سرايا - سرايا -  انا من عائله مكونه من ٣اخوات و اخ و ماما عايشه و بابا الله يرحمه مات و انا اكبر وحده كان عندي ١٠ سنين، ما حدا فيكم ممكن يتخيل الحياه الصعبه اللي امي عاشتها بعد بابا، احنا كنا عايشين بالخليج و دلال غير شكل بابا قدر قبل ما يتوفى يشتري ارض و يبني بيت إلنا و بس خلص البيت و فرشنا طبعا فلسنا.

و على طول ربنا أخد امانته و ما كان مع امي الا دهبها و شوية مصاري طلعولها من أتعاب بابا ما بكفوا يعيشونا سنتين على بعض، امي ما كانت متعلمه بس كانت ست بيت من الطراز الاول، أخدت من البيت غرفه و عملت فيها مطبخ للشغل برأس المال اللي معها و اشتغلت للي و نهار، ما بتزكر نقص علينا اشي و لا عمرنا احتجنا حدا، كنا متفوقين و شاطرين و كلنا الحمدلله طلعنا منصلي و منعرف ربنا، وعدت نفسي اعوض امي عن كل ايام تعبها بس لتخرج، و فعلا اتخرجت و اشتغلت بوظيفه اي واحده بسني بتحلم فيها و تاني شهر اشتريت لامي سياره، امي كانت مل يوم توصلنا على المدرسه مشي بعز المطر و عز الحر ، تشتري الأغراض و تمشي فيهم الله بعلم اديه عشان ترجع تطبخ و تشتغل للناس طلباتهم .

و كان هاد اقل اشي اعملها إياه، كان يجيني عرسان كتير بس كنت اشطر عليهم انو لازم أضل اشتغل و جزء من راتبي يروح لأهلي، و طبعا ما حدا كان يرضى ، لحد ما اجا شب ابن عيله و آدمي و رضي بشروطي، عمري كان ٢٦ و شغلي كان ممتاز و كنت خلصت حق السياره، انا ما حكيتله كم راتبي الحقيقي، لأني كنت أعطي امي ٥٠٠ و أحط ٥٠٠ ببيتي بس انا قلتله اني بعطي اهلي ٢٠٠ و راتبي ٧٠٠، و بعدين مرت عمي الله يسامحها حكتله انه السياره انا جبتها لأهلي.

و احنا لهلا ما عنا سياره صار بدو زوجي أخد السياره من امي و انا مستحيل اعملها !! و امبارح شاف مسج وصلت على موبايلي براتبي الحقيقي و صارت مشكله طويله على القصه و حكالي ممنوع تساعدي اهلك و بدك تجيبي السياره او روحي عندهم و ما بدي اياكي ، انا معي بيبي و صراحه مش فارق معي كتير بس خايفه امي تعرف و يصير معها اشي لما تعرف السبب. شو رأيكم انا غلطانه؟ اخوي اصغر واحد و عمره هلا ١٦ سنه و عندي اخت بالجامعة و ما بقدر ما اصرف عليهم لأنهم و الله بضيعوا:(