تقدم لخطبتي و امه هددتني لاني " ارملة " ماذا أفعل ؟

12-03-2016 11:22 AM

تعديل حجم الخط:

سرايا - سرايا - عمري ٢٤ سنه شااء القدر واصبحت ارمله منذ سنتين الحمدلله على كل حال ...من فتره قابلت شب بالشغل والله ماصار بينا علاقه ولا تلفونات كل يوم كنت اشوفه ويشوفني ومره بعتلي زميلتي بالشغل انو بدو يخطبني هو بعرف اني ارمله وحكيت لاهلي واعطيتو خبر انو يتفضل هو واهله وفعلا. زارونا بس بعد كم يوم رننت علي امه بتهددني اني ما اوافق لانها مابدها بس قدام ابنها بينت انها مبسوطه بصراحه مش عارفه خايفه اخبره يعلق مع امه وخايفه اوافق تقلب حياتي لجحيم ... ساعدوني بحل الله يوفقكم

طباعة

المشاهدات: 27401


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	12-03-2016 11:22 AM سرايا
2 -	صلي استخاره وربنا يقدملك كل خير	12-03-2016 11:49 AM امونه التبليغ عن إساءة
3 -	اولا من حقك الزواج مرة تانية تاني اشي استخيري بالموضوع وتالت اشي خبري والدك يجلس مع الشاب وهو يحكيله عن تهديدات والدته ويترك التصرف له مع والدته .	12-03-2016 12:27 PM فله التبليغ عن إساءة
4 -	انا رائي تعطي فرصه له حي يحاول يقنع امه بزواج منك عسى انها تقنع وصدقني لو لكي نصيب فيه بتاخذيه لو كل عالم رفضوا هذا الزواج لان كل شي ء في الدنيا مكتوب من عند الله	12-03-2016 12:32 PM مها احمد التبليغ عن إساءة
5 -	مرحبا. . اختي... مبين انه الشب شاريكي ومصر على الزواج منك...وﻻ كان امه ما اجت لعندكوا غصب عنها... والته هامها ابنها وخايفة من زعله...بعدين انتي بدك تتزوجيالشب وﻻ امه؟؟!!...توكلي على الله ووافقي... بعد الزواج عامليها كويس بتصير تحبك...تحياتي الك	12-03-2016 01:56 PM هناء التبليغ عن إساءة
6 -	تزوجيه بلكي امه انجلطت انا غشيمة عن النسوان والحموات هههههه	12-03-2016 06:53 PM شوق التبليغ عن إساءة
7 -	لازم تحكي معو وتصارحية انو امك حكت معي هيك وهيك لانو امو بتتصرف بانانية وانتي من حقك وحقو تجوزو وتعيشو مبسوطين	12-03-2016 07:18 PM نادين التبليغ عن إساءة
8 -	غريب .. خايفة تخبريه ويعلق مع امه ؟؟!! لأ خليه يعلق مع امه ويدبر حاله , قبل ما تتورطي انت بينه وبينها , لازم يعرف منك انت بالذات ان امه كلمتك وطلبت منك ترفضي الزواج منه . وشوفي شو رح يتصرف , هل بقدر يواجه امه ويقنعها او يتخذ قرار بهالموضوع , والا كل واحد بدار اهله وانت بعدك زغيره , فلا ترمي حالك كيف ما كان .	13-03-2016 08:50 AM المتكتك التبليغ عن إساءة
9 -	كيف تقلب حياتك جحيم انت وهو موظفين اسكنوا ببيت بعيد عن العائلة وبنصحك توافقي وانسي امه هو رح يعيش معك مش امه	13-03-2016 04:56 PM السوسنة السوداء التبليغ عن إساءة