سرايا - سرايا -انا بنت عمري 22 بعرف صديق حبيته كتير بس هو بيعتبرني صديقة بس بيوم كان بده مني شغلة قلتله بشوفك بالكافيه المسا وبعطيك واتفقنا ورحنا..قعدنا دردشنا شوي وكنت مبسوطة بعدين صدف اجت صديقته المقربة اله وهو انبسط وقعدت معنا وصار يضحكوا وينكتوا وانا ولا كأني موجودة ادايقت كتير شوي ودمعتي هتنزل مسكت حالي ما بدي ابين اني مقهورة..في شب مأسكاه لاحز علي انزعاجي اجى لعنا قال حبيبتي خلص لا ضلك زعلانة مني وجايبة صديقك هون تقاهريني فيه عاد انا ما بعرفه لهالشب بس ادايق علي بهالقعدة انا مشيت معه وقلتله خلص حياتي بطلت زعلانة حبك اناا هداك صديقي انقهر قلتله نسيت اقلك عن حبيبي بس يلا هيك عرفت وضليتني رايحة مع الشب..
قلتله مجنون انت بس جد شكرا خلصتني من هالموقف حكالي معلش انا مريت بيلي مريتي فيه فحسيت فيكي
بعدين انا صرت ابكي قلبتها مناحة جننت الشب وهو بقول لأ يبطة لأ ما تبكي ما بيستاهل بس جد انا كنت احبه لهداك..
مرت الأيام وصديقي لكنت احبه صار مشالله فجأة مهتم لأمري بس ضليتني اطنشه واذله وهو يضل وراي ما بقدروا الشي غير لما يفقدوا حتى اجى تقدملي ورفضته واصلا بطلت احبه صرت احب الشب هداك ومش عارفة كيف اوصله ما اخدنا ارقام بعض انا عم بموت بدي ياه ازا كنت بتابع اعترافات ف استناني يوم الخميس بنفس الكافيه وبنفس الوقت لشفتني فيه..بحبك♡