شي بهمكم وطبعا بدون مايترك اثر انه هو الي حكى او انه يجيب سيرة البنت	19-03-2016 05:32 PM السوسنة/شوق/صاحب المشكلة التبليغ عن إساءة
7 -	الساكت عن الحق شيطان اخرس سارع قبل فوات الأوان	19-03-2016 06:51 PM ام ركان البطوش التبليغ عن إساءة
8 -	يعني انت شو بدك فيها لعمرها ما صلحت ويعني معقول اهلها لهدرجة مش عارفين بنتهم شو بتعمل في ناس هدا اشي عادي عندهم انت خليك بحالك وما يضل بالك فيها اجهنم الي تبلعها.	19-03-2016 07:53 PM منال التبليغ عن إساءة
9 -	يا ابني تلاشيا للمشاكل وحفاظا على سمعة البنت وستراها .. حاول عن طريق بنت بتخصك هي اللي تحكي معها...بالحكمة... شرطا تكون بنت ثقة...	19-03-2016 08:59 PM ابو حمزة التبليغ عن إساءة
10 -	وانت يا فصح ليش تحكي معها من اساسه على اساس انك صاحب الضمير الحي مهو انت غريب عنها والاشياء المشينة اهلها ما بعرفوا وووين اهلها عنها الله يقطع هيك اهل	19-03-2016 10:48 PM شوووووق التبليغ عن إساءة
11 -	ما تعمل ههههه مصلح اجتماعي ولا خربان البيوت بدو مواقفه	20-03-2016 03:14 AM شووووق التبليغ عن إساءة
12 -	وانت لولاك متابع هيك قصص وبتدور ورا البنات كان ما عرفت عنها اصلا،،،ضب حالك ولا تساوي حالك رقيب عالعباد لولاك عينك هين وهون ما لاحظت الموضوع اصلا..	20-03-2016 08:02 AM تحكي جد؟؟؟ التبليغ عن إساءة
13 -	طرحت هذة المشكلة سابقا - مكرر اقطع	20-03-2016 08:34 AM مهند الصمادي التبليغ عن إساءة
14 -	انت شب عمرك 31 سنه , وعندك شعور بالذنب اتجاه بنت الجيران . اااااااااااه وليش عندك شعور بالذنب يا محترم ؟؟ استغفر الله العظيم يا ربي , ان بعض الظن اثم . اقولك باختصار . انت بس ابعد عنها وهي بخير . ههههههههه	20-03-2016 12:30 PM المتكتك التبليغ عن إساءة
15 -	انا برأيي انه انت لازم تحكي لحدا من اهلها ويكون بقدر ياثر عليها وما يصير فضايح يعني اختها مثلا او حدا مو متهور بس لازم تستشير كمان حد فاهم بهيك قصص ويعرف يساعدك ويطلعها من وضعها ..بس اهم شي الستر	20-03-2016 02:38 PM قارئة.. التبليغ عن إساءة
16 -	المشكله قديمه	20-03-2016 04:33 PM سوسو التبليغ عن إساءة
17 -	الحل انك تبعث مكتوب عن طريق البريد لاهلها لان للجار حق الجار ومن راى منكم منكرا فليغيره	30-03-2016 08:09 AM المهندس A التبليغ عن إساءة